° °

આજનું ઇ-પેપર
Wednesday, 14 April, 2021

આ છે ફ્રાન્સની ચકરાવે ચડાવે એવી શ્રેષ્ઠ સ્ટ્રીટ આર્ટ

01 March, 2021 09:39 AM IST | France | Gujarati Mid-day Correspondent

આ છે ફ્રાન્સની ચકરાવે ચડાવે એવી શ્રેષ્ઠ સ્ટ્રીટ આર્ટ

સ્ટ્રીટ આર્ટ

સ્ટ્રીટ આર્ટ

ચિત્રકલા, શિલ્પકલા અને હસ્તકલાના કેટલાક પ્રકારોમાં કલ્પનાની સાથે ભ્રાંતિ કે આભાસની અનુભૂતિનું પણ મહત્ત્વ છે. ફ્રાન્સમાં તો વળી સ્ટ્રીટ આર્ટ પણ સ્થાનિક સંસ્કૃતિનો હિસ્સો છે. એ સ્ટ્રીટ આર્ટની કલાકૃતિઓને પણ પારિતોષિકથી નવાજવામાં આવે છે. ફ્રાન્સના દરિયાકિનારાના શહેર બોલોન-સુર-મેરમાં સ્ટ્રીટ આર્ટ ફેસ્ટિવલ પણ યોજાય છે. તાજેતરમાં એ શહેરની સ્ટ્રીટ આર્ટની કલાકૃતિ ત્રોમ્પે-ઇ-ઑઇલ ફ્રેસ્કોને ૨૦૨૦ના મોસ્ટ બ્યુટિફુલ સ્ટ્રીટ આર્ટવર્કનું પારિતોષિક એનાયત કરવામાં આવ્યું હતું.

ફ્રાન્સમાં શહેરી ચિત્રકલા વિશેના પૉર્ટલે યોજેલી સ્પર્ધામાં સ્પૅનિશ સ્ટ્રીટ આર્ટિસ્ટ ગોન્ઝાલો બોરોન્દોએ રચેલા ચિત્રને ગયા વર્ષના બેસ્ટ સ્ટ્રીટ આર્ટનું પારિતોષિક એનાયત કરવામાં આવ્યું છે.

આ ચિત્રમાં શહેરના રુ જુલ્સ બોદિલોક વિસ્તારમાં રચાયેલી એ કૃતિની વિશેષતા એ છે કે પગથિયાંની સમાંતરે ચિત્રોની શ્રેણી રચાઈ છે. પગથિયાં ચડતા જાઓ તેમ-તેમ ચિત્રના અર્થ ઊઘડતા જાય છે. પહેલા પગથિયે બંધ દરવાજો જોઈને હવે કોઈ આશા બચી નથી એવી નિરાશાજનક સ્થિતિ જણાય છે. ત્યાર પછી ચેતનાના પટલ ઊઘડે અને જાગૃતિની અવસ્થા ખૂલતી જાય એમ-એમ મુક્ત ઇચ્છાશક્તિનાં આવરણ ખૂલતાં જાય છે. છેલ્લા પગથિયે ચિત્ર જોતાં સમજાય કે જીવન તો હજી શરૂ થયું છે. આશા ગુમાવવાની જરૂર નથી.

01 March, 2021 09:39 AM IST | France | Gujarati Mid-day Correspondent

અન્ય લેખો

ચિત્ર-વિચિત્ર

બહાદુર વાઘને ચતુર વાંદરાએ પાઠ ભણાવ્યો

સોશ્યલ મીડિયા પર આ વિડિયો વાઇરલ થઈ રહ્યો છે

13 April, 2021 08:38 IST | New Delhi | Gujarati Mid-day Correspondent
ચિત્ર-વિચિત્ર

વાળના એક્સટેન્શન માટે એક વર્ષ સુધી ખરતા વાળ ભેગા કર્યા

સામાન્ય રીતે લોકો પોતાના વાળ માટે બજારમાંથી તૈયાર એક્સટેન્શન ખરીદતા હોય છે

13 April, 2021 08:11 IST | New Delhi | Gujarati Mid-day Correspondent
ચિત્ર-વિચિત્ર

‘લિવિંગ ગૉડ’ પ્રિન્સની વિદાયથી શોકમગ્ન ગ્રામજનો

થોડા દિવસ પહેલાં ફિલિપનું ૯૯ વર્ષની વયે અવસાન થયું છે

13 April, 2021 08:17 IST | Vanuatu | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK