ફૅક્ટ-ચેકર પ્રતીક સિંહા અને મોહમ્મદ ઝુબેર આ વર્ષના નોબેલ પીસ પ્રાઇઝના દાવેદારોમાં સામેલ છે.
Nobel Peace Prize
પ્રતીકાત્મક તસવીર
નવી દિલ્હીઃ ફૅક્ટ-ચેકર પ્રતીક સિંહા અને મોહમ્મદ ઝુબેર આ વર્ષના નોબેલ પીસ પ્રાઇઝના દાવેદારોમાં સામેલ છે. ‘ટાઇમ’ મૅગેઝિન અનુસાર ફૅક્ટ-ચેકિંગ સાઇટ અલ્ટન્યુઝના આ કો-ફાઉન્ડર્સ નૉમિનેશન્સ આધારિત પ્રાઇઝ જીતવાના દાવેદારોમાં સામેલ છે. ઝુબેરની ૨૦૧૮ના એક ટ્વીટ બદલ આ વર્ષે જૂનમાં ધરપકડ કરવામાં આવી હતી. એફઆઇઆર અનુસાર આ ટ્વીટ અત્યંત ઉશ્કેરણીજનક અને ધિક્કારની લાગણી જગાવનારું હતું. દિલ્હી પોલીસે તેના પર ધર્મના આધારે જુદા-જુદા સમુદાયોની વચ્ચે દુશ્મનાવટને પ્રોત્સાહન આપવાનો અને ધાર્મિક લાગણીઓને ઇરાદાપૂર્વક ઠેસ પહોંચાડવાનો આરોપ મૂક્યો હતો. સુપ્રીમ કોર્ટે જામીન મંજૂર કરતાં એક મહિના બાદ ઝુબેર તિહાર જેલમાંથી મુક્ત થયો હતો.