મોદી રવિવારથી જર્મની અને યુએઈના પ્રવાસે

મોદીજી ૨૬ અને ૨૭ જૂને જર્મનીની મુલાકાત લઈ G7 સમિટમાં હાજરી આપશે

ફાઇલ તસવીર

વડા પ્રધાન નરેન્દ્ર મોદી રવિવારથી જર્મની અને યુનાઇટેડ આરબ એમિરેટ્સની ત્રણ દિવસીય મુલાકાતે જઈ રહ્યા છે.

વિદેશ મંત્રાલયે ગઈ કાલે એક નિવેદનમાં જણાવ્યું હતું કે મોદીજી ૨૬ અને ૨૭ જૂને જર્મનીની મુલાકાત લઈ G7 સમિટમાં હાજરી આપશે. આ મુલાકાત દરમ્યાન તેઓ જર્મન પ્રેસિડેન્સી હેઠળ G7 સમિટ માટે જર્મનીના ચાન્સેલર, ઓલાફ સ્કોલ્ઝના આમંત્રણ પર શ્લોસ એલમાઉ, જર્મનીની મુલાકાત લેશે. જર્મનીથી મોદીજી ૨૮ જૂને યુએઈની મુલાકાતે રવાના થશે એમ જણાવાઈ રહ્યું છે. ત્યાં તેઓ યુએઈના ભૂતપૂર્વ રાષ્ટ્રપતિ અને અબુધાબીના શાસક શેખ ખાલિદા બીન ઝાયેદ અલ નાહ્યાનના મૃત્યુ પર વ્યક્તિગત શોક વ્યક્ત કરશે.