આ વર્ષે સામાન્ય હવામાન રહેશે, ત્રણ મહિનામાં ૯૬થી ૧૦૪ ટકા વરસાદ પડવાની આગાહી
પ્રતીકાત્મક તસવીર
ભારતીય હવામાન વિભાગ (Indian Metrological Department)એ ચાલુ વર્ષ ૨૦૨૧માં આવનાર ચોમાસાની ઋતુમાં કેટલો અને કેવો વરસાદ પડશે તેની આગાહી કરી છે. આઈએમડીએ ચોમાસાનું પૂર્વાનુંમાન કાહેર કર્યું છે. આઈએમડીના જણાવ્યા અનુસાર, આ વર્ષે સામાન્ય હવામાન રહેશે. જૂન મહિનાથી સપ્ટેમ્બર મહિના સુધી દેશના અલગ-અલગ ભાગમાં ક્યાંક સામાન્ય તો ક્યાંક સામાન્યથી વધુ વરસાદ પડવાની શક્યતા છે. દક્ષિણ-પશ્ચિમ ચોમાસું દરમિયાન ત્રણ મહિનામાં ૯૬ ટકાથી ૧૦૪ ટકા વરસાદ પડશે, તેવી આગાહી હવામાન વિભાગે કરી છે.
મિનિસ્ટ્રી ઓફ અર્થ સાયન્સ (Ministry of Earth Sciences)ના સચિવ એમ. રાજીવને આપેલી માહિતિ મુજબ, આ વર્ષે સમગ્ર દેશમાં ૭૫ ટકા સુધી વરસાદ લાવનારું Southwest Monsoon આ વખતે સામાન્ય રહેશે. વરસાદના Long Period Average (LPA) લગભગ ૯૮ ટકા રહી શકે છે.
ADVERTISEMENT
Monsoon to be normal this season, says Ministry of Earth Sciences Secretary M Rajeevan
— Press Trust of India (@PTI_News) April 16, 2021
હવામાન વિભાગ તરફથી આપવામાં આવેલી માહિતી મુજબ આ વર્ષે પૂર્વ અને પૂર્વોત્તર ભારત સહિત ઓડિશા, બિહાર, ઝારખંડ, છત્તીસગઢ, પૂર્વ ઉત્તર પ્રદેશ અને આસામમાં વરસાદ સામાન્ય રહેવાની શક્યતા છે.
Southwest monsoon seasonal (June to September) rainfall over the country as a whole is most likely to be normal: India Meteorological Department (IMD) pic.twitter.com/e7n5TDZzls
— ANI (@ANI) April 16, 2021
તો ખાનગી હવામાન એજન્સી સ્કાયમૅટે કરેલી જાહેરાત મુજબ, આ વર્ષે ચોમાસું સામાન્ય રહેશે. જૂનથી સપ્ટેમ્બર મહિનાની વચ્ચે ૧૦૩ ટકા વરસાદનું અનુમાન છે. દેશના મોટાભાગના વિસ્તારોમાં સામાન્ય ચોમાસાની શક્યતા છે. જુલાઈ ઓગસ્ટ મહિનામાં વધુ વરસાદ પડશે. સપ્ટેમ્બર મહિનામાં પણ સારા વરસાદની આશા છે.