° °

આજનું ઇ-પેપર
Friday, 30 July, 2021


રફાલ જેટ્સ ૨૦૨૨ સુધીમાં ઍરફોર્સમાં સામેલ થઈ જશે

20 June, 2021 09:10 AM IST | Hyderabad | Gujarati Mid-day Correspondent

કોરોના રોગચાળા સંબંધી કારણસર એકાદ-બે વિમાનોની ડિલિવરી સ‍હેજ મોડી પડી શકે અન્યથા એ ઇન્ડક્શન પ્લાન બરાબર પૂર્વયોજના અનુસાર પાર પડશે.

દુશ્મનો સાવધાન હૈદરાબાદ નજીકની ઍરફૉર્સ એકેડેમીમાં ગ્રેજ્યુએશન પરેડ દરમિયાન હવાઈ દળના ​સૂર્યકિરણ વિમાનોની ટીમે દિલધડક કરતબો દેખાડ્યાં હતાં.   એ.એફ.પી.

દુશ્મનો સાવધાન હૈદરાબાદ નજીકની ઍરફૉર્સ એકેડેમીમાં ગ્રેજ્યુએશન પરેડ દરમિયાન હવાઈ દળના ​સૂર્યકિરણ વિમાનોની ટીમે દિલધડક કરતબો દેખાડ્યાં હતાં. એ.એફ.પી.

ફ્રાન્સ પાસેથી ખરીદાયેલાં ૩૬ રફાલ વિમાનો ૨૦૨૨ના વર્ષ સુધીમાં હવાઈ દળમાં સામેલ કરવામાં આવશે એવું દેશના હવાઈ દળના વડા આરકેએસ ભદૌરિયાએ જણાવ્યું હતું. ગઈ કાલે હૈદરાબાદની ઍરફોર્સ ઍકૅડેમીમાં કમ્બાઇન્ડ ગ્રૅજ્યુએશન પરેડની સલામી ઝીલ્યા પછી પ્રસાર માધ્યમોના સંવાદદાતાઓ સાથે સંવાદ દરમ્યાન ભદૌરિયાએ રફાલ વિમાનો હવાઈ દળનાં લડાયક વિમાનોના કાફલામાં સામેલ કરવા વિશે માહિતી આપી હતી. મિગ-21 વિમાનો તબક્કાવાર રીતે કાફલામાંથી બહાર કાઢીને એની જગ્યાએ લાઇટ કૉમ્બેટ ઍરક્રાફટ્સ ઉપયોગમાં લેવામાં આવશે એવું આરકેએસ ભદૌરિયાએ જણાવ્યું હતું. 
સંવાદદાતાઓના ફ્રાન્સ પાસેથી ૩૬ રફાલ લડાયક વિમાનો પ્રાપ્ત કરવાની ટાઇમલાઇન સંબંધી સવાલના જવાબમાં ભદૌરિયાએ જણાવ્યું હતું કે ‘રફાલ ઇન્ડક્શન પ્લાનનું ટાર્ગેટ વર્ષ ૨૦૨૨ છે. એ ટાર્ગેટ પ્રમાણે કામગીરી આગળ ચાલી રહી છે. કોરોના રોગચાળા સંબંધી કારણસર એકાદ-બે વિમાનોની ડિલિવરી સ‍હેજ મોડી પડી શકે અન્યથા એ ઇન્ડક્શન પ્લાન બરાબર પૂર્વયોજના અનુસાર પાર પડશે.’ 
૨૦૧૬માં ભારતે ફ્રાન્સ સાથે ૫૯,૦૦૦ કરોડ રૂપિયાના ખર્ચે રફાલ લડાયક વિમાનો ખરીદવાના કરાર કર્યા હતા. સંરક્ષણ પ્રધાન રાજનાથ સિંહે ૨૦૨૨ના એપ્રિલ મહિના સુધીમાં બધાં રફાલ વિમાનો હવાઈ દળમાં સામેલ કરવાનો આત્મવિશ્વાસ વ્યક્ત કર્યો છે.

20 June, 2021 09:10 AM IST | Hyderabad | Gujarati Mid-day Correspondent

અન્ય લેખો

રાષ્ટ્રીય સમાચાર

ન્યુઝ શોર્ટમાં: એક ક્લિકમાં વાંચો દેશ-પરદેશના સમચાર

કેરલામાં બે દિવસ સંપૂર્ણ લોકડાઉન; બ્રાઝિલ કોવૅક્સિનની આયાત નહીં કરે; એલઓસી પાસે જવાનનો પગ સુરંગ પર પડતાં બ્લાસ્ટ અને વધુ સમાચાર

30 July, 2021 09:57 IST | New Delhi | Gujarati Mid-day Correspondent
રાષ્ટ્રીય સમાચાર

નવી શિક્ષણ નીતિ દરેક જાતના દબાણથી મુક્ત હશે: મોદી

રાષ્ટ્રીય શિક્ષાનીતિને એક વર્ષ પૂર્ણ થતાં વડા પ્રધાને સંબોધન કર્યું

30 July, 2021 09:52 IST | New Delhi | Gujarati Mid-day Correspondent
રાષ્ટ્રીય સમાચાર

મોદીના ટ્વિટર પર ૭ કરોડ ફૉલોઅર્સઃ દુનિયાના સૌથી લોકપ્રિય નેતા બન્યા

ભૂતપૂર્વ રાષ્ટ્રપતિ ડોનલ્ડ ટ્રમ્પનું ટ્વિટર અકાઉન્ટ સસ્પેન્ડ થયા બાદ પીએમ મોદીનું નામ લોકપ્રિય નેતાઓના લિસ્ટમાં સૌથી ઉપર છે

30 July, 2021 09:49 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK