° °

આજનું ઇ-પેપર
Monday, 06 December, 2021


લંડનમાં ગુફા જેટલા ઘરના પહાડ જેવડા ભાવ

20 November, 2021 06:46 PM IST | mumbai | Gujarati Mid-day Correspondent

એક ફ્લૅટમાં તો કિચનને અડીને જ શાવર મૂકેલો દેખાય છે, કહેવાતા લિવિંગરૂમમાં મૂકેલા પલંગ પરથી પગ સીધો કિચનમાં મૂકીને ઊતરી શકાય છે.

લંડનમાં ગુફા જેટલા ઘરના પહાડ જેવડા ભાવ

લંડનમાં ગુફા જેટલા ઘરના પહાડ જેવડા ભાવ

ઇંગ્લૅન્ડની પાટનગરી અને વિશ્વનાં મહત્ત્વનાં શહેરોમાંનું એક લંડન તોતિંગ ભાવ માટે જાણીતું છે જ. અહીં નાનાં-નાનાં ઘરનાં ભાડાં પણ મોંઘાંદાટ હોવાની બુમરાણ મચતી હોય છે. તાજેતરમાં ભાડા માટે મુકાયેલાં આવાં જ ત્રણ નાનાં ઘરની ચર્ચા જામી છે, કારણ કે ખિસ્સાફાડ ભાડું ઉઘરાવીને પણ આ ઘરમાં ટૉઇલેટ-બાથરૂમની સુવિધા છે કે નહીં એ વિશે સ્પષ્ટતા નથી કરવામાં આવી.
પશ્ચિમ લંડનમાં કૅસલટાઉન રોડ પર આવેલા એક બિલ્ડિંગના ત્રણ નાના સ્ટુડિયો-ફ્લૅટ વેચવા મુકાયા છે. એક ફ્લૅટમાં તો કિચનને અડીને જ શાવર મૂકેલો દેખાય છે, કહેવાતા લિવિંગરૂમમાં મૂકેલા પલંગ પરથી પગ સીધો કિચનમાં મૂકીને ઊતરી શકાય છે. માંડ ૧૦X૧૨ના આ ઘરમાં ટૉઇલેટ હોવાના કોઈ સંકેત દેખાતા નથી અને એ વિશે ‘રાઇટમૂવ’ નામની વેચનારી કંપનીએ કોઈ ઉલ્લેખ પણ નથી કર્યો. મહિને ૮૭૫ યુરો (આશરે ૭૩,૦૦૦ રૂપિયા)ના ભાડે મુકાયેલા આ ફ્લૅટમાં કિચન સાથે જ જોડાયેલા લાગતા શાવરની આસપાસ બાથરૂમનો દરવાજો પણ નથી દેખાતો. કદાચ સવારે બ્રેકફાસ્ટ બનાવતાં-બનાવતાં નાહવાની સુવિધા કરવામાં આવી હોય એવું લાગે. એ જ કંપનીએ આ જ અપાર્ટમેન્ટના આવા જ બીજા બે અદ્ભુત સ્ટુડિયો-ફલૅટ પણ ભાડે મૂક્યા છે. એવો જ બીજો (ટૉઇલેટવિહોણો) ફ્લૅટ આ બિલ્ડિંગમાં ૧૫૦૦ યુરો (આશરે સવા લાખ રૂપિયા)માં ભાડે મુકાયો છે.

20 November, 2021 06:46 PM IST | mumbai | Gujarati Mid-day Correspondent

અન્ય લેખો

ચિત્ર-વિચિત્ર

વાંદરાએ પોતાના માટે શોધી કાઢી ખાસમખાસ કૅટ-ટૅક્સી

રેડિટ પર લગભગ ૧૫ કલાક પહેલાં એક વિડિયો અપલોડ કરવામાં આવ્યો છે, જેમાં એક બિલાડીની પીઠ પર નાનું વાંદરું વળગીને બેઠું છે

05 December, 2021 08:09 IST | New Delhi | Gujarati Mid-day Correspondent
ચિત્ર-વિચિત્ર

આ પરિવારનાં પાંચ બાળકો હજી પણ ભાંખોડિયાભેર ચાલે છે

ટર્કીના વૈજ્ઞાનિકો આ ઘટનાને ‘પછાત વિકાસ’ના પુરાવા તરીકે ગણાવે છે

05 December, 2021 08:07 IST | Turkey | Gujarati Mid-day Correspondent
ચિત્ર-વિચિત્ર

વિશ્વના સૌથી મોટા વૉશિંગ મશીન પિરામિડનો રેકૉર્ડ

આ પિરામિડ તૈયાર કરવામાં ૧૪૯૬ રીસાઇકલ્ડ વૉશિંગ મશીનનો ઉપયોગ થયો છે

05 December, 2021 08:01 IST | London | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK