° °

આજનું ઇ-પેપર
Wednesday, 12 May, 2021


ગુજરાતી ટીનેજરે વિક્રમજનક લાંબા વાળ 12 વર્ષે કપાવ્યા

16 April, 2021 09:25 AM IST | Gujarat | Gujarati Mid-day Correspondent

ગુજરાતના મોડાસાની ૧૮ વર્ષની નીલાંશી પટેલ ૨૦૧૮થી એટલે કે તે ૧૬ વર્ષની હતી ત્યારથી સૌથી લાંબા વાળ ધરાવતી ટીનેજરનો ગિનેસ વર્લ્ડ રેકૉર્ડ ધરાવે છે.

નીલાંશી પટેલ

નીલાંશી પટેલ

ગુજરાતના મોડાસાની ૧૮ વર્ષની નીલાંશી પટેલ ૨૦૧૮થી એટલે કે તે ૧૬ વર્ષની હતી ત્યારથી સૌથી લાંબા વાળ ધરાવતી ટીનેજરનો ગિનેસ વર્લ્ડ રેકૉર્ડ ધરાવે છે. એ સમયે તેના વાળની લંબાઈ ૧૭૦.૫ સેન્ટિમીટર હતી. તેના ૧૮મા જન્મદિવસ પહેલાં તેના વાળની લંબાઈ ૨૦૦ સેન્ટિમીટર હતી. હવે નીલાંશીએ એ વિક્રમજનક લાંબા વાળ કપાવી નાખ્યા છે.

સૅલોંમાં થયેલા ખરાબ અનુભવ પછી લગભગ ૬ વર્ષની વયથી વાળ વધારવાની શરૂઆત કરનાર નીલાંશી જણાવે છે કે ‘લાંબા વાળને કારણે મેં ઘણું મેળવ્યું છે. હવે મારે ફરી સામાન્ય યુવતી બનીને રહેવું છે. અત્યાર સુધી દર અઠવાડિયે વાળ ધોયા પછી એને સૂકવવામાં મારી મમ્મી મને મદદ કરતી હતી.’

વાળ કપાવ્યા બાદ નીલાંશી પાસે એના ઉપયોગના ત્રણ વિકલ્પ હતા; એની લિલામી કરવી, કૅન્સર પેશન્ટની ચૅરિટી માટે વેચી દેવા કે પછી મ્યુઝિયમને દાન કરી દેવા. નીલાંશીની મમ્મી કામિનીબહેને તેના લાંબા વાળની કહાણી પ્રેરણાત્મક હોવાથી તેને મ્યુઝિયમમાં મૂકવાનું સૂચન કર્યું હતું. જોકે પછીથી એ વાળને કૅન્સર પેશન્ટની સારવાર માટે દાન કરશે એમ તેમણે કહ્યું હતું. 

નીલાંશીના કાપ્યા પછીના વાળનું વજન લગભગ ૨૬૬ ગ્રામ હતું. નીલાંશીના વાળને હૉલીવુડમાં ડિસ્પ્લે પર મૂકતાં પહેલાં રિપ્લેના ‘બિલીવ ઇટ ઑર નૉટ’માં પ્રદર્શન માટે રાખવામાં આવશે. જોકે નીલાંશીની મમ્મીએ કહ્યું કે મને મારી દીકરીના લાંબા વાળની ઘણી યાદ આવશે. 

16 April, 2021 09:25 AM IST | Gujarat | Gujarati Mid-day Correspondent

અન્ય લેખો

ચિત્ર-વિચિત્ર

ચીનમાં પર્યટકનો જીવ 330 ફુટ ઊંચે અધ્ધરતાલ

ચીનના લૉન્ગજિન્ગ શહેરમાં પિયાન પર્વતમાળા વચ્ચે એક રિસૉર્ટ બન્યું છે જ્યાં ૩૩૦ ફુટ ઊંચો કાચની પૅનલવાળો પુલ બનાવવામાં આવ્યો છે. થોડા દિવસ પહેલાં આ વિસ્તારમાં કલાકે ૯૦ માઇલની ઝડપે પવન ફૂંકાયો હતો જેને કારણે પુલની કેટલીક કાચની પૅનલ તૂટીને નીચે પડી હતી

11 May, 2021 10:58 IST | China | Gujarati Mid-day Correspondent
ચિત્ર-વિચિત્ર

પીત્ઝા પાર્ટીમાંથી બાકાત રાખવા બદલ રિસેપ્શનિસ્ટને આપવું પડ્યું 24 લાખનું વળતર

ઑફિસમાં યોજાયેલી પીત્ઝા પાર્ટીમાંથી બાકાત રાખવા બદલ કાર ડીલરશિપની ભૂતપૂર્વ રિસેપ્શનિસ્ટને તાજેતરમાં ૨૩૦૦૦ પાઉન્ડ (અંદાજે ૨૪ લાખ રૂપિયા)નું વળતર આપવું પડ્યું હતું.

11 May, 2021 11:04 IST | Mumbai | Gujarati Mid-day Correspondent
ચિત્ર-વિચિત્ર

ગુફામાંથી મળ્યા માનવીના લાખ વર્ષ જૂના અવશેષો

ઇટલીના આર્કિયોલૉજિસ્ટને રોમથી લગભગ ૧૦૦ કિલોમીટર દૂર આવેલી દક્ષિણ-પૂર્વની ગુફાઓમાંથી નિએન્ડરથલ્સના અવશેષો મળી આવ્યા છે, જે લગભગ ૧,૦૦,૦૦૦ વર્ષ જૂના હોવાનું મનાય છે.

11 May, 2021 10:13 IST | Italy | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK