આ ઘટના ત્યારે બની જ્યારે એક મુસાફરે સાથી મુસાફરના ફોન પર એક શંકાસ્પદ મેસેજ જોયો જ્યારે તે એક છોકરી સાથે ચેટ કરી રહ્યો હતો
પ્રતીકાત્મક તસવીર
મેંગલુરુથી મુંબઈ જતી ગઇકાલે ફ્લાઇટ છ કલાક મોડી પડી હતી. એક મહિલા પેસેન્જરે તેની સાથે મુસાફરી કરી રહેલા એક વ્યક્તિના મોબાઈલ ફોન પર શંકાસ્પદ સંદેશાની જાણ કેબિન ક્રૂને કરી હતી. પોલીસે જણાવ્યું હતું કે “તમામ મુસાફરોને નીચે ઉતરવાનું કહેવામાં આવ્યું હતું અને તેમના સામાનની વ્યાપક તપાસ કરવામાં આવી હતી. આ પછી જ ઈન્ડિગોના એરક્રાફ્ટને રવિવારે સાંજે મુંબઈ જવાની મંજૂરી આપવામાં આવી હતી.”
આ ઘટના ત્યારે બની જ્યારે એક મુસાફરે સાથી મુસાફરના ફોન પર એક શંકાસ્પદ મેસેજ જોયો જ્યારે તે એક છોકરી સાથે ચેટ કરી રહ્યો હતો. તેણે આ વાત કેબિન ક્રૂના ધ્યાન પર લાવી હતી. છોકરી બેંગલુરુ જવા માટે તેની ફ્લાઈટની રાહ જોઈ રહી હતી જ્યારે છોકરો મુંબઈ જવા માટે તૈયાર હતો. બંને મિત્રો હતા અને તેઓ માત્ર મનોરંજન માટે સુરક્ષા વિશે વાત કરતા હતા. 14B પર બેઠેલા એક મુસાફરે 13A પર બેઠેલા સહ મુસાફરને મળેલ `Ur da bomber`નો ટેક્સ્ટ સંદેશ વાંચ્યો ત્યાર બાદ આ આખો ઘટનાક્રમ બન્યો હતો.
ADVERTISEMENT
એક વ્યક્તિના કારણે ફ્લાઇટ મોડી પડી
બાદમાં પૂછપરછના કારણે આ વ્યક્તિને પ્લેનમાં ચઢવા દેવામાં આવ્યો ન હતો. પૂછપરછ ઘણા કલાકો સુધી ચાલી હતી જ્યારે તેની ગર્લફ્રેન્ડ બેંગલુરુ જતી ફ્લાઈટ ચૂકી ગઈ હતી. બાદમાં તમામ 185 મુસાફરો મુંબઈની ફ્લાઈટમાં ફરી બેઠા હતા અને સાંજે 5 વાગ્યે પ્લેન ટેકઓફ થયું. શહેર પોલીસ કમિશનર એન. શશિ કુમારે કહ્યું કે “મોડી રાત સુધી કોઈ ફરિયાદ નોંધાઈ નથી કારણ કે તે બે મિત્રો વચ્ચે સુરક્ષાને લઈને મૈત્રીપૂર્ણ વાતચીત હતી.”