ગઈ કાલે બ્રહ્મોસ સુપરસૉનિક મિસાઇલના ઍડ્વાન્સ સી-ટુ-સી વેરિઅન્ટનું ટેસ્ટિંગ કરવામાં આવ્યું હતું
પ્રતીકાત્મક તસવીર
નવી દિલ્હી : બ્રહ્મોસ ક્રૂઝ મિસાઇલના નેવલ વેરિઅન્ટનું ગઈ કાલે સફળ પરીક્ષણ કરવામાં આવ્યું છે. ડીઆરડીઓના જણાવ્યા પ્રમાણે મિસાઇલે પોતાના લક્ષ્યાંકને અચૂક રીતે વીંધ્યું હતું. આઇએનએસ વિશાખાપટ્ટનમમાંથી ગઈ કાલે બ્રહ્મોસ સુપરસૉનિક મિસાઇલના ઍડ્વાન્સ સી-ટુ-સી વેરિઅન્ટનું ટેસ્ટિંગ કરવામાં આવ્યું હતું.
સંરક્ષણપ્રધાન રાજનાથ સિંહે કહ્યું હતું કે ‘મિસાઇલનું સફળ પરીક્ષણ ભારતીય નૌકાદળની તૈયારીઓ દર્શાવે છે. નૌકાદળ, ડીઆરડીઓ અને બ્રહ્મોસ મિસાઇલ સાથે સંકળાયેલી ટીમને આ તબક્કે હું અભિનંદન આપું છું.’
બ્રહ્મોસ ઍરોસ્પેસ ભારત અને રશિયાનું એક સંયુક્ત સાહસ છે, જેની ક્રૂઝ મિસાઇલ સબમરીન, જહાજ, વિમાન અને જમીન પરથી પણ છોડી શકાય છે. વળી એ અવાજ કરતાં પણ ત્રણ ગણી ગતિએ જાય છે.