બાલ્કનીની દીવાલ પર ચડેલો જુવાનિયો હેઠો પડતાં તેનો હાથ ભાંગ્યો હતો
જુવાનિયો
ઑસ્ટ્રેલિયાના ઍડીલેડમાં ચાલતી સ્ટ્રિપક્લબમાં ડોકિયાં કરીને બોલ્ડ ડાન્સની વિનામૂલ્ય મોજ લેવા બાલ્કનીની દીવાલ પર ચડેલો જુવાનિયો હેઠો પડતાં તેનો હાથ ભાંગ્યો હતો અને તેને રૉયલ ઍડીલેડ હૉસ્પિટલમાં દાખલ કરવો પડ્યો હતો. સોશ્યલ મીડિયા નામે અપલોડ કરવામાં આવેલા વિડિયોમાં બાલ્કનીની દીવાલ પર ચડીને સ્ટ્રિપક્લબમાં ડોકિયાં કરનાર વીસેક વર્ષના છોકરાના વાંદરવેડા આજબાજુનાં મકાનોના કેટલાક લોકોની નજરે ચડ્યા હતા. એ છોકરાને નીચે પડતો જોઈને તાત્કાલિક ઍમ્બ્યુલન્સ બોલાવવામાં આવી હતી. એ છોકરો જો થોડા ઇંચ દૂર પડ્યો હોત તો ચોક્કસ તેણે જીવ ગુમાવ્યો હોત, કારણ કે ત્યાં લોખંડનો જાડો સળિયો હતો.
