° °

આજનું ઇ-પેપર
Friday, 21 January, 2022


સિંહ રમ્યો રસ્સીખેંચની રમત

01 December, 2021 10:00 AM IST | Mumbai | Gujarati Mid-day Correspondent

આ રમત જીતવા માટે એણે દોરડાને એક ઝાડ સાથે વીંટાળવાનો પ્રયત્ન કર્યો. જીપ આગળ વધવા માંડી તો પણ સિંહ દોરડાને છોડવા તૈયાર નહોતો. એ પણ દોરડા સાથે ઢસડાતો હતો.

સિંહ રમ્યો રસ્સીખેંચની રમત

સિંહ રમ્યો રસ્સીખેંચની રમત

તાજેતરમાં એક વિડિયો સોશ્યલ મીડિયામાં વાઇરલ થયો છે જેમાં જંગલનો રાજા સિંહ એક ટૂર-ગાઇડ સાથે રસ્સીખેંચની રમત રમી રહ્યો છે. આ મજેદાર ઘટના સાઉથ આફ્રિકાના જંગલમાં ૧૮ નવેમ્બરે બની છે. જાણે કોઈ મોટી બિલાડી એક રમકડા સાથે રમતી હોય એવી એ ઘટના હતી. ટૂર-ગાઇડ સલિન્ડાને તેના સહ-કર્મચારીઓએ સિંહ આસપાસ ફરી રહ્યા હોવાની સૂચના આપી હતી છતાં પ્રવાસીઓને સિંહ નજીકથી જોવા મળે એ માટે તે પોતાની જીપ ત્યાં લઈ ગયો. જોકે ત્યાં તેની જીપ મેદાનમાં ફસાઈ જતાં દોરડા વડે એને બહાર કાઢવાનો પ્રયાસ કરતો હતો એટલામાં ત્યાં એક સિંહ આવી ગયો અને એ દોરડાના એક છેડાને પોતાના મોઢામાં લઈને ખેંચવા લાગ્યો. આ રમત જીતવા માટે એણે દોરડાને એક ઝાડ સાથે વીંટાળવાનો પ્રયત્ન કર્યો. જીપ આગળ વધવા માંડી તો પણ સિંહ દોરડાને છોડવા તૈયાર નહોતો. એ પણ દોરડા સાથે ઢસડાતો હતો. છેલ્લાં ૧૯ વર્ષથી ટૂર-ગાઇડ તરીકે કામ કરનાર સલિન્ડાએ આવો અનુભવ ક્યારેય કર્યો નહોતો. જો સિંહને આ જ રીતે દોરડામાં રસ પડશે તો એ જીપની વધુ ને વધુ નજીક આવશે. વળી એ વીફર્યો તો પ્રવાસીઓ માટે પણ ચિંતાજનક વાત હશે. આખરે આ રસ્સીખેંચની રમતનો અચાનક અંત આવ્યો હતો, કારણ કે નજીકથી સિંહણનું ટોળું ત્યાંથી પસાર થતું હતું એ જોઈને સિંહે મોઢામાં પકડી રાખેલું દોરડું છોડી દઈને એમની સાથે જોડાઈ ગયો હતો.

01 December, 2021 10:00 AM IST | Mumbai | Gujarati Mid-day Correspondent

અન્ય લેખો

ચિત્ર-વિચિત્ર

વિશ્વના સૌથી વૃદ્ધ પુરુષનું ૧૧૩મા જન્મદિવસના ૨૪ દિવસ પહેલાં જ નિધન

સ્પૅનિશ લશ્કર માટે જૂતાં બનાવવાનું કામ કરતા અને નિવૃત્તિનું જીવન ગુજારતા સેટર્નિનો આગામી ૮ ફેબ્રુઆરીએ તેના પરિવાર સાથે પોતાનો જન્મદિવસ ઊજવનાર હતો

20 January, 2022 08:33 IST | Spain | Gujarati Mid-day Correspondent
ચિત્ર-વિચિત્ર

સહરાના રણપ્રદેશમાં રાતોરાત બરફની ટેકરીઓ બની ગઈ

૪૨ વર્ષમાં આ પાંચમી વખત નગરમાં બરફ જોવા મળ્યો છે

20 January, 2022 08:29 IST | Africa | Gujarati Mid-day Correspondent
ચિત્ર-વિચિત્ર

આ પ્રચંડ બિલાડો શાંત અને પ્રેમાળ છે

૧૨.૫ કિલોગ્રામ વજનનો અને માત્ર ૨૨ મહિનાનો મૈને કૂન બિલાડો કેફિર ગિનેસ વર્લ્ડ રેકૉર્ડ્સ રચવાથી થોડો જ દૂર છે

20 January, 2022 08:25 IST | Russia | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK