° °

આજનું ઇ-પેપર
Saturday, 13 August, 2022


મધ્યપ્રદેશ: ક્લર્કના ઘરેથી મળ્યા અધધધ રૂપિયા, દરોડા પડતાં પીધું ફિનાઇલ

04 August, 2022 05:06 PM IST | Bhopal
Gujarati Mid-day Online Correspondent | gmddigital@mid-day.com

તાત્કાલિક હોસ્પિટલમાં દાખલ કરવામાં આવ્યો

પ્રતીકાત્મક તસવીર

પ્રતીકાત્મક તસવીર

મધ્યપ્રદેશ પોલીસની ઇકોનોમિક ઓફેન્સીસ વિંગ (EOW)એ બુધવારે સવારે ઉપનગરીય બૈરાગઢમાં રાજ્યના તબીબી શિક્ષણ વિભાગના એક વરિષ્ઠ ક્લાર્કના ઘરે અપ્રમાણસર સંપત્તિના કેસના સંબંધમાં દરોડા પાડ્યા હતા અને 85 લાખ રૂપિયાથી વધુની રોકડ રિકવર કરવાનો દાવો કર્યો હતો.

જોકે, દરોડાથી બચવા કારકુન હીરો કેસવાણીએ ઘરમાં રાખેલ ફિનાઈલ પી લીધું હતું, જે બાદ તેને તાત્કાલિક હોસ્પિટલમાં દાખલ કરવામાં આવ્યો હતો જ્યાં તેની સારવાર ચાલી રહી છે.

ભોપાલ EOW પોલીસ અધિક્ષક રાજેશ મિશ્રાએ જણાવ્યું હતું કે, “અપ્રમાણસર સંપત્તિની ફરિયાદ પર વરિષ્ઠ ક્લાર્ક હીરો કેસવાનીના ઘરે દરોડો પાડવામાં આવ્યો છે. દરોડામાં રૂા. 85 લાખથી વધુની રોકડ અને જંગમ અને સ્થાવર મિલકતો અને તેમના દસ્તાવેજો જપ્ત કરવામાં આવ્યા છે.

અધિકારીએ જણાવ્યું કે “પ્રારંભિક તપાસમાં કારકુનની કુલ સ્થાવર અને જંગમ મિલકત 4 કરોડ રૂપિયાથી વધુ હોવાનો અંદાજ છે. તેમણે કહ્યું કે હાલમાં દરોડાની કાર્યવાહી ચાલી રહી છે, તેથી કુલ કેટલી સંપત્તિનો ખુલાસો થયો છે તે કાર્યવાહી પૂર્ણ થયા બાદ આકારણી કરી શકાશે.

તેમણે જણાવ્યું હતું કે સવારે કેસવાણીએ દરોડાની કાર્યવાહીનો વિરોધ કરતી વખતે ટીમના સભ્યો સાથે કથિત રીતે ઝપાઝપી કરી હતી અને બાદમાં ઘરમાં રાખવામાં આવેલ ફિનાઈલ જેવું પ્રવાહી પી લીધું હતું, ત્યારબાદ તેને ઉલ્ટી થતાં સારવાર માટે સરકારી હમીદિયા હોસ્પિટલમાં દાખલ કરવામાં આવ્યો હતો.”

EOW અધિકારીએ જણાવ્યું કે “કેસવાનીનું એક પેન્ટહાઉસ છે, જ્યાં મોંઘી સજાવટની વસ્તુઓ મળી આવી હતી. આ ઘરની કિંમત લગભગ 1.5 કરોડ રૂપિયા છે.” અધિકારીએ જણાવ્યું હતું કે “કેસવાનીના પરિવારના સભ્યોના બેન્ક ખાતામાં લાખોની રકમ જમા કરવામાં આવી હતી અને મોટાભાગની મિલકત તેમણે તેમની પત્નીના નામે ખરીદી હતી, જે ગૃહિણી છે અને તેમની પાસે આવકનો અન્ય કોઈ સ્ત્રોત નથી.

04 August, 2022 05:06 PM IST | Bhopal | Gujarati Mid-day Online Correspondent

અન્ય લેખો

રાષ્ટ્રીય સમાચાર

સ્વતંત્રતા દિવસ: 55 ASI સંરક્ષિત સ્મારકોમાં 15 ઑગસ્ટ સુધી મળશે મફત એન્ટ્રી

પર્યટનને સુવિધાજનક બનાવવા અને સાંસ્કૃતિક જાગૃકતા વધારવા માટે, સંસ્કૃતિ મંત્રાલયે બધા નાગરિકોને 5 ઑગસ્ટથી 15 ઑગસ્ટ, 2022 સુધી બધા ટિકિટવાળા સ્મારકો અને ઐતિહાસિક સ્થળે મફત પ્રવેશ આપવાનો નિર્ણય લીધો છે.

12 August, 2022 08:02 IST | Mumbai | Gujarati Mid-day Online Correspondent
રાષ્ટ્રીય સમાચાર

28 ઑગસ્ટના તોડી પાડવામાં આવશે સુપરટેકના ટ્વિન ટાવર, સુપ્રીમ કૉર્ટે આપી છૂટ

નોએડાના સેક્ટર-93એ સુપરટેક એમરાલ્ડ કૉર્ટ ટ્વિન ટાવરને પાડવાને લઈને સુપ્રીમ કૉર્ટ તરફથી લીલી ઝંડી મળી ગઈ છે. 28 ઑગસ્ટના આ ટ્વિન ટાવર પાડી દેવામાં આવશે. આ પહેલા સીબીઆરઆઇ પણ પરવાનગી આપી ચૂકી છે.

12 August, 2022 06:49 IST | Noida | Gujarati Mid-day Online Correspondent
રાષ્ટ્રીય સમાચાર

`મોદી બન્યા છે તો નીતિશ કુમાર પણ બની શકે છે PM` - મીટિંગ પહેલા બોલ્યા તેજસ્વી

જો નરેન્દ્ર મોદી દેશના વડાપ્રધાન બની ગયા તો નીતિશ કુમાર પણ મુખ્યમંત્રી બની શકે છે. તેમનું આ નિવેદન ત્યારે આવી રહ્યું છે, જ્યારે શક્યતા દર્શાવવામાં આવી રહી છે કે આજે સાંજે 5.30 વાગ્યે તેજસ્વી યાદવ કૉંગ્રેસ અધ્યક્ષા સોનિયા ગાંધી સાથે મુલાકાત કરી શકે છે

12 August, 2022 03:46 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK