° °

આજનું ઇ-પેપર
Tuesday, 06 December, 2022


ચીન બૉર્ડર પર ભારતની ‘નારી શક્તિ’નો પાવર

28 September, 2022 01:52 PM IST | New Delhi
Gujarati Mid-day Correspondent | feedbackgmd@mid-day.com

નવરાત્રિના શક્તિપૂજાના આ પર્વમાં ભારતની બહાદુર દીકરીઓને સલામ, જેઓ ચીનની બૉર્ડર પર ફાઇટર જેટ્સ અને હેલિકૉપ્ટર ઉડાડે છે

સુખોઇ ૩૦ કાફલા માટે ઇન્ડિયન ઍર ફોર્સની પહેલી ફીમેલ વેપન સિસ્ટમ ઑપરેટર તેજસ્વી રંગા રાવ (જમણે) ફાઇટર જેટ પાઇલટ્સ સાથે.

સુખોઇ ૩૦ કાફલા માટે ઇન્ડિયન ઍર ફોર્સની પહેલી ફીમેલ વેપન સિસ્ટમ ઑપરેટર તેજસ્વી રંગા રાવ (જમણે) ફાઇટર જેટ પાઇલટ્સ સાથે.


નવી દિલ્હીઃ દુનિયાની સૌથી વધુ ઊંચાઈએ આવેલી રણભૂમિ સિયાચિન હોય કે પછી અરુણાચલ પ્રદેશનો જોખમી પહાડી વિસ્તાર વિજયનગર, ઇન્ડિયન ઍર ફોર્સની મહિલા પાઇલટ્સ પોતાની શક્તિથી દેશનું ગૌરવ વધારી રહી છે.  
સુખોઇ સુ-૩૦એમકેઆઇ ફાઇટર જેટની પહેલી ફીમેલ વેપન સિસ્ટમ ઑપરેટર ફ્લાઇટ લેફ્ટનન્ટ તેજસ્વીએ કહ્યું હતું કે ‘આપણી આર્મીમાં એકથી એક ચડિયાતી ઇન્ટેલિજન્ટ મહિલાઓ છે. જેઓ પોતાનાં સપનાંને સાકાર કરી રહી છે. તેમનામાં દેશ માટે કંઈ પણ કરી છૂટવાની ભાવના છે. ટૂંક સમયમાં ફાઇટર જેટ ફ્લીટમાં મહિલાઓ પણ જોવા મળશે. પુરુષો અને મહિલાઓની ટ્રેનિંગ એક જેવી જ હોય છે, પછી એ આકાશમાં હોય કે જમીન પર કોઈ પણ બેઝ પર.’
ઇન્ડિયન ઍર ફોર્સે ત્રણ યુવતીઓને ફાઇટર સ્ટ્રીમમાં સામેલ કરી હતી, જેમાં અવની ચતુર્વેદી, ભાવના કાંત અને શિવાંગી સિંહનો સમાવેશ થાય છે. બાદમાં કાંતે મિગ-૨૧ને એકલાં ઉડાવીને નામના મેળવી હતી. શિવાંગી સિંહ રાફેલ ફાઇટર જેટની પાઇલટ બની ગઈ. 
કેન્દ્ર સરકાર આર્મ્ડ ફોર્સિસમાં સ્ત્રીશક્તિને પ્રોત્સાહન આપવા માગે છે. અગ્નિવીર યોજના હેઠળ પણ મહિલાઓની ભરતી કરવામાં આવી રહી છે. ફ્લાઇટ લેફ્ટનન્ટ તેજસ્વીએ કહ્યું હતું કે ‘ઇન્ડિયન ઍર ફોર્સમાં દરેક પાઇલટ કોઈને કોઈ ઑપરેશનને પાર પાડવા માટે ટ્રેઇન્ડ હોય છે. અમે પૂર્વોત્તર વિસ્તારમાં દેખરેખ રાખીએ છીએ.’ 
તેજસ્વી સુ-૩૦એમકેઆઇ ફાઇટર જેટની કૉકપિટમાં પાછળની બાજુ બેસે છે. તે ત્યાંથી જેટનાં સેન્સર્સ અને હથિયારોની પૅનલને ઑપરેટ કરે છે.

28 September, 2022 01:52 PM IST | New Delhi | Gujarati Mid-day Correspondent

અન્ય લેખો

રાષ્ટ્રીય સમાચાર

Andhra Pradesh Crime: મેડિકલનો અભ્યાસ કરતી વિદ્યાર્થીનીની ગળું કાપી હત્યા

એક સોફ્ટવેર પ્રોફેશનલ પર દવાનો અભ્યાસ કરતી તેની ગર્લફ્રેન્ડનું ગળું કાપીને છરી વડે હત્યા કરવાનો આરોપ છે.

06 December, 2022 02:52 IST | Andhra Pradesh | Gujarati Mid-day Online Correspondent
રાષ્ટ્રીય સમાચાર

શું છે મહાપરિનિર્વાણ દિવસ? ડૉ. આંબેડકરની પુણ્યતિથિ કેમ ઉજવાય છે આ રીતે?

દરવર્ષે 6 ડિસેમ્બરના દિવસે ડૉ. બાબાસાહેબ આંબેડકરને શ્રદ્ધાંજલિ અને સન્માન આપવા માટે તેમની પુણ્યતિથિ પર મહાપરિનિર્વાણ દિવસ ઉજવવામાં આવે છે.

06 December, 2022 12:20 IST | Mumbai | Gujarati Mid-day Online Correspondent
રાષ્ટ્રીય સમાચાર

BR Ambedkar:રાષ્ટ્રપતિ મુર્મુ અને વડાપ્રધાન મોદી સહિતના નેતાઓએ અર્પી શ્રદ્ધાંજલિ

આજે દેશના બંધારણના નિર્માતા ડૉક્ટર ભીમરાવ આંબેડકર (BR Ambedkar)ની 67મી પુણ્યતિથિ છે.

06 December, 2022 12:11 IST | Delhi | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK