° °

આજનું ઇ-પેપર
Monday, 25 October, 2021


મહંતના મૃત્યુની ઘટનામાં દોષીને સજા થશે જ : યોગી

22 September, 2021 11:59 AM IST | Prayagraj | Agency

ગઈ કાલે મહંતના પાર્થિવ શરીરને અંજલિ આપી રહેલા યોગી આદિત્યનાથ. મહંતના શિષ્ય આનંદ ગિરિ (જમણે) સામે ગુનો નોંધાયો છે. પી.ટી.આઇ.

ગઈ કાલે મહંતના પાર્થિવ શરીરને અંજલિ આપી રહેલા યોગી આદિત્યનાથ. મહંતના શિષ્ય આનંદ ગિરિ (જમણે) સામે ગુનો નોંધાયો છે.  પી.ટી.આઇ.

ગઈ કાલે મહંતના પાર્થિવ શરીરને અંજલિ આપી રહેલા યોગી આદિત્યનાથ. મહંતના શિષ્ય આનંદ ગિરિ (જમણે) સામે ગુનો નોંધાયો છે. પી.ટી.આઇ.

ઉત્તર પ્રદેશના મુખ્ય પ્રધાન યોગી આદિત્યનાથે ગઈ કાલે બાગંબરી મઠમાં અખિલ ભારતીય અખાડા પરિષદના અધ્યક્ષ મહંત નરેન્દ્રગિરિનાં અંતિમ દર્શન બાદ પત્રકારોને જણાવ્યું હતું કે ‘હું મહંતજીના મૃત્યુથી ખૂબ દુખી છું. અધિકારીઓ આ બનાવની તપાસ કરી રહ્યા છે. દોષીઓને બક્ષવામાં નહીં આવે. તેમને સજા થઈને જ રહેશે.’
યોગીએ વધુમાં કહ્યું હતું કે ‘મહંત નરેન્દ્રગિરિએ સંત સમાજની ખૂબ સેવા કરી હતી. કુંભ મેળામાં તેમનો બહુ સારો સહયોગ મળ્યો હતો. તેમનું નિધન સંત સમાજ માટે બહુ મોટી ખોટ કહેવાય.’
પોલીસના જણાવ્યા અનુસાર મહંતે આત્મહત્યા કરી છે. જોકે મહંતને તેમના શિષ્ય આનંદગિરિએ આત્મહત્યા માટે મજબૂર કર્યા હોવાનો આક્ષેપ થયો છે.

મહંતે આત્મહત્યા કરતાં પહેલાં વિડિયો બનાવેલો?

મહંત નરેન્દ્રગિરિએ સોમવારે આત્મહત્યા કરતાં પહેલાં એક વિડિયો રેકૉર્ડ કર્યો હોવાનું તેમના એક શિષ્ય નિર્ભય દ્વિવેદીએ એક જાણીતા મૅગેઝિનને આપેલી મુલાકાતમાં જણાવ્યું હતું. આ વિડિયો પોલીસ પાસે છે અને એ ચકાસવામાં આવી રહ્યો છે, એવું કહીને શિષ્યએ ઉમેર્યું હતું કે વિડિયોનાં ફૂટેજ મહંતે લખેલી સુસાઇડ-નોટની વિગતોને મળતા આવે છે. મહંતે સુસાઇડ-નોટમાં પોતાને હેરાન કરતા લોકોનાં નામ આપ્યાં હોવાનું મનાય છે. પ્રયાગરાજ પોલીસે હરિદ્વારમાં રહેતા મહંતના શિષ્ય આનંદગિરિને અટકમાં લીધા છે અને તેની સામે મહંતને આત્મહત્યા કરવાની ફરજ પાડવા સંબંધિત ગુનો નોંધ્યો છે.

22 September, 2021 11:59 AM IST | Prayagraj | Agency

અન્ય લેખો

રાષ્ટ્રીય સમાચાર

અમિત શાહે જમ્મુમાં IITના નવા કેમ્પસનું ઉદ્ઘાટન કર્યું

આઈઆઈટી-જમ્મુના નવા કેમ્પસનું ઉદ્ઘાટન કર્યા બાદ શાહ એક જાહેર રેલીને સંબોધવા માટે ભગવતી નગર વિસ્તારમાં પહોંચ્યા હતા.

24 October, 2021 04:33 IST | Jammu | Gujarati Mid-day Online Correspondent
રાષ્ટ્રીય સમાચાર

Lakhimpur Violence: લખીમપુર કાંડના આરોપી આશીષ મિશ્રાને ડેન્ગૂ

ડેન્ગૂનો રિપૉર્ટ પૉઝિટીવ આવ્યા પછી ઇન્વેસ્ટિગેશન કમિટીએ પોલીસ કસ્ટડી રિમાન્ડમાંથી આશીષ મિશ્રાને પાછા જેલ મોકલવામાં આવ્યા છે. આશીષ મિશ્રા લખીમપુર જેલમાં બંધ છે.

24 October, 2021 01:08 IST | New Delhi | Gujarati Mid-day Online Correspondent
રાષ્ટ્રીય સમાચાર

દેશમાં ૪૨ ટકા કોર્ટમાં ટૉઇલેટની સુવિધા નથી : સર્વોચ્ચ ન્યાયાધીશ

કમ્પ્યુટર યુગમાં પણ દેશમાં માત્ર ૨૭ ટકા કોર્ટ રૂમમાં ન્યાયાધીશની ડાયસ પર વિડિયો કૉન્ફરન્સિંગની સુવિધા સાથેના કમ્પ્યુટર્સ છે

24 October, 2021 07:41 IST | Aurangabad | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK