° °

આજનું ઇ-પેપર
Sunday, 22 May, 2022


નેપાલી શેરપાએ ૨૬મી વાર એવરેસ્ટ ચડીને પોતાનો જ રેકૉર્ડ તોડ્યો

09 May, 2022 09:22 AM IST | Kathmandu
Gujarati Mid-day Correspondent | feedbackgmd@mid-day.com

કામી રીટાની પત્ની જંગમુએ પતિની સિદ્ધિ પર ખુશી વ્યક્ત કરી છે

શેરપા કામી રીટા

શેરપા કામી રીટા

નેપાલી શેરપાએ ૨૬મી વાર એવરેસ્ટ ચડીને ગયા વર્ષે સેટ કરેલો પોતાનો જ રેકૉર્ડ તોડ્યો હોવાનું અધિકારીઓએ ગઈ કાલે જણાવ્યું હતું. નેપાલના બાવન વર્ષના શેરપા કામી રીટાએ અન્ય ૧૦ શેરપાને ક્લાઇમ્બર્સ તરફ દોરી જતા પરંપરાગત દક્ષિણપૂર્વ રીજ માર્ગ સાથે શનિવારે ૮૮૪૮.૮૬ મીટર (૨૯,૦૩૧.૬૯ ફુટ) ઊંચાઈનો પર્વત સર કર્યો હતો.

નેપાલની રાજધાની કાઠમાંડુના ટૂરિઝમ વિભાગના ડિરેક્ટર જનરલ તારાનાથ અધિકારીએ કહ્યું હતું કે કામી રીટાએ ગયા વર્ષે સેટ કરેલો પોતાનો રેકૉર્ડ તોડીને નવો રેકૉર્ડ બનાવ્યો છે. કામી રીટાની પત્ની જંગમુએ પતિની સિદ્ધિ પર ખુશી વ્યક્ત કરી છે.

કામી રીટાએ જે રૂટનો ઉપયોગ કર્યો હતો એની શરૂઆત ૧૯૫૩માં ન્યુ ઝીલૅન્ડના સર ઍડમન્ડ હિલેરી અને શેરપા તેનઝિંગ નોર્ગેએ કરી હતી, જે અત્યાર સુધી લોકપ્રિય રહ્યો છે. આ વર્ષે નેપાલે એવરેસ્ટ ચડવા માટે કુલ ૩૧૬ પરમિટ ઇશ્યુ કરી હતી, જ્યારે ગયા વર્ષે સૌથી વધુ ૪૦૮ પરમિટ આપી હતી.

વિદેશી હૂંડિયામણ માટે પર્વતારોહકો પર ભારે નિર્ભર રહેતા હિમાલયન રાષ્ટ્ર નેપાલે  ૨૦૧૯માં પર્વત પર વધુ લોકોને ચડવાની મંજૂરી આપવા તથા એમ કરવાથી અનેક આરોહકોનાં થયેલાં મૃત્યુ બદલ ટીકાનો સામનો કરવો પડ્યો હતો. હિમાલયન ડેટાબેઝ મુજબ એવરેસ્ટ પર અત્યાર સુધી ૧૦,૬૫૭ લોકો ચડ્યા છે અને ૩૧૧ લોકો મૃત્યુ પામ્યા છે. 

09 May, 2022 09:22 AM IST | Kathmandu | Gujarati Mid-day Correspondent

અન્ય લેખો

ચિત્ર-વિચિત્ર

હા​ઈ હીલ્સ પહેરીને ટાઇટ દોરડા પર ચાલવાનો રેકૉર્ડ

અમેરિકાની વર્મોન્ટ રાજ્ય બેલોઝ ફોલ્સ યુનિયન હાઈ સ્કૂલની એરિયાની વન્ડરલ નામની ટીનેજરે સોમવારે ૪ ઇંચની હીલ્સ પહેરીને સ્કૂલના જિમમાં ૬ ફુટ ઊંચાઈએ આવેલા ટાઇટ દોરડા પર બાવન વખત મળીને કુલ ૬૪૦ ફુટ ચાલીને અનધિકૃત રીતે ગિનેસ વર્લ્ડ રેકૉર્ડ કર્યો છે. 

22 May, 2022 09:00 IST | Mumbai | Gujarati Mid-day Correspondent
ચિત્ર-વિચિત્ર

લિટરલી ‘પૈસોં કી બરસાત’

સોશ્યલ મીડિયા પર વાઇરલ થઈ રહેલા એક વિડિયોએ બધાને આશ્ચર્યમાં મૂક્યા છે.

22 May, 2022 08:02 IST | Mumbai | Gujarati Mid-day Correspondent
ચિત્ર-વિચિત્ર

યુએસના યુદ્ધજહાજ પર દેખાયો યુએફઓ

ડઝનેક કે સેંકડો ક્રૂમેને ૨૦૦૪માં બનેલી એક વિચિત્ર ઘટના વિશે હાલ જણાવ્યું હતું.

22 May, 2022 07:59 IST | Mumbai | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK