° °

આજનું ઇ-પેપર
Monday, 25 October, 2021


આ મહિલાઓએ ઘરમાં ઘોડો પાળ્યો છે

24 September, 2021 01:47 PM IST | Mumbai | Agency

૧૭ વર્ષના જૅક નામના આ ઘોડાને જો બિસ્કિટ કે કેક આપવામાં આવે તો એ કોઈ પણ આદેશનું પાલન કરવા તૈયાર થઈ જાય. હા, એ થોડો તોફાની પણ છે.

આ મહિલાઓએ ઘરમાં ઘોડો પાળ્યો છે

આ મહિલાઓએ ઘરમાં ઘોડો પાળ્યો છે

અમેરિકા અને બ્રિટનમાં પાળેલા ડૉગી કે કૅટ તો લગભગ દરેક ઘરમાં હશે, પણ પાળેલા ઘોડા હોય એવા પણ કેટલાક કિસ્સા છે. એલી સ્ટર્ન નામની ૩૮ વર્ષની મહિલા વર્જિનિયાના નૉર્ફોકમાં ખેડૂત-પતિ રૂપર્ટ અને બાળકો સાથે રહે છે. એલીના ઘરમાં ડૉગી તો છે જ, તેણે એક ઘોડો પણ રાખ્યો છે. પરિવારજનોના નાસ્તા કે જમવાનો ટાઇમ થાય ત્યારે આ ઘોડો ડાઇનિંગ ટેબલ પાસે અચૂક આવી જાય અને એને પણ કંઈક ખાવાનું આપવું પડે. ૧૭ વર્ષના જૅક નામના આ ઘોડાને જો બિસ્કિટ કે કેક આપવામાં આવે તો એ કોઈ પણ આદેશનું પાલન કરવા તૈયાર થઈ જાય. હા, એ થોડો તોફાની પણ છે.
ઇંગ્લૅન્ડની યૉર્કશર કાઉન્ટીમાં પાર્ટનર ઍન્ડી સાથે રહેતી કૅરોલિન વિલ્ડે જે ઘોડો પાળ્યો છે એનું નામ મિની મો છે. એ માદા છે અને ઘણી સાંકેતિક ભાષામાં કૅરોલિનનું કહ્યું માને છે. કૅરોલિને એને ૮ વર્ષ પહેલાં એક રેસ હૉર્સ ટ્રેઇનર પાસેથી ખરીદી હતી. જોકે કૅરોલિન એને પોતાના બે શો-જમ્પિંગ હૉર્સની જોડીદાર તરીકે ખરીદી લાવી હતી. એને ઘાસ ખાવા કરતાં ગાજર અને ફ્રૂટ્સ વધુ ભાવે છે. એને જો સમયસર ખાવાનું ન મળે તો તોફાને ચડે અને ડસ્ટબિનને મોઢાથી પકડી ઊંધું વાળે અને કચરો ઘરમાં ફેલાવી દે. કૅરોલિનનાં મમ્મી જ્યારે કૅન્સરની બીમારીથી પીડાતાં હતાં અને ક્યારેક ખુલ્લી હવામાં ફરવા ઘરમાંથી બહાર જતાં અને પછી પાછાં આવતાં ત્યારે આ ઘોડી તેમને લેવા અચૂક તેમની પાસે દોડી જતી હતી. બે વર્ષ પહેલાં તેઓ ગુજરી ગયાં ત્યારે આ ઘોડી ગમગીનીમાં ટેબલની નીચે ઘણી વાર સુધી બેઠી રહી હતી. આ ઘરમાં બે ડૉગી પણ છે જેમને ઘોડી દિઠ્ઠી નથી ગમતી અને દિવસમાં વારંવાર એની સામે ભસ્યા કરતા હોય છે.

24 September, 2021 01:47 PM IST | Mumbai | Agency

અન્ય લેખો

ચિત્ર-વિચિત્ર

૯ બાળકને જન્મ આપનાર મમ્મી રોજ ૧૦૦ બેબી-નૅપ્કિન બદલે છે

૨૬ વર્ષની હલિમા સીઝે નામની આ મહિલાએ તાજેતરમાં તેના અનુભવો બયાન કર્યા છે

25 October, 2021 12:41 IST | Malian | Gujarati Mid-day Correspondent
ચિત્ર-વિચિત્ર

પોપની ટોપી લઈ લેવાનો પ્રયાસ કરતા બાળકનો વિડિયો વાઇરલ

પોપે પણ તેમના ભાષણમાં આ બાળકના હાર્દિક વર્તન માટે તેને આશીર્વાદ આપ્યા હતા

25 October, 2021 12:39 IST | London | Gujarati Mid-day Correspondent
ચિત્ર-વિચિત્ર

મહાકાય સનફિશને સ્પૅનિશ સંશોધકોએ જાળમાંથી મુક્ત કરી

વિડિયો સોશ્યલ મીડિયા પર વાઇરલ થયો છે

25 October, 2021 12:36 IST | Spain | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK