° °

આજનું ઇ-પેપર
Friday, 18 June, 2021


મમતાના અવિશ્વાસ પ્રસ્તાવને સપોર્ટ આપવાનો ડાબેરીઓએ કર્યો ઇનકાર

20 November, 2012 06:00 AM IST |

મમતાના અવિશ્વાસ પ્રસ્તાવને સપોર્ટ આપવાનો ડાબેરીઓએ કર્યો ઇનકાર

મમતાના અવિશ્વાસ પ્રસ્તાવને સપોર્ટ આપવાનો ડાબેરીઓએ કર્યો ઇનકાર



મલ્ટિ-બ્રૅન્ડ રીટેલમાં એફડીઆઇ તથા ભ્રષ્ટાચાર સહિત મુદ્દે યુપીએ સરકાર સામે અવિશ્વાસનો મત રજૂ કરવાની જાહેરાત કરનાર તૃણમૂલ કૉન્ગ્રેસનાં સુપ્રીમો મમતા બૅનરજીને ગઈ કાલે મોટો ઝટકો લાગ્યો હતો. અગ્રણી ડાબેરી પક્ષ સીપીએમે ગઈ કાલે તૃણમૂલ કૉન્ગ્રેસના અવિશ્વાસના પ્રસ્તાવને ટેકો આપવાનો ઇનકાર કરી દીધો હતો. સીપીએમના મહામંત્રી પ્રકાશ કરાતે ગઈ કાલે આ જાહેરાત કરતાં કહ્યું હતું કે સરકાર પાસે પૂરતી સભ્ય સંખ્યા હોવાથી આ પ્રકારના પ્રસ્તાવનો ફાયદો માત્ર યુપીએને જ મળશે. કરાતે સરકારને ઘેરવા માટે અન્ય વિકલ્પો અજમાવાની તરફેણ કરી હતી. તૃણમૂલ કૉન્ગ્રેસે કરાતના નિવેદનને શરમજનક ગણાવ્યું હતું.

બહુમતનો કૉન્ગ્રેસનો દાવો

આ તરફ કૉન્ગ્રેસે લોકસભામાં યુપીએ પાસે પૂરતી સંખ્યામાં સભ્યો હોવાનો દાવો કરતાં કહ્યું હતું કે જો એફડીઆઇ કે અન્ય મુદ્દે અવિશ્વાસનો પ્રસ્તાવ રજૂ થશે તો સરકાર બહુમત પુરવાર કરી બતાવશે. કૉન્ગ્રેસના પ્રવક્તા સંદીપ દીક્ષિતે કહ્યું હતું કે ‘અમારી પાસે ૨૭૨ સભ્યોનો ટેકો છે. બહુમત પુરવાર કરવાનો અમને વિશ્વાસ છે.’

દીક્ષિતે એમ પણ કહ્યું હતું કે ‘અવિશ્વાસનો પ્રસ્તાવ રજૂ કરવા માટે ૫૪ સંસદસભ્યોની સહી જરૂરી છે. તૃણમૂલ કૉન્ગ્રેસ માત્ર ૧૯ સભ્યો ધરાવે છે ત્યારે તેમને પ્રસ્તાવ રજૂ કરવા માટે પણ સપોર્ટ મળશે કે નહીં એ સવાલ છે.’

બીજેપી આજે લેશે નિર્ણય

મમતા બૅનરજીની પાર્ટીના સંભવિત અવિશ્વાસ પ્રસ્તાવને સંસદમાં ટેકો આપવો કે નહીં એ વિશે બીજેપી આજે નિર્ણય લેશે એવી શક્યતા છે. બીજેપીના પ્રવક્તા પ્રકાશ જાવડેકરે કહ્યું હતું કે આજે સવારે ૧૧ કલાકે એલ. કે. અડવાણીના નિવાસસ્થાને મળનારી બીજેપી સંસદીય પક્ષની બેઠકમાં વિશે ચર્ચા બાદ નિર્ણય લેવામાં આવશે. ૨૨ નવેમ્બરથી શરૂ થઈ રહેલા સંસદના શિયાળુ સત્રના આગલા દિવસે એનડીએની બેઠક મળશે, જેમાં પણ આ મુદ્દે ચર્ચા થશે.

20 November, 2012 06:00 AM IST |

અન્ય લેખો

રાષ્ટ્રીય સમાચાર

નોવાવૅક્સની બાળકો પર ટ્રાયલ્સ જુલાઈથી

એન્ટી કોવિડ વૅક્સિન નોવાવૅક્સની બાળકો પર ટ્રાયલ્સ આવતા જુલાઈ મહિનામાં શરૂ થનાર હોવાનું સીરમ ઇન્સ્ટિટ્યુટ ઑફ ઇન્ડિયા કંપનીએ જણાવ્યું હતું.

18 June, 2021 01:48 IST | New Delhi | Agency
રાષ્ટ્રીય સમાચાર

Cronavirus Updates: મૃતકોની સંખ્યામાં ઘટાડો, છેલ્લા 24 કલાકમાં 1587 લોકોના મોત

દેશમાં કોરોનાના કેસોની સંખ્યા ઘટતી જાય છે, જે ખુશીની વાત છે. પરંતુ રાહતના સમાચાર એ પણ છે કે હવે કોરોનાને કારણે થતાં મોતની સંખ્યામાં પણ ઘટાડો જોવા મળ્યોછે.

18 June, 2021 10:50 IST | mumbai | Gujarati Mid-day Online Correspondent
રાષ્ટ્રીય સમાચાર

કોસ્ટગાર્ડે મહારાષ્ટ્રના રાયગડ દરિયાકાંઠે 16 ક્રૂ સભ્યોનો બચાવ્યો જીવ

ભારતીય કોસ્ટ ગાર્ડ (આઈસીજી) એ ગુરુવારે મહારાષ્ટ્રના રાયગડ જિલ્લાના રેવદાંડા બંદર નજીક ડૂબતા વહાણમાંથી 16 ક્રૂ સભ્યોને બચાવ્યા હતા.

17 June, 2021 07:48 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK