નીતિન મિશ્રા નામના ટ્વિટર-યુઝરે સમોસાંનો ફોટો શૅર કર્યો છે
સિરિયલ નંબરવાળાં હાઇ-ટેક સમોસાં
વિશ્વભરમાં દેશી નાસ્તા તરીકે સમોસાં હંમેશા લોકપ્રિય રહ્યાં છે. સ્વાદિષ્ટ સમોસાં લગભગ પ્રત્યેક વ્યક્તિની પસંદગીના નાસ્તાના લિસ્ટમાં સ્થાન પામે છે.
નીતિન મિશ્રા નામના ટ્વિટર-યુઝરે સમોસાંનો ફોટો શૅર કર્યો છે, જેની કૅપ્શનમાં લખ્યું હતું, ‘મેં ઑર્ડર કરેલાં સમોસાં સિરિયલ નંબર સાથે આવ્યાં છે. પ્લીઝ ટેક્નૉલૉજી મારા હલવાઈથી દૂર રહે અને મને સમોસાંનો આનંદ માણવા દે.’
ADVERTISEMENT
ખાદ્ય ચીજો પર સિરિયલ નંબર લગભગ બધા માટે વિચિત્ર કહી શકાય એવી બાબત છે. જોકે જ્યારે ટ્વિટર પર ફોટો વાઇરલ થયો ત્યારે નેટિઝન્સે કમેન્ટ કરતાં લખ્યું કે ‘હવે આનો પણ ચીલો પડી જશે કે શું?’ એક નેટિઝને લખ્યું કે ‘હવે કદાચ કોના તરફથી સમોસા-પાર્ટી છે એ પણ જાણવા મળશે.’ બીજાએ લખ્યું, ‘કદાચ હલવાઈનો હેલ્પર સમોસાં ચોરી જતો હશે એટલે તેણે કદાચ નંબરની સિસ્ટમ શરૂ કરી હશે.’
સમોસા-પાર્ટી નામના એક આઉટલેટમાંથી મોકલવામાં આવેલાં આ નંબરવાળાં સમોસાંને ટ્વિટર પર જોઈને એક યુઝરે મજાકમાં લખ્યું, ‘હવે પછી સમોસાં પર બાર-કોડ પણ આવશે!’
