ઇન્સ્ટાગ્રામ યુઝર્સ વચ્ચેની સ્પર્ધામાં જે જીતશે તે મિત્રો સાથે આ લા ડોલ્સે વિલામાં વીક-એન્ડ મનાવી શકશે.
સ્પર્ધા જીતો અને ૧૮ બેડ વિલામાં સુપર લક્ઝરીમાં રહો
ઇટલીના ટસ્કનીમાં ૧૨મી સદીની વિલામાં ભાડે રહેવું એ લક્ઝરી મનાય છે. જોકે ઇટાલિયન બિયર કંપનીનું માનવું છે કે એક સ્પર્ધા લૉન્ચ કર્યા પછી આ તમામ સુવિધા સાથે રોકાણનો ખર્ચ એ ઉઠાવશે.
ઑલિવ મિલ ધરાવતી ફ્લોરેન્સ અને સિએના વચ્ચેની રોલિંગ ટસ્કની ટેકરીઓમાં સ્થાપિત લગભગ ૧૪૦૦ના દાયકાની આ અદ્ભુત વિલા સદીઓથી રોમન પરિવારની માલિકીની હતી.
નવી ઝુંબેશના ભાગરૂપે ઇટાલિયન બિયર કંપની બિરા મોરેટીએ આ પ્રૉપર્ટી પર કબજો જમાવ્યો છે અને વચન આપ્યું છે કે ઇન્સ્ટાગ્રામ યુઝર્સ વચ્ચેની સ્પર્ધામાં જે જીતશે તે મિત્રો સાથે આ લા ડોલ્સે વિલામાં વીક-એન્ડ મનાવી શકશે.
સ્પર્ધામાં જીતનાર ઇટાલિયન સંસ્કૃતિનો પણ અનુભવ મેળવશે. મહેમાનો માટેના પ્રવાસ કાર્યક્રમમાં હૉટ ઍર બલૂન રાઇડનો પણ સમાવેશ છે. ટસ્કનીમાં રોકાણ માટેની સ્પર્ધા જીતવા માટે ઇન્સ્ટાગ્રામના યુઝર્સે ઇટાલિયન જીવન જીવવાની રીતથી પ્રેરિત જુદા-જુદા પડકારોનો સામનો કરવાનો રહેશે.