Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > ઓડિશાના આરોગ્યપ્રધાનને ગોળી મારનારા પોલીસે ફાયરિંગ પહેલાં દીકરી સાથે વાત કરી : કારણ હજી અસ્પષ્ટ

ઓડિશાના આરોગ્યપ્રધાનને ગોળી મારનારા પોલીસે ફાયરિંગ પહેલાં દીકરી સાથે વાત કરી : કારણ હજી અસ્પષ્ટ

30 January, 2023 12:15 PM IST | Bhubaneswar
Gujarati Mid-day Correspondent | feedbackgmd@mid-day.com

આ પોલીસ ઑફિસરે બે રાઉન્ડ ફાયરિંગ કર્યું હતું, જેમાં આ પ્રધાનને ગંભીર ઈજા થઈ હતી

પ્રતીકાત્મક તસવીર (સૌજન્ય આઇસ્ટૉક)

પ્રતીકાત્મક તસવીર (સૌજન્ય આઇસ્ટૉક)


ભુવનેશ્વર (પી.ટી.આઇ.) : ઓડિશાના આરોગ્ય અને પરિવાર કલ્યાણ પ્રધાન નબા કિશોર દાસને ગઈ કાલે ઝારસુગુદા જિલ્લામાં અસિસ્ટન્ટ સબ પોલીસ ઇન્સ્પેક્ટરે ગોળી મારી હતી. બ્રજરાજનગર ટાઉનમાં આ પ્રધાન એક કાર્યક્રમમાં ભાગ લેવા જઈ રહ્યા હતા ત્યારે બપોરે એક વાગ્યે આ ઘટના બની હતી. આ પોલીસ ઑફિસરે બે રાઉન્ડ ફાયરિંગ કર્યું હતું, જેમાં આ પ્રધાનને ગંભીર ઈજા થઈ હતી. તેમને હૉસ્પિટલ અને પછી ભુવનેશ્વર લઈ જવાયા હતા જ્યાં તેમનું મૃત્યુ થયું હતું.  સાક્ષીઓએ જણાવ્યું હતું કે તેઓ વાહનમાંથી ઊતર્યા કે તરત જ તેમને સાવ નજીકથી ગોળી મારવામાં આવી હતી. 

બ્રજરાજનગરના સબ ડિવિઝનલ પોલીસ ઑફિસર ગુપ્તેશ્વર ભોઈએ કહ્યું હતું કે ‘અસિસ્ટન્ટ સબ-ઇન્સ્પેક્ટર ગોપાલ દાસે પ્રધાન પર ફાયરિંગ કર્યું હતું. શા માટે તેમણે ફાયરિંગ કર્યું હતું એ જાણવા માટે તપાસ શરૂ કરી દેવાઈ છે. પ્રધાનને ગોળી વાગી છે અને તેમને હૉસ્પિટલ લઈ જવાયા છે.’ 



સ્થાનિક પોલીસે આરોપી અસિસ્ટન્ટ સબ-ઇન્સ્પેક્ટરને ઝડપી લીધો છે. વિડિયો ફુટેજમાં જોવા મળ્યું હતું કે દાસની છાતીમાંથી લોહી વહેતું હતું અને તેઓ બેભાન થઈ ગયા હોવાનું જણાતું હતું. 
અસિસ્ટન્ટ સબ-ઇન્સ્પેક્ટરની પત્નીએ જણાવ્યું હતું કે આ પોલીસ ઑફિસર છેલ્લાં સાતથી આઠ વર્ષથી મેન્ટલ ડિસઑર્ડરનો સામનો કરી રહ્યો છે. આ પ્રધાન પર ફાયરિંગ કરતાં પહેલાં તેણે તેની દીકરીને કૉલ કર્યો હતો.


Whatsapp-channel Whatsapp-channel

30 January, 2023 12:15 PM IST | Bhubaneswar | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK