Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > ઓમિક્રોન વેરિયન્ટને પગલે સ્વાસ્થ્ય મંત્રાલયે તમામ રાજ્યોને લખ્યો પત્ર, આપ્યા કડક નિર્દેશ

ઓમિક્રોન વેરિયન્ટને પગલે સ્વાસ્થ્ય મંત્રાલયે તમામ રાજ્યોને લખ્યો પત્ર, આપ્યા કડક નિર્દેશ

28 November, 2021 06:57 PM IST | New Delhi
Gujarati Mid-day Online Correspondent | gmddigital@mid-day.com

કોરોનાના નવા પ્રકારને લઈને ગભરાટના એક દિવસ અગાઉ વડાપ્રધાન નરેન્દ્ર મોદીએ શનિવારે ઉચ્ચ અધિકારીઓ સાથે બેઠક યોજી હતી.

પ્રતીકાત્મક તસવીર

પ્રતીકાત્મક તસવીર


દક્ષિણ આફ્રિકામાં કોરોનાનું નવું વેરિયન્ટ ઓમિક્રોન મળ્યા બાદ વિશ્વભરમાં હલચલ મચી ગઈ છે અને ત્યારબાદ અન્ય દેશોમાં તેના કેસ જોવા મળ્યા છે. અહીં સરકાર દ્વારા આ અંગે મોનિટરિંગ વધારવા માટે સૂચનાઓ આપવામાં આવી છે. કેન્દ્રીય સ્વાસ્થ્ય સચિવ રાજેશ ભૂષણે નવા વેરિયન્ટ ઓમિક્રોનને લઈને તમામ રાજ્યો અને કેન્દ્રશાસિત પ્રદેશોને પત્ર લખીને સઘન નિવારણ કરવા, સર્વેલન્સના પગલાં વધારવા અને કોરોના રસીકરણને ઝડપી બનાવવા સૂચના આપવામાં આવી છે.

કોરોનાના નવા પ્રકારને લઈને ગભરાટના એક દિવસ અગાઉ વડાપ્રધાન નરેન્દ્ર મોદીએ શનિવારે ઉચ્ચ અધિકારીઓ સાથે બેઠક યોજી હતી. આ દરમિયાન પીએમ મોદીએ આંતરરાષ્ટ્રીય ફ્લાઈટ્સમાં છૂટછાટની સમીક્ષા સહિત કોરોના રસીકરણ અને કોવિડની સ્થિતિ અંગે ચર્ચા કરી હતી.




અહીં, કોરોનાના નવા પ્રકારને ધ્યાનમાં રાખીને, મહારાષ્ટ્રની ઉદ્ધવ સરકારે આજે સાંજે એક બેઠક બોલાવી છે. એક દિવસ પહેલા, મુંબઈના મેયર કિશોરી પેડનેકરે જાહેરાત કરી હતી કે દક્ષિણ આફ્રિકન દેશોમાંથી આવતા લોકો કોરોના પોઝિટિવ હોવાનું જણાઈ આવ્યા બાદ તેમની જીનોમ સિક્વન્સિંગ કરવામાં આવશે.


મહારાષ્ટ્ર સરકાર દ્વારા કોરોનાને લઈને બનાવવામાં આવેલી ટાસ્ક ફોર્સે દક્ષિણ આફ્રિકાથી આવતા પ્રવાસીઓને 14 દિવસ માટે ક્વોરેન્ટાઈન રહેવાની સલાહ આપી છે. મહારાષ્ટ્ર સરકાર પણ ઇચ્છે છે કે દક્ષિણ આફ્રિકાથી આવતી ફ્લાઇટ્સ પર પ્રતિબંધ મૂકવો જોઇએ. આ બેઠકમાં વિભાગીય કમિશનર અને કલેક્ટર હાજરી આપશે. જે માહિતી સામે આવી રહી છે તે મુજબ રાજ્ય સરકાર કેન્દ્રને વિનંતી કરવા જઈ રહી છે કે આફ્રિકન દેશોમાંથી આવતી ફ્લાઈટને તાત્કાલિક બંધ કરી દેવામાં આવે. ઉલ્લેખનીય છે કે મુખ્યમંત્રી ઉદ્ધવ ઠાકરેની તબિયત ખરાબ છે, પરંતુ તેઓ હોસ્પિટલથી જ આ બેઠકમાં ઓનલાઈન ભાગ લેશે.

Whatsapp-channel Whatsapp-channel

28 November, 2021 06:57 PM IST | New Delhi | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK