° °

આજનું ઇ-પેપર
Thursday, 30 June, 2022


વર્લ્ડ રેકૉર્ડ રચવા ૨૯૧૦ લૅપટૉપ પાડવામાં આવ્યાં

18 June, 2022 02:10 PM IST | Mumbai
Gujarati Mid-day Correspondent | feedbackgmd@mid-day.com

આ વર્લ્ડ રેકૉર્ડ રચવા માટે હજારો લૅપટૉપ્સ ઇન્ડિયાનાપોલીસ એરિયાના બિઝનેસમેન, સંગઠનો અને લોકોએ ડોનેટ કર્યાં હતાં.

વર્લ્ડ રેકૉર્ડ રચવા ૨૯૧૦ લૅપટૉપ પાડવામાં આવ્યાં

વર્લ્ડ રેકૉર્ડ રચવા ૨૯૧૦ લૅપટૉપ પાડવામાં આવ્યાં

લૅપટૉપની સામાન્ય રીતે ખૂબ જ સંભાળ રાખવામાં આવતી હોય છે અને એ પડી ન જાય એની કાળજી લેવાય છે. જોકે અમે તમને કહીએ કે ૨૯૧૦ લૅપટૉપને જાણીજોઈને પાડવામાં આવ્યાં હતાં તો? વેલ, એમ ખરેખર બન્યું છે. એની પાછળનો હેતુ રેકૉર્ડ રચવાનો હતો. અમેરિકાના ઇન્ડિયાનાના ઇન્ડિયાનાપોલીસ સિટીમાં કમ્પ્યુટર અને ઇલેક્ટ્રૉનિક્સ રીસાઇક્લિંગ કંપની ટેક્નૉલૉજી રીસાઇકલર્સના મુખ્યાલયના ફ્લોર પર ૧૩ મેએ ૨૯૧૦ લૅપટૉપને લાંબી અને વળાંકવાળી લાઇનમાં સાથે મૂકવામાં આવ્યાં હતાં. અહીં લૅપટૉપ્સને પાડવાનો ગિનેસ વર્લ્ડ રેકૉર્ડ રચાયો હતો. એક લૅપટૉપ બીજા પર ગબડે અને બીજું ત્રીજા પર એમ એક પછી એક લૅપટૉપ એના પછીના લૅપટૉપને પાડતું જતું હતું. એ રીતે ૨૯૧૦ લૅપટૉપ પડ્યાં હતાં.
ટેક્નૉલૉજી રીસાઇકલર્સે કમ્પ્યુટર રીસાઇક્લિંગની તેમની કામગીરીને બધાની નજરમાં લાવવા માટે આ વર્લ્ડ રેકૉર્ડ રચવાનો નિર્ણય કર્યો હતો. આ વર્લ્ડ રેકૉર્ડ રચવા માટે હજારો લૅપટૉપ્સ ઇન્ડિયાનાપોલીસ એરિયાના બિઝનેસમેન, સંગઠનો અને લોકોએ ડોનેટ કર્યાં હતાં.
વેલ, રેકૉર્ડ બ્રેક કરવા માટે તેમને ૭૫૨થી વધારે લૅપટૉપની જ જરૂર હતી. જોકે તેઓ આ પ્રોજેક્ટને લઈને એટલા પૅશનેટ હતા કે તેઓ સતત લૅપટૉપ ગોઠવતા જ ગયા હતા. જોકે એમાં ખૂબ જ સ્પેસ અને ટાઇમ જતાં આખરે તેમણે લૅપટૉપની સંખ્યા બાબતે એક લિમિટ સેટ કરી હતી. ટેક્નૉલૉજી રીસાઇકલર્સના ૨૯૧૦ લૅપટૉપને ગબડાવવાના પ્રયાસે આ પહેલાંના સાતમી નવેમ્બર, ૨૦૨૧ના રોજ બેલ્જિયમના બેરિંગેનમાં જેન્સ ડેમોલ અને આઉટ ઑફ યુઝ એનવી દ્વારા રચાયેલા ૭૫૨ લૅપટૉપને ગબડાવવાના રેકૉર્ડને તોડ્યો હતો.

18 June, 2022 02:10 PM IST | Mumbai | Gujarati Mid-day Correspondent

અન્ય લેખો

ચિત્ર-વિચિત્ર

ભૂલથી એકવારમાં જ મળી 286 મહિનાની સેલરી, હવે ગાયબ થયો કર્મચારી

એક કંપનીએ પોતાના એક કર્મચારીના ખાતામાં ભૂલથી 286 મહિનાની સેલરી એક વારમાં જ મોકલી દીધી. આ ઘણી જૂની વાત પણ નથી, પણ ગયા મહિનાની સેલરીમાં જ આવું થયું છે.

29 June, 2022 11:37 IST | Mumbai | Gujarati Mid-day Online Correspondent
ચિત્ર-વિચિત્ર

પુણેની મહિલા માત્ર ૫૫ કલાકમાં સાઇકલ ચલાવીને લેહથી મનાલી પહોંચી

અગાઉ તેણે ૬૦૦૦ કિલોમીટરના ગોલ્ડન ક્વૉડ્રિલેટર પર ઝડપી સાઇકલ ચલાવનાર મહિલા તરીકેનો રેકૉર્ડ પણ નોંધાવ્યો છે

29 June, 2022 10:06 IST | Pune | Gujarati Mid-day Correspondent
ચિત્ર-વિચિત્ર

ડૉન્કીના દૂધમાંથી બને છે વિશ્વનું સૌથી મોંઘું ચીઝ

એક કિલો ચીઝ બનાવવા માટે ૨૫ લિટર ડૉન્કીનું દૂધ વપરાય છે

29 June, 2022 10:05 IST | Washington | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK