° °

આજનું ઇ-પેપર
Wednesday, 01 December, 2021


જંગલમાં આ ટેબલ સજાવ્યું છે કોણે?

17 October, 2021 12:24 PM IST | London | Gujarati Mid-day Correspondent

આ સજાવેલું ટેબલ મુખ્ય રસ્તાથી લગભગ ૧૦૦ મીટર જેટલું અંદર હતું

જંગલમાં સજાવ્યું ટેબલ

જંગલમાં સજાવ્યું ટેબલ

અવનવી ચીજો સોશ્યલ મીડિયા પર મૂકીને લોકોની વાહ-વાહ મેળવવા ફોટોગ્રાફરો દૂર-સુદૂર ભટકતા હોય છે. ઘણી વાર પ્રાણીઓની મસ્તી, અજીબોગરીબ ચીજો વગેરે ફોટો સોશ્યલ મીડિયા પર વાઇરલ થાય છે જે નેટિઝન્સને આશ્ચર્યચકિત કરે છે.

તાજેતરમાં બ્રિટનના વુડ્ઝ ઑફ લેક જિલ્લામાં ફોટોગ્રાફર એશલી કૂપરે બે જણ માટે સુંદર સજાવેલું ટેબલ જોયું. શરૂમાં તો તેને આ કોઈ આર્ટ પીસ લાગ્યું, પરંતુ પછી ધ્યાનથી જોયું તો અડધો ખવાયેલો ખોરાક અને વાઇન ગ્લાસિસ જોઈને કોઈ અહીં બેઠું હોય એમ જણાયું હતું. આ સજાવેલું ટેબલ મુખ્ય રસ્તાથી લગભગ ૧૦૦ મીટર જેટલું અંદર હતું. એમ લાગે છે કોઈએ રોમૅન્ટિક ભોજન લીધા પછી સફાઈ કરવાની દરકાર લીધા વિના જ સ્થળ છોડી દીધું હતું.

જોકે પાછળથી જાણવા મળ્યું હતું કે આ ટેબલને એમ જ છોડી દેવાયું નહોતું. ડેટમેટ નામની રોમૅન્ટિક પ્રસંગોનું આયોજન કરતી એક કંપનીએ સોમવારે લેક ડિસ્ટ્રિક્ટમાં રજાઓ મનાવતા સ્ટૅફર્ડશાયરના દંપતી માટે આ ઇવેન્ટ ગોઠવી હતી. ક્લાયન્ટે તેના પાર્ટનરના જન્મદિવસ માટે સોસેજ રોલ્સ, પનીર અને બિસ્કિટ, સ્કોન્સ અને કેક, ફળ અને શૅમ્પેનની એક બૉટલ ઉપરાંત બપોરે ચા મગાવી હતી. ડેટમેટ સાથે કામ કરનારી શાર્લોટ મેનિંગે જણાવ્યું હતું કે લોકેશન એટલું દૂર હતું કે તેને વ્યવસ્થા કરવા માટે ચાર ફેરા થયા હતા. દંપતી ગયા અને સફાઈ માટે શાર્લોટ મેનિંગ વુડ્સમાં પાછી ફરી એ વચ્ચેના સમયમાં ફોટોગ્રાફરને ફોટો મળ્યો હતો.

17 October, 2021 12:24 PM IST | London | Gujarati Mid-day Correspondent

અન્ય લેખો

ચિત્ર-વિચિત્ર

આ ભાઈ એકબેઠકે ૯૬૦૦ કૅલરીવાળું ક્રિસમસ મેનુ ઝાપટી ગયા

આ ક્રિસમસ મેનુમાં ત્રણ ફેસ્ટિવ ક્રિસ્પી ચિકન સ્ટેક બર્ગર્સ, ત્રણ ફેસ્ટિવ સ્ટેક્સ (બીફ), બે ચીઝ શેરબૉક્સિસ, આઠ ફેસ્ટિવ પાઇ તેમ જ બે ​સેલિબ્રેશન્સ મેક ફ્લરીઝ સામેલ હતાં. 

01 December, 2021 10:15 IST | Mumbai | Gujarati Mid-day Correspondent
ચિત્ર-વિચિત્ર

રોબો બન્યો ટીચર

બાળકોને આવી કલ્પનાઓને પ્રોત્સાહન આપવા માટે ગાઝાપટ્ટીની એક પ્રાઇવેટ સ્કૂલના સાયન્સના ટીચરે એક રોબો બનાવ્યો છે, જે બાળકો સાથે વાત કરે છે અને તેમની સાથે હાથ પણ મિલાવે છે.

01 December, 2021 10:12 IST | Mumbai | Gujarati Mid-day Correspondent
ચિત્ર-વિચિત્ર

૨.૬ કરોડમાં વેચાયો જૂનો સિક્કો

લિન્કોલિન સિક્કાઓ માટે અનેક લોકોએ હરાજીમાં ભાગ લીધો હતો અને આખરે એ ૨૪૯૯ ડૉલરમાં એટલે કે અંદાજે ૧.૮૭ લાખ રૂપિયામાં વેચાયા હતા. 

01 December, 2021 10:08 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK