Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > ચિત્ર-વિચિત્ર > આર્ટિકલ્સ > રસ્તો ધોવાના પ્રેશર-વૉશરથી આ કલાકાર સડક પર ચિત્રો બનાવે છે

રસ્તો ધોવાના પ્રેશર-વૉશરથી આ કલાકાર સડક પર ચિત્રો બનાવે છે

16 June, 2024 11:54 AM IST | Washington
Gujarati Mid-day Correspondent | feedbackgmd@mid-day.com

પાણીના પ્રેશરવાળા પમ્પથી સડક પર આવું આર્ટ ક્રીએટ કરનારો કદાચ આ પહેલો વીરલો છે. 

ચિત્રણ

અજબગજબ

ચિત્રણ


કહેવાય છે કે કંટાળાજનક કામમાં પણ કંઈક ગમતું ઉમેરણ કરી દો તો ચમત્કાર સર્જાઈ શકે છે. અમેરિકાના ટેક્સસ રાજ્યના ન્યુ બ્રુન્ફેલ્સ શહેરમાં રહેતા સૅમ વાર્ડે પણ આવું જ કંઈક કર્યું છે. કોરોના વખતે લૉકડાઉન દરમ્યાન ઘરમાં રમીને કંટાળેલા બે દીકરાઓને સૅમભાઈએ ખૂબબધા ચૉક લઈને ઘરની બહારના ડ્રાઇવવે પર ચિત્રણ કરવા આપી દીધું. જોકે બાળકો ચિત્રણ કરીને ધરાય એ પહેલાં તો પત્નીનો હુકમ આવી ગયો કે આવું ચિત્રણ ઘરની બહાર નહીં ચાલે. પાણીથી સાફ કરી લો. સૅમને બહુ કંટાળો આવતો હતો, પણ રસ્તો સાફ તો કરવો જ રહ્યો એટલે તેણે પ્રેશર પમ્પવાળા વૉશરથી રસ્તા પર ધાર કરવાની શરૂઆત કરી. એ ધારથી પહેલાં તો તેણે સર્કલ, સ્ક્વેર એમ શેપ્સ બનાવવાનું શરૂ કર્યું અને એમાં મજા પડવા માંડી એટલે તેણે પાણીની ધાર વડે રોડ પર આકૃતિઓ ઉપસાવવાનું શરૂ કર્યું. એમાં પણ મજા પડવા માંડી. શરૂઆતમાં જે ચિત્રણ તૈયાર થયાં એને સોશ્યલ મીડિયા પર મૂકવાનું શરૂ કર્યું. લોકોએ તેની કળાને વખાણી અને પછી તો લૉકડાઉનમાં કંટાળો દૂર કરવા માટે સૅમભાઈએ ઘરની બહારની ડ્રાઇવવેની સડક પર પોતાની કલાકારી બતાવવાનું શરૂ કરી દીધું. સોશ્યલ મીડિયા પર હવે સૅમને લોકો પાવર-વૉશર વાન ગૉઘ’ના હુલામણા નામે ઓળખવા લાગ્યા છે. પાણીના પ્રેશરવાળા પમ્પથી સડક પર આવું આર્ટ ક્રીએટ કરનારો કદાચ આ પહેલો વીરલો છે. 


Whatsapp-channel Whatsapp-channel

16 June, 2024 11:54 AM IST | Washington | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK