વિજય સિંગલા માણસાથી ધારાસભ્ય છે
ફાઇલ તસવીર
પંજાબની ભગવંત માન સરકારમાં આરોગ્ય મંત્રી વિજય સિંગલાને મંત્રી પદ પરથી હટાવી દેવામાં આવ્યા છે. સીએમ ભગવંત માને તેમને મંત્રી પદ પરથી હટાવી દીધા છે. સિંગલા પર એક ટકા કમિશન માગ્યું હોવાનો આરોપો છે. મુખ્યમંત્રીએ સિંગલા સામે કેસ નોંધવા પણ કહ્યું છે, જે બાદ એન્ટી કરપ્શન બ્રાન્ચે સિંગલાની ધરપકડ કરી છે.
સીએમ ભગવંત માને કહ્યું કે “જ્યારે તેમણે મંત્રી સાથે વાત કરી તો તેઓ કમિશન લેવા માટે સંમત થયા, જે બાદ કાર્યવાહી કરવામાં આવી છે.” સીએમએ કહ્યું કે “પોલીસને કેસ નોંધવાનો આદેશ આપવામાં આવ્યો છે.
ADVERTISEMENT
સીએમ ભગવંત માને કહ્યું કે એક મામલો તેમના ધ્યાન પર આવ્યો છે કે સરકારના એક મંત્રી પ્રોજેક્ટમાં એક ટકા કમિશન માગે છે. તેમણે કહ્યું કે આ કેસ વિશે માત્ર તેઓ જ જાણે છે. મીડિયાને પણ તેની જાણ નથી.
Punjab Minister Vijay Singla arrested over corruption charges
— ANI Digital (@ani_digital) May 24, 2022
Read @ANI Story | https://t.co/LY3cSjMNL3#Punjab #BhagwantMann #VijaySingla pic.twitter.com/Q2IjZz2cB8
ભગવંત માને કહ્યું કે તેઓ ઇચ્છતા તો આ કેસને દબાવી શક્યા હોત, પરંતુ તેમણે લોકોને ભ્રષ્ટાચાર મુક્ત સરકારનું વચન આપ્યું હતું. તેથી તે આવા લોકોને બિલકુલ સહન કરશે નહીં. ભગવંત માને કહ્યું કે તેમની સરકાર ભ્રષ્ટાચારને બિલકુલ સાંખી લેશે નહીં.
સીએમ ભગવંત માને કહ્યું કે તેમની સરકારે લોકોને વચન આપ્યું છે કે તેઓ ઈમાનદાર સરકાર આપશે. સરકારમાં ભ્રષ્ટાચાર કરનારને ક્યારેય બક્ષવામાં આવશે નહીં.
વિજય સિંગલા માણસાથી ધારાસભ્ય છે. તેમણે કોંગ્રેસમાં જોડાયેલા પ્રખ્યાત ગાયક સિદ્ધુ મૂઝવાલાને હરાવ્યા હતા. માણસા પ્રદેશને 27 વર્ષ બાદ મંત્રીમંડળમાં સ્થાન મળ્યું છે. શેર સિંહ ગાગોવાલને 27 વર્ષ પહેલા રાજીન્દર કૌર ભટ્ટલની સરકારમાં મંત્રી બનાવવામાં આવ્યા હતા.