૫૧૦ કિલો અથવા ૨.૫ મિલ્યન કૅરૅટના એ સ્ટાર સેફાયર ક્લસ્ટરની કિંમત ૧૦૦ મિલ્યન ડૉલર (અંદાજે ૭૪૩ કરોડ રૂપિયા) હોવાનો અંદાજ રાખવામાં આવે છે
નીલમ - સેફાયર ક્લસ્ટર
શ્રીલંકાના રત્નપુરા વિસ્તારમાં રત્નોના એક વેપારીના ઘર સામે કૂવો ખોદતાં ‘નીલમ’ રત્નોનો જથ્થો મળી શકે એવો ખડક-ગઠ્ઠો મળ્યો હતો. એ ‘નીલમ સમૂહ’ સ્ટાર સેફાયર ક્લસ્ટર નામે ઓળખાય છે. ૫૧૦ કિલો અથવા ૨.૫ મિલ્યન કૅરૅટના એ સ્ટાર સેફાયર ક્લસ્ટરની કિંમત ૧૦૦ મિલ્યન ડૉલર (અંદાજે ૭૪૩ કરોડ રૂપિયા) હોવાનો અંદાજ રાખવામાં આવે છે. એ વાદળી રંગનો ક્લસ્ટર ‘સેરેપિન્ડિટી સેફાયર’ તરીકે ઓળખાય છે. શ્રીલંકાના નૅશનલ જેમ ઍન્ડ જ્વેલરી ઑથોરિટીના ચૅરમૅન તિલક વીરાસિંઘેએ ‘સેરેપિન્ડિટી સેફાયર’ અત્યાર સુધીનો સૌથી મોટા કદનો સેફાયર ક્લસ્ટર હોવાની શક્યતા દર્શાવી છે.
