Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > Lakhimpur Kheri: પ્રિયંકા ગાંધીની ધરપકડ બાદ શિવસેનાએ સંયુક્ત વિપક્ષી કાર્યવાહીની હાકલ કરી

Lakhimpur Kheri: પ્રિયંકા ગાંધીની ધરપકડ બાદ શિવસેનાએ સંયુક્ત વિપક્ષી કાર્યવાહીની હાકલ કરી

05 October, 2021 05:30 PM IST | New Delhi
Gujarati Mid-day Online Correspondent | gmddigital@mid-day.com

સોમવારે વહેલી સવારે લખીમપુર ખેરી પહોંચેલા કોંગ્રેસના મહાસચિવ પ્રિયંકા ગાંધી વાડ્રાને સીતાપુરમાં અટકાયતમાં લેવામાં આવ્યા હતા

ફાઇલ ફોટો

ફાઇલ ફોટો


વિપક્ષી નેતાઓને લખીમપુર ખેરી જવાથી રોકવામાં આવતા શિવસેના નેતા સંજય રાઉતે મંગળવારે રાજકીય પક્ષો દ્વારા આ “જુલમ” સામે સંયુક્ત પગલું ભરવાની હાકલ કરી હતી અને આ સંદર્ભે રાહુલ ગાંધીને મળશે તેમ જણાવ્યું હતું.

સોમવારે વહેલી સવારે લખીમપુર ખેરી પહોંચેલા કોંગ્રેસના મહાસચિવ પ્રિયંકા ગાંધી વાડ્રાને સીતાપુરમાં અટકાયતમાં લેવામાં આવ્યા હતા અને રવિવારે હિંસક અથડામણમાં આઠ વ્યક્તિઓએ જીવ ગુમાવ્યો હતો તે ગામમાં પ્રવેશવાની મંજૂરી આપી નહોતી.



કોંગ્રેસ, આપ, સપા અને બસપા સહિતના વિપક્ષી દળોના અન્ય ઘણા નેતાઓને યુપી સરકારે અટકાયતમાં લીધા છે અને લખીમપુર ખેરી જતા અટકાવ્યા છે.


આ સંદર્ભે શિવસેનાના નેતા અને રાજ્યસભાના સાંસદ સંજય રાઉતે ટ્વિટ કર્યું હતું કે “લખીમપુર ખેરી હિંસાએ રાષ્ટ્રને હચમચાવી દીધું છે, યુપી સરકારે પ્રિયંકા ગાંધીની ધરપકડ કરી છે, વિપક્ષી નેતાઓને ખેડૂતોને મળવાથી અટકાવવામાં આવ્યા છે. યુપીમાં સરકાર દ્વારા જુલમ વિરુદ્ધ સંયુક્ત વિપક્ષી કાર્યવાહીની જરૂર છે.”


તેમણે એમ પણ કહ્યું કે તેઓ સંયુક્ત વિપક્ષની રણનીતિ બનાવવા માટે આજે સાંજે 4.15 વાગ્યે કોંગ્રેસના પૂર્વ અધ્યક્ષ રાહુલ ગાંધીને મળશે.

ઉલ્લેખનીય છે કે શિવસેના અને કોંગ્રેસ, એનસીપી સાથે મળીને, મહારાષ્ટ્રમાં સંયુક્ત રીતે મહા વિકાસ આઘાડી સરકાર ચલાવે છે, જ્યારે સેનાએ 2019માં ભાજપના નેતૃત્વવાળી એનડીએ ગઠબંધન છોડ્યું હતું.

Whatsapp-channel Whatsapp-channel

05 October, 2021 05:30 PM IST | New Delhi | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK