અમુક રૂમમાં એલિઝાબેથના નામની પોકાર નાખતો પુરુષનો અવાજ પણ સંભળાતો હતો. આ હોટેલના પહેલા માલિકની પત્નીનું નામ એલિઝાબેથ હતું.
ભૂતને મળવું છે? પહોંચો આ હોટેલમાં
ઇંગ્લૅન્ડમાં એક હોટેલમાં લોકોએ ભૂત હોવાની ફરિયાદ કરતાં ભૂત શોધતી સત્તાવાર એજન્સી દ્વારા તપાસ હાથ ધરવામાં આવી હતી. હોટેલમાં રહેવા આવેલા લોકોએ ફરિયાદ કરી હતી કે તેમને પગલાંનો અવાજ સંભળાય છે, કોઈ અચાનક વાળ ખેંચી જાય છે, ખાલી રૂમમાંથી રિસેપ્શન પર ફોન આવે છે વગેરે. ‘શ્રુબરી’ નામની આ હોટેલમાં આવી વિચિત્ર ઘટનાઓને પગલે સત્તાવાર તપાસ ટીમને બોલાવવામાં આવી હતી. ૧૪ નવેમ્બરની સાંજે હોટેલમાં તપાસ કરવામાં આવી હતી. તપાસમાં હોટેલમાલિકે જણાવ્યું હતું કે હોટેલમાં જાતજાતના અવાજ સંભળાય છે, ઘણા લોકોને પોતાને કોઈ અડતું હોય એવો અનુભવ થાય છે, ઘણાને ડાઇનિંગ-રૂમમાં ઘોડેસવાર પણ દેખાય છે, તો ઘણાને સિસોટી સંભળાઈ. એટલું જ નહીં, તપાસ માટે આવેલી ટીમના વૉકી-ટૉકીમાં પણ કોઈ છેડછાડ કરતું હોવાનું તપાસ કરનાર અધિકારીઓએ અનુભવ્યું હતું. ટીમના એક પણ
સભ્ય કશું બોલ્યું ન હોવા છતાં વૉકીટૉકીમાં દરેકને એકબીજાનો અવાજ સંભળાતો હતો. અમુક રૂમમાં એલિઝાબેથના નામની પોકાર નાખતો પુરુષનો અવાજ પણ સંભળાતો હતો. આ હોટેલના પહેલા માલિકની પત્નીનું નામ એલિઝાબેથ હતું.
