° °

આજનું ઇ-પેપર
Saturday, 19 June, 2021


News in Short: વાંચો દેશ-પરદેશમાં શું ચાલી રહી છે હલચલ

07 May, 2021 12:56 PM IST | New Delhi | Alpa Nirmal

ડીએમકેના પ્રમુખ એમ. કે. સ્ટાલિન સહિત કુલ ડીએમકેના ૩૪ પ્રધાનો આજે રાજભવનમાં શપથ ગ્રહણ કરશે. સ્ટાલિન ચેન્નઈના મુખ્ય પ્રધાન તરીકે શપથ ગ્રહણ કરશે.

પ્રતીકાત્મક તસવીર

પ્રતીકાત્મક તસવીર

એમ.કે સ્ટાલિન મુખ્ય પ્રધાન તરીકે શપથ ગ્રહણ કરશે
ડીએમકેના પ્રમુખ એમ. કે. સ્ટાલિન સહિત કુલ ડીએમકેના ૩૪ પ્રધાનો આજે રાજભવનમાં શપથ ગ્રહણ કરશે. સ્ટાલિન ચેન્નઈના મુખ્ય પ્રધાન તરીકે શપથ ગ્રહણ કરશે. ગવર્નર બનવારીલાલ પુરોહિતે ગઈ કાલે નિયુક્ત થનારા પ્રધાન તરીકે અને તેમના પોર્ટફોલિયોની જાહેરાત કરી હતી. રાજભવને જણાવ્યા મુજબ સ્ટાલિને પ્રધાન તરીકે નિયુક્ત થનારા લોકો અને તેમના પોર્ટફોલિયોની યાદી મોકલાવી હતી. સ્ટાલિનના કૅબિનેટમાં બે મહિલાઓ છે. 

ઑસ્ટ્રેલિયા સાથે ચીનની આર્થિક મંત્રણાઓ  રદ 
ઑસ્ટ્રેલિયાના સત્તાતંત્ર પર ‘શીતયુદ્ધ’ની માનસિકતાનો આરોપ મૂકતાં ચીનની સરકારના નૅશનલ ડેવલપમેન્ટ ઍન્ડ રિફૉર્મ્સ કમિશને ઑસ્ટ્રેલિયા સાથે આર્થિક બાબતોના સંવાદના સિલસિલા પર પૂર્ણવિરામ મૂક્યું હતું. ગઈ કાલે ઑસ્ટ્રેલિયાની સરકારે બે બેલ્ટ ઍન્ડ રોડ ઍગ્રીમેન્ટ્સ રદ કર્યા પછી કમિશને વર્ષ ૨૦૧૪માં સ્થાપવામાં આવેલા ચાઇના-ઑસ્ટ્રેલિયા સ્ટ્રૅટેજિક ઇકૉનૉમિક ડાયલૉગ ફ્રેમવર્ક હેઠળ તમામ પ્રવૃત્તિઓ રોકવાની જાહેરાત કરી હતી. 

આસારામ કોવિડ પૉઝિટિવ થયા
બળાત્કારના કેસમાં આજીવન કારાવાસની સજા ભોગવી રહેલા વિવાદાસ્પદ આસારામનું કોવિડ-19 પરીક્ષણ પૉઝિટિવ આવતાં તેમને રાજસ્થાનના જોધપુર શહેરની એમડીએમ હૉસ્પિટલના આઇસીયુમાં ખસેડવામાં આવ્યા હોવાનું અધિકારીઓએ ગઈ કાલે જણાવ્યું હતું.  આસારામને કોવિડ થયાના સમાચાર જાણી તેમના ઘણા સમર્થકો હૉસ્પિટલ પહોંચી ગયા હતા. 

દક્ષિણ આફ્રિકા અને ભારત ની  રસીની પેટન્ટ ન લેવાની દરખાસ્તને અમેરિકાનું સમર્થન
વર્લ્ડ ટ્રેડ ઑર્ગેનાઇઝેશન સમક્ષ ઍન્ટિ-કોવિડ વૅક્સિન પેટન્ટ્સ હંગામી ધોરણે માફ કરવાની ભારત અને દ​ક્ષિણ આફ્રિકાની દરખાસ્તને અમેરિકાએ સમર્થન જાહેર કર્યું છે. વૅક્સિન્સનો પુરવઠો વધારે પ્રમાણમાં અને ઝડપથી મળે એ માટે પેટન્ટની જોગવાઈ પડતી મૂકવાની દરખાસ્ત ભારત અને દ​ક્ષિણ આફ્રિકાએ વર્લ્ડ ટ્રેડ ઑર્ગેનાઇઝેશન સમક્ષ મૂકી હતી. વર્લ્ડ ટ્રેડ ઑર્ગેનાઇઝેશનમાં અમેરિકાનાં ટ્રેડ રિપ્રેઝન્ટેટિવ કૅથરીન તાઇએ બુધવારે ઉપરોક્ત બાબતની જાહેરાત કરતાં જણાવ્યું હતું કે આરોગ્ય ક્ષેત્રે વૈશ્વિક કટોકટી અને કોરોના રોગચાળાના અસાધારણ સંજોગોને લીધે અસાધારણ પગલાં લેવાં પણ જરૂરી બને છે.

કોવિડના ૪.૧૨ લાખ નવા કેસ 
દેશમાં ગઈ કાલે કોવિડ-19ના ૪,૧૨,૨૬૨ નવા કેસ અને ૩૯૮૦ મૃત્યુના આંકડાઓએ નવી ઊંચાઈઓ નોંધાવતાં દેશમાં કોરોના સંક્રમિતોની કુલ સંખ્યા ૨,૧૦,૭૭,૪૧૦ અને કુલ મરણાંક ૨,૩૦,૧૬૮ રહ્યો હોવાનું ગઈ કાલે જાહેર કરાયેલી આંકડાકીય વિગતોમાં જણાવાયું હતું. 

07 May, 2021 12:56 PM IST | New Delhi | Alpa Nirmal

અન્ય લેખો

રાષ્ટ્રીય સમાચાર

દિલ્હી અનલૉક પર હાઈકોર્ટની ટકોર, કોવિડ 19 નિયમોના ભંગથી જલદી આવશે ત્રીજી લહેર

દિલ્હીમાં અનલૉક બાદ હાઈકોર્ટે કેન્દ્ર અને રાજ્ય સરકારને ટકોર કરી છે. કોરોનાના નિયમોના ભંગથી કોરોનાની ત્રીજી લહેર જલદી આવી શકે છે.

18 June, 2021 06:00 IST | mumbai | Gujarati Mid-day Online Correspondent
રાષ્ટ્રીય સમાચાર

‘બાબા કા ઢાબા’ના માલિકે કર્યો આત્મહત્યાનો પ્રયાસ

કાંતા પ્રસાદ અત્યારે હૉસ્પિટલમાં દાખલ છે

18 June, 2021 03:42 IST | New Delhi | Gujarati Mid-day Online Correspondent
રાષ્ટ્રીય સમાચાર

કોરોના જંગઃ વડાપ્રધાન મોદીનું મહા અભિયાન, 1 લાખ ફ્રન્ટલાઈન વર્કર્સને અપાશે તાલીમ

વડાપ્રધાન મોદી દ્વારા દેશના 26 રાજ્યોમાં 111 તાલીમ કેન્દ્રોના કોવિડ 19 ફ્રન્ટલાઈન વર્કર્સ માટે ખાસ તાલીમ અભિયાન શરૂ કરવામાં આવ્યું છે.

18 June, 2021 02:10 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK