Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > ચિત્ર-વિચિત્ર > આર્ટિકલ્સ > બ્લાઇન્ડ ઘોડાએ બનાવ્યા ત્રણ વર્લ્ડ રેકૉર્ડ

બ્લાઇન્ડ ઘોડાએ બનાવ્યા ત્રણ વર્લ્ડ રેકૉર્ડ

09 December, 2022 11:02 AM IST | Salem
Gujarati Mid-day Correspondent | feedbackgmd@mid-day.com

આ રેકૉર્ડ ઘોડાએ ગઈ ૨૯ ઑક્ટોબરે બનાવ્યા હતા

ઘોડાએ પોતાના માલિક સાથે મળીને ત્રણ વર્લ્ડ રેકૉર્ડ બનાવ્યા હતા Offbeat

ઘોડાએ પોતાના માલિક સાથે મળીને ત્રણ વર્લ્ડ રેકૉર્ડ બનાવ્યા હતા


જોઈ શકતો ન હોવા છતાં અમેરિકાના એક ઘોડાએ પોતાના માલિક સાથે મળીને ત્રણ વર્લ્ડ રેકૉર્ડ બનાવ્યા હતા. આ રેકૉર્ડ ઘોડાએ ગઈ ૨૯ ઑક્ટોબરે બનાવ્યા હતા, જેમાં પહેલો રેકૉર્ડ બ્લાઇન્ડ ઘોડાએ મારેલો સૌથી ઊંચો કૂદકો (૩ ફુટ ૫.૭૩ ઇંચ), એક મિનિટમાં કરેલા સૌથી વધુ ફેરબદલ અને પાંચ પૉલને માત્ર ૬.૯૩ સેકન્ડમાં પાર કર્યા હતા. તેની માલિક મૉર્ગન વૅગનરે કહ્યું કે ‘હું ૧૩ વર્ષની હતી ત્યારે મારી દાદીએ મને ઘોડો લઈ આપવાનું વચન આપ્યું હતું. એ દરમ્યાન ઘોડાના ટોળામાં મને એક શાનદાર નાનો ઘોડો દેખાયો જેનું નામ એન્ડો હતું. મને લાગ્યું કે આ સૌથી મહાન ઘોડો છે જેની દરેકને ખબર પડવી જોઈએ.’ મૉર્ગન અને એન્ડો એકસાથે જ મોટાં થયાં હતાં. એન્ડો જ્યારે ૮ વર્ષનો હતો ત્યારે મૉર્ગને જોયું કે એન્ડોની આંખ વારંવાર ઝૂકી રહી હતી. ઘોડાના નિષ્ણાતે એને મૂન બ્લાઇન્ડનેસ થયું હોવાનું નિદાન કર્યું હતું. એની આ બીમારીને કારણે આખરે એક દિવસ તેણે દૃષ્ટિ પૂરેપૂરી ગુમાવી દીધી. સમગ્ર વિશ્વભરમાં ઘોડાઓમાં અંધત્વનું આ એક મુખ્ય કારણ છે. એન્ડોની તકલીફ વધતાં પહેલાં જમણી આંખ અને એ પછી ડાબી આંખ કાઢી નાખવી પડી. ધીમે-ધીમે આંખે ન દેખાતું હોવા છતાં તે કઈ રીતે શોધખોળ કરવી એ શીખવા લાગ્યો. માલિકના પ્રેમ અને સમર્થનને કારણે તે ફરી એક વાર આત્મવિશ્વાસુ ઘોડો બની ગયો. વળી જે રેકૉર્ડ બનાવવાનો હતો એ કળા તો આ ઘોડો પહેલેથી જ જાણતો હતો, માત્ર એને ફાઇનટ્યુન કરવાનું હતું. બ્લાઇન્ડ થયા બાદ એ ફરીથી કૂદવાનું શીખ્યો અને આમ ધીરે-ધીરે એ નૅશનલ ચૅમ્પિયન બન્યો. મૉર્ગનને એવી આશા છે કે ઘોડાના માલિકો એન્ડોની સિદ્ધિઓ જાણીને પ્રેરિત થશે અને એની ક્ષમતાઓ પર ધ્યાન કેન્દ્રિત કરશે. 


Whatsapp-channel Whatsapp-channel

09 December, 2022 11:02 AM IST | Salem | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK