તેણે સમગ્ર ઘટનાનો વિડિયો બનાવ્યો હતો જેને ૭૦ લાખથી વધુ લોકોએ જોયો છે.
મહિલાના બાથરૂમમાં અચાનક વહેવા લાગ્યું લોહી
બાથરૂમમાં પાણી લીકેજ થવાની સમસ્યા બહુ જ સામાન્ય છે, પરંતુ મહિલા ટિકટૉકર લેક્સી ચિડેસ્ટરને એ વાત જાણીને આઘાત લાગ્યો કે તેના બાથરૂમમાં કોઈ હૉરર ફિલ્મની જેમ લોહી જેવો પદાર્થ લીક થતો હતો. તેણે સમગ્ર ઘટનાનો વિડિયો બનાવ્યો હતો જેને ૭૦ લાખથી વધુ લોકોએ જોયો છે. લેક્સી જાણવા માગતી હતી કે એ પદાર્થ શું છે. પરંતુ એને કંઈ સમજાતું નહોતું. તેને ડર લાગતો હતો કે શું તેના ઘરમાં ભૂતોનો વાસ છે? પોતાનો અનુભવ વર્ણવતાં લેક્સીએ કહ્યું હતું કે હું આ ઘરમાં છેલ્લાં ૨૦ વર્ષથી રહું છું. અચાનક મારા ઘરની સિન્કમાં લોહી વહેવા લાગ્યું હતું.’
લોહી ક્યાંથી આવે છે એ સમસ્યા જાણવા તેણે પ્લમ્બરને પણ બોલાવ્યો હતો. એક યુઝરે કહ્યું હતું કે તમારું ઘર પિરિયડમાં આવ્યું છે તો બીજા યુઝરે કહ્યું કે એ હૅલોવીનની તૈયારી કરી રહ્યું છે. તપાસ કરતા ખબર પડી કે બાથરૂમમાં આવેલી કેબિનેટમાં કેટલાંક મેટલના ટૂકડાઓ હતા. જે કટાઇ જતા એમાંથી નીકળતું પ્રવાહી લોહી જેવું હતું.
