તેમને શનિવારે ઉપરાષ્ટ્રપતિના પદ માટેની ચૂંટણીમાં વિજેતા જાહેર કરવામાં આવ્યા હતા
નવી દિલ્હીમાં ગઈ કાલે રાષ્ટ્રપતિભવન ખાતે ઉપરાષ્ટ્રપતિ તરીકે શપથ ગ્રહણ કરનારા જગદીપ ધનખડને શુભેચ્છા આપતાં રાષ્ટ્રપતિ દ્રૌપદી મુર્મુ.
જગદીપ ધનખડે ગઈ કાલે ભારતના ૧૪મા ઉપરાષ્ટ્રપતિના પદ માટે શપથ ગ્રહણ કર્યા હતા. રાષ્ટ્રપતિ દ્રૌપદી મુર્મુએ રાષ્ટ્રપતિ ભવનમાં એક સમારોહમાં ધનખડને શપથ અપાવ્યાં હતાં. ધનખડે ભગવાનના નામે હિન્દીમાં શપથ ગ્રહણ કર્યા હતા.
શપથગ્રહણ સમારોહમાં વડા પ્રધાન નરેન્દ્ર મોદી, ધનખડના પૂર્વગામી એમ વેન્કૈયા નાયડુ, ભૂતપૂર્વ રાષ્ટ્રપતિ રામનાથ કોવિંદ, ભૂતપૂર્વ ઉપરાષ્ટ્રપતિ એમ હામિદ અન્સારી તેમ જ કેન્દ્રીય પ્રધાનો રાજનાથ સિંહ, અમિત શાહ, નિર્મલા સીતારમણ અને નીતિન ગડકરી ઉપસ્થિત રહ્યાં હતાં.
ADVERTISEMENT
ધનખડે ગઈ કાલે સવારે રાજઘાટ જઈને મહાત્મા ગાંધીને અંજલિ અર્પી હતી. તેમને શનિવારે ઉપરાષ્ટ્રપતિના પદ માટેની ચૂંટણીમાં વિજેતા જાહેર કરવામાં આવ્યા હતા.
