પોલીસે કરેલી પૂછપરછ દરમિયાન ટીનેજરે બીજી ૨૫ સાઇકલો ચોરી કરી હોવાની કબૂલાત કરી
પ્રતીકાત્મક તસવીર
કાંદિવલી લિંક રોડ પરના સિમ્ફની ટાવરના કમ્પાઉન્ડમાંથી ૧૬ માર્ચે એક મહિલાની સાઇકલ ચોરાઈ હતી. એ બદલ તેણે કાંદિવલી પોલીસ-સ્ટેશનમાં ફરિયાદ કરી હતી. કાંદિવલી પોલીસે કેસની ઝીણવટભરી તપાસ કરીને સીસીટીવી કૅમેરાના ફુટેજના આધારે તપાસ ચલાવી આખરે ગઈ કાલે ૧૭ વર્ષના ટીનેજરને એ સાઇકલ ચોરવા બદલ ઝડપી લીધો હતો. જોકે પોલીસે કરેલી પૂછપરછ દરમિયાન તેણે બીજી ૨૫ સાઇકલો ચોરી કરી હોવાની કબૂલાત કરતાં પોલીસ પણ ચોંકી ઊઠી હતી. ત્યાર બાદ પોલીસે એ ૨૫ સાઇકલો પણ જપ્ત કરી હતી. પોલીસના જણાવ્યા પ્રમાણે ટીનેજર સોસાયટીના કમ્પાઉન્ડમાંથી પણ સાઇકલો ચોરીને ભાગી જતો હતો. એ પછી એ ચોરેલી સાઇકલ તેના દોસ્તોમાં ૨૦૦થી ૩૦૦ રૂપિયામાં વેચી નાખતો. એ રૂપિયાથી તે ડ્રગ ખરીદીને નશો કરતો.
