° °

આજનું ઇ-પેપર
Tuesday, 11 May, 2021


દેશમાં લોકોને રસી નથી મળતી અને વિદેશમાં સરકાર એનું દાન કરે છે : કોર્ટ

05 March, 2021 10:35 AM IST | New Delhi | Agency

દેશમાં લોકોને રસી નથી મળતી અને વિદેશમાં સરકાર એનું દાન કરે છે : કોર્ટ

પ્રતીકાત્મક તસવીર

પ્રતીકાત્મક તસવીર

દિલ્હી હાઈ કોર્ટે ગઈ કાલે એક અરજીની સુનાવણી કરતાં સીરમ ઇન્સ્ટિટ્યૂટ ઑફ ઇન્ડિયા તથા ભારત બાયોટેકને કોવિશીલ્ડ અને કોવૅક્સિન રસી અંગે પોતાની નિર્માણ ક્ષમતાનો ખુલાસો કરવાનો હુકમ આપ્યો છે. એ સાથે જ કોર્ટે કોવિડની રસી બહાર મોકલવા અંગે કડક ટિપ્પણી કરી છે.

કોર્ટે કહ્યું, કોવિડ-19 રસી દાનમાં આપવામાં આવી રહી છે, અન્ય દેશોને વેચવામાં આવી રહી છે, પોતાના લોકોનું રસીકરણ કરવામાં આવતું નથી, અતિજરૂરીની ભાવના અપેક્ષિત છે.

હાઈ કોર્ટે કેન્દ્રને હાલમાં કોવિડ-19 રસીકરણ માટે વ્યક્તિઓના વર્ગ પર સખત નિયંત્રણ રાખવાના તર્ક વિશે પૂછ્યું છે. એટલું જ નહીં, દિલ્હી હાઈ કોર્ટે દિલ્હી સરકારને પણ કહ્યું કે કોર્ટ-પરિસરોમાં ચિકિત્સા કેન્દ્રોનું નિરીક્ષણ કરે અને બતાવે કે શું ત્યાં કોવિડ-19 રસીકરણ કેન્દ્ર સ્થાપિત કરવાની સંભાવના છે. ન્યાયાધીશ વિપિન સાંઘી અને ન્યાયમૂર્તિ રેખા પલ્લવીની બેન્ચે કહ્યું કે બન્ને સંસ્થાઓ સીરમ તથા ભારત બાયોટેકની પાસે મોટી સંખ્યામાં રસી પૂરી પાડવાની ક્ષમતા છે, પરંતુ એવું લાગે છે કે એ એનો સંપૂર્ણ ફાયદો ઉઠાવી રહી નથી.

બેન્ચે કહ્યું, આપણે એનો સંપૂર્ણ રીતે ઉપયોગ કરી રહ્યા નથી. આપણે ક્યાં તો એને દાન કરી રહ્યા છીએ અથવા તો એને વેચી રહ્યા છીએ અને પોતાના લોકોને રસી આપી રહ્યા નથી. આ મામલામાં જવાબદાર લોકોમાં જવાબદારી અને તાત્કાલિકતાની ભાવના હોવી જોઈએ.

હાઈ કોર્ટ દિલ્હી બાર કાઉન્સિલની એક અરજી પર સુનાવણી કરી રહી હતી, જેમાં ન્યાયાધીશો, અદાલતનો સ્ટાફ અને વકીલો સહિત ન્યાય પ્રક્રિયા સાથે સંકળાયેલા તમામ ફ્રન્ટલાઇન વર્કર્સને વર્ગીકૃત કરવાની માગણી કરવામાં આવી રહી છે.

05 March, 2021 10:35 AM IST | New Delhi | Agency

અન્ય લેખો

રાષ્ટ્રીય સમાચાર

`Hospitalમાં કોરોના સંક્રમિત પત્નીને ન મળ્યો બેડ, જમીન પર સુવડાવી`, જાણો વધુ

ભાજપ વિધેયકે પોતાના વીડિયોમાં આરોપ મૂક્ય છે કે મેડિકલ કૉલેજમાં તેની પત્નીને સારી સારવાર નથી આપવામાં આવી રહી અને ત્યાં ખાવા-પીવા સુદ્ધાંની મુશ્કેલી છે.

10 May, 2021 07:27 IST | Mumbai | Gujarati Mid-day Online Correspondent
રાષ્ટ્રીય સમાચાર

Covid-19: રેમડેસિવીર પછી હવે બ્લેક ફંગલને કારણે એમ્ફોસિન ઇન્જેક્શનની માગ વધી

ઝડપથી વધતા કોરોના સંક્રમણના કેસ વચ્ચે આને એક નવી દુર્લભ બીમારી કહેવામાં આવી રહી છે. રેમડેસિવીર પછી હવે મ્યૂકોર્માઇકોસિસના ઇન્જેકશનની ભારે અછત છે.

10 May, 2021 04:06 IST | Mumbai | Gujarati Mid-day Online Correspondent
રાષ્ટ્રીય સમાચાર

Coronavirusને કારણે CBSE જ નહીં આ પરીક્ષાઓ પણ સ્થગિત

કોરોના સંક્રમણના નવા કેસના આંકડા દરરોજ રેકૉર્ડ તોડી  રહ્યા છે. હાલની સ્થિતિને જોઇને સીબીએસઇએ થોડાંક દિવસ પહેલા 10મીની બૉર્ડની પરીક્ષા કેન્સલ કરી દીધી હતી અને 12માની પરીક્ષા સ્થગિત કરી દીધી હતી.

10 May, 2021 03:35 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK