Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > આવું તે કંઇ હોય! લગ્નનું મેનુ છપાવ્યું લાકડાની ફુટપટ્ટી પર

આવું તે કંઇ હોય! લગ્નનું મેનુ છપાવ્યું લાકડાની ફુટપટ્ટી પર

11 January, 2022 03:10 PM IST | Siliguri
Gujarati Mid-day Online Correspondent | gmddigital@mid-day.com

બંગાળી લગ્નનું મેનુ સોશ્યલ મીડિયા પર થયું છે વાયરલ, યુર્ઝસની આવી છે પ્રતિક્રિયા

પ્રતીકાત્મક તસવીર Offbeat

પ્રતીકાત્મક તસવીર


ભારતમાં લગ્ન એક ખાસ પ્રસંગ છે. આજકાલ લગ્ન પ્રસંગને વિશેષ અને યાદગાર બનાવવા માટે પરિવારો હંમેશા કંઇક અનોખુ અને નવું કરતા હોય છે. તાજેતરમાં એક બંગાળી લગ્નનું મેનુ બહુ ચર્ચામાં છે. જેના પર નેટિઝન્સ કમેન્ટ કરી રહ્યાં છે.

તાજેતરમાં સિલીગુડીમાં યોજાયેલા એક લગ્નનું મેનુ બહુ ચર્ચામાં છે. સિલિગુડીમાં યોજાયેલા લગ્નમાં જે ભોજન સમારંભનું આયોજન કરવામાં આવેલું તેનું મેનુ લાકડાની ફુટપટ્ટી પર છાપવામાં આવ્યું હતું અને પછી મહેમાનોને આપવામા આવ્યું હતું. ૩૦ સે.મી.ની ફુટપટ્ટી પર છાપેલુ આ મેનુ કાર્ડ વર્ષ ૨૦૧૩ના લગ્ન સમારંભનું છે પરંતુ તાજેતરમાં કોઇએ તેને ટ્વિટર પર મુકતા વાયરલ થયું છે. તેના પર વાનગીઓની યાદીનું કેપ્શન લખ્યું છે `માપો અને ખાઓ`. આ ક્રિએટિવિટીના સોશિયલ મીડિયામાં ખૂબ વખાણ થઈ રહ્યા છે.



સોશ્યલ મીડિયામાં પોસ્ટ કરેલું મેનુ :



આ મેનુ કાર્ડ સુષ્મિતા અને અનિમેષ નામના કપલનું છે, જેમણે સિલીગુડીમાં લગ્ન કર્યા હતા. લગ્નમાં પીરસવામાં આવતી વાનગીઓના નામ આ ફુટપટ્ટી પર લખવામાં આવ્યા છે. વાનગીઓની યાદીમાં ચિકન લોલીપોપ્સ, ક્રિસ્પી બેબી કોર્ન, કોફી વગેરે જેવા સ્ટાર્ટરનો સમાવેશ થાય છે. મુખ્ય કોર્સમાં મટન કાશા, રસગુલ્લા, સંદેશ, ફિશ કાલિયા, ફ્રાઈડ રાઈસ, મટન મસાલા, કેરીની ચટણી જેવી પરંપરાગત બંગાળી વાનગીઓનો સમાવેશ છે.

આ પણ વાંચો : કર્ણાટકની અજીબ કહાનીઃ લ્યો મળી નહીં લોન તો લગાડી દીધી બૅંકમાં આગ

આ વેડિંગ મેનુ કાર્ડ સોશ્યલ મીડિયા પ્લેટફોર્મ પર ધૂમ મચાવી રહ્યું છે. યુઝર્સ આ અંગે રમુજી કોમેન્ટ કરી રહ્યા છે. એકે લખ્યું, ‘જો કોઈ વધારે ખોરાક ખાય છે, તો કૃપા કરીને તેને આ સ્કેલથી મારશો નહીં.’ તો અન્ય એક યુઝરે લખ્યું છે, ‘બંગાળી લગ્નમાં નવીન શૈલીનું મેનૂ! તે તમારી પીઠ પર પડી પણ શકે છે અને તમે કેટલું ખાઓ છો તે માપવામાં પણ ઉપયોગી થઈ શકે છે!’.

Whatsapp-channel Whatsapp-channel

11 January, 2022 03:10 PM IST | Siliguri | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK