ગયા વર્ષે ફૅન્ટા અને મૅગીના કૉમ્બિનેશનને લોકોએ સૌથી વધુ વખોડ્યું હતું
ઢોસા સાથે આઇસક્રીમ, ડેડલી ફૂડ કૉમ્બિનેશન
સ્વાદના શોખીનો જાતજાતની વાનગીઓનું મિશ્રણ કરતા હોય છે. એમાંથી ઘણી વખત એક નવી જ વાનગી બને છે, જે બન્ને કરતાં શ્રેષ્ઠ પણ હોય છે. જોકે સારી જ હોય એવું દર વખતે બનતું નથી. કોઈ વખત આ કૉમ્બિનેશન ચીતરી ચડે એવું પણ હોય છે. આ વર્ષે પણ લોકોએ જાતજાતના પ્રયોગો કર્યો હતા. શેફ સારાંશ ગોઈલાએ ઇન્સ્ટાગ્રામ પર એક વિડિયો પોસ્ટ કર્યો હતો જેમાં તે શેફ શિલાર્ના વેઝી સાથે ટેબલ પર બેઠા હોય છે. પહેલી વખત ઢોસા પીરસવામાં આવ્યો એ જોઈને તેઓ ખુશ થયા. ત્યાર બાદ ઢોસાની ઉપર આઇસક્રીમનું સ્કૂપ મૂકવામાં આવે છે એ જોઈને તેમને ચીતરી ચડે છે. તેઓ આને આ વર્ષનું સૌથી ખરાબ ફૂડ કૉમ્બિનેશન ગણાવે છે. ગયા વર્ષે ફૅન્ટા અને મૅગીના કૉમ્બિનેશનને લોકોએ સૌથી વધુ વખોડ્યું હતું. યુઝર પણ તેમની સાથે સંમત થાય છે. લોકો કંઈક અલગ બનાવવાના નામે કંઈ પણ કરી રહ્યા છે. અન્ય એક યુઝરે રસમ કૉકટેલ તો ત્રીજાએ ચૉકલેટ બિરયાનીને પણ આમાં સામેલ કરવાની વાત કરી છે.
