° °

આજનું ઇ-પેપર
Sunday, 11 April, 2021

સાંભળી ન શકતી મહિલા બાઇકર ૬૫૦ દિવસમાં ૯૪ દેશોની બાઇકયાત્રા કરશે

28 February, 2021 08:13 AM IST | Bangalore | Gujarati Mid-day Correspondent

સાંભળી ન શકતી મહિલા બાઇકર ૬૫૦ દિવસમાં ૯૪ દેશોની બાઇકયાત્રા કરશે

માલ્યા અદિતિ

માલ્યા અદિતિ

શારીરિક અક્ષમતા કે ઊણપ ટૅલન્ટના વિકાસમાં અડચણરૂપ બનતી નથી. બૅન્ગલોરની માલ્યા અદિતિ ઇન્ટરનૅશનલ સ્કૂલમાં આર્ટ્સ અને મેટલ સ્કલ્પ્ચર સ્કૂલની ૩૬ વર્ષની ટીચર અર્ચના તિમારાજુ જન્મથી પૂર્ણરૂપે સાંભળી શકતી નથી. તેની શ્રવણશક્તિ ફક્ત ૪૦ ટકા છે. તે મહિલા એક્સપર્ટ બાઇકર છે. અર્ચનાએ સાંકેતિક ભાષાના મહત્ત્વ તેમ જ દેશના બધિરોની જરૂરિયાત તરફ લોકોનું ધ્યાન કેન્દ્રિત કરવા અને લોકમત જગાવવાનું અભિયાન હાથ ધર્યું છે. એ અભિયાનના ભાગરૂપે અર્ચના વિશ્વના ૭ ખંડોના ૯૪ દેશોના ૬૫૦ દિવસના મોટરસાઇકલ-પ્રવાસે નીકળવાની તૈયારી કરી રહી છે.

અર્ચના ૨૦૦૬થી ભારતની પ્રથમ બધિર મહિલા બાઇકર છે. અર્ચનાએ જણાવ્યું હતું કે ‘હું સ્કૂલમાં હતી ત્યારે જીભ થોથવાતી હોવાથી તોતડું બોલતી હોઉં એવું લાગતું હતું એથી બાળકો મારી મશ્કરી કરતાં હતાં, પરંતુ મેં મારી એ ઊણપને વિકાસના માર્ગમાં અડચણ બનવા નહોતી દીધી. બાળકોની મશ્કરીને કારણે મેં આત્મવિશ્વાસ નહોતો ગુમાવ્યો. ચાર વર્ષની સ્પીચ-થેરપીને કારણે મારી બોલવાની રીતમાં ઘણો સુધારો થયો. મારો આત્મવિશ્વાસ પણ વધ્યો હતો.’

૨૦૦૬માં એક મિત્રે બાઇક ભેટ આપ્યા પછી અર્ચનાએ બાઇક એક્સપીડિશનમાં સામેલ થવાનું શરૂ કર્યું હતું. ૨૦૧૮માં એક મિત્ર સાથે બૅન્ગલોરથી લેહ (કાશ્મીર) સુધી બાઇક એક્સ્પીડિશન સફળ થયા બાદ અર્ચનાએ બધિરોની સમસ્યા તરફ સૌનું ધ્યાન દોરવા અને તેમને માટે જનમત જાગ્રત કરવા માટે ‘સાઇલન્ટ એક્સ્પીડિશન’નો સિલસિલો શરૂ કર્યો હતો. અર્ચના એવી વૈશ્વિક સાઇલન્ટ એક્સ્પીડિશન ટૂંક સમયમાં શરૂ કરશે.

28 February, 2021 08:13 AM IST | Bangalore | Gujarati Mid-day Correspondent

અન્ય લેખો

ચિત્ર-વિચિત્ર

વૃક્ષ પર વીજળી પડતાં બળીને ખાખ

વૃક્ષ પર વીજળી પડવાની ઘટનાના વિડિયો માટે કમેન્ટ્સમાં લોકલાગણી અનોખી રીતે વ્યક્ત કરવામાં આવી છે

11 April, 2021 08:04 IST | Washington | Gujarati Mid-day Correspondent
ચિત્ર-વિચિત્ર

ગૂગલ-મૅપની ગરબડથી લગ્નને બદલે સગાઈના સ્થળે પહોંચ્યો વરરાજા

હવે કોઈ પણ સ્થળે પહોંચવા માટે લોકો ગૂગલ-મૅપનો સહારો લે છે એમાં ઘણી વાર લોકો ખોટા સરનામે પહોંચ્યાની ઘટના પણ અનેક વેળા બની છે

11 April, 2021 08:24 IST | Indonesia | Gujarati Mid-day Correspondent
ચિત્ર-વિચિત્ર

આઇફોન તળાવમાં પડી ગયા પછી એક વર્ષે જડ્યો ત્યારે વર્કિંગ કન્ડિશનમાં હતો

સોશ્યલ નેટવર્કિંગ સાઇટ ફેસબુક પર આ બાબતની પોસ્ટ મશહૂર થઈ છે

11 April, 2021 08:29 IST | Taiwan | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK