Cyclone Fani: ફનીની અસરને કારણે આવો છે માહોલ

વાવઝોડું શુક્રવારે ઓડિશાના કિનારે ટકરાશે. એ પહેલા જ ઓડિશામાં ભારે પવન ફૂંકાવાની અને વરસાદ પડવાની શરૂઆત થઈ ચૂકી છે. 

સાવચેતીના ભાગ રૂપે ઓડિશામાં કેટલાક વિસ્તારોમાં રેડ એલર્ટ અને ઓરેન્જ એલર્ટ જાહેર કરાયું છે. સુરક્ષા દળોને હાઈએલર્ટ પર મૂકી દેવાયા છે. 

ગુરુવારે રાજ્યમાં તમામ શૈક્ષણિક સંસ્થાનોને બંધ રાખવાનો આદેશ આપી દેવાયો છે. તો દરિયાકિનારે રહેતા 8 લાખ લોકોને સલામત જગ્યાએ ખસેડી દેવાયા છે. 

ચક્રવાત ફનીને કારણે ટ્રેન વ્યવહાર પર પણ અસર પડી છે. 100થી વધુ ટ્રેન રદ કરી દેવાઈ છે. 

દરિયામાં પણ ફની ચક્રવાતની અસર દેખાઈ રહ્યો છે. માછીમારોને દરિયામાં ન જવા ચેતવણી આપી દેવાઈ છે. દરિયાના મોજા પણ ગાંડાતૂર બની રહ્યા છે. 

ઓડિશાના સમુદ્રકિનારાના વિસ્તારોમાં સતત વરસાદ પડી રહ્યો છે. હાલ વાવાઝોડું ફની દક્ષિણ પશ્ચિમમાં પુરીથી 420 કિલોમીટર દૂર છે. 

તો સાવચેતીના ભાગ રૂપે સતત બીચ પણ ખાલી કરાવાઈ રહ્યા છે. પોલીસ સતત ચેતવણી આપીને પુરીના જુદા જુદા બીચ પરથી પ્રવાસીઓને હટાવી રહી છે. 

ફનીની સ્થિતિને પહોંચ વળવા કેન્દ્ર સરકાર પણ તૈયારી કરી રહી છે. વડાપ્રધાન મોદીએ ઉચ્ચ સ્તરીય બેઠક કરીને ઓડિશાની સ્થિતિ અને તૈયારી અંગે માહિતી મેળવી હતી