દરજીએ સીવી દીધી નાની અન્ડરવિયર, તો એ વ્યક્તિએ કરી પોલીસમાં ફરિયાદ
ફાઈલ તસવીર
હાલ કોરોના વાઈરસે આખા દેશમાં આતંક ફેલાવી રાખ્યો છે અને પૉઝિટીવ કેસમાં સતત વધારો થઈ રહ્યો છે. સરકારે કરેલા લૉકડાઉનની જાહેરાત બાદ પણ લોકો ઘરની બહાર નીકળી રહ્યા છે અને સરકારના નિયમોનું ઉલ્લંઘન કરી રહ્યા છે. એવી જ રીતે મધ્ય પ્રદેશની રાજધાની ભોપાલમાં એવી ઘટના ઘટી, જે જોઈને દરેક લોકો આશ્ચર્યચકિત થઈ ગયા છે.
ભોપાલમાં એક વ્યક્તિની અન્ડરવિયર દરજીએ નાની બનાવી દીધી, તો તેણે દરજી વિરૂદ્ધ ફરિયાદ પોલીસ સ્ટેશનમાં કરી દીધી. તેણે પોલીસને દરજી વિરુદ્ધ કાયદેસરની કાર્યવાહી કરવાની માંગ કરી છે. આ મામલો હબીબગંજ પોલીસ સ્ટેશનનો છે.
ADVERTISEMENT
ભોપાલના ભીમ નગરનો રહેવાસી કૃષ્ણકુમાર દુબેએ અન્ડરવિયર સીવડાવવા માટે બે મીટર કપડુ આપ્યું હતું. એના મુજબ દરજીએ અન્ડરવિયર નાની બનાવી દીધી. દરજીએ જ્યારે મોટી અન્ડરવિયર બનાવવાની ના પાડી દીધી, ત્યારે તે વ્યક્તિ પોલીસ સ્ટેશન એની ફરિયાદ કરવા પહોંચી ગયો.
પોલીસને આપેલી અરજીમાં વ્યક્તિએ લખ્યું છે કે, 5 નંબર પર નાળા પાસે, ઘરઘંટીવાળા પાસે એક ફોટોની દુકાન વચ્ચે એક દરજીની દુકાન છે. મેં એને 2 મીટર કપડુ અન્ડરવિયર બનાવવા માટે આપ્યું હતું. ટેલરે મારી અન્ડરવિયર નાની સીવી દીધી. તમને નમ્ર નિવેદન છે કે મારી અરજી સ્વીકારી લો અને દરજી વિરૂદ્ધ કાયદાકીય કાર્યવાહી કરવાની કૃપા કરો.
16 જુલાઈએ તેમણે હબીબગંજ પોલીસ સ્ટેશનમાં અરજી કરી હતી.
