Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


Food fun and filmstar Food fun and filmstar
હોમ > સમાચાર > રાષ્ટ્રીય સમાચાર > આર્ટિકલ્સ > આતંકવાદીને ઠાર કરનાર ગુજરાતના સૈનિકનું શૌર્યચક્ર પુરસ્કારથી સન્માન

આતંકવાદીને ઠાર કરનાર ગુજરાતના સૈનિકનું શૌર્યચક્ર પુરસ્કારથી સન્માન

09 July, 2024 12:08 PM IST | New Delhi
Gujarati Mid-day Correspondent | feedbackgmd@mid-day.com

દેશનાં રાષ્ટ્રપતિ દ્રૌપદી મુર્મુના હસ્તે ભારતના સપૂત મુકેશકુમાર ગામીતનું થયું અદકેરું સન્માન

રાષ્ટ્રપતિ દ્રૌપદી મુર્મુના હસ્તે મુકેશકુમાર ગામીતનું  શૌર્યચક્ર પુરસ્કારથી સન્માન થયું હતું

રાષ્ટ્રપતિ દ્રૌપદી મુર્મુના હસ્તે મુકેશકુમાર ગામીતનું શૌર્યચક્ર પુરસ્કારથી સન્માન થયું હતું


શ્રીનગરના દરબાગ ખાતે આતંકવાદીને ઠાર કરનાર તાપી જિલ્લાના વ્યારા તાલુકાના ચાંપાવાડી ગામના મુકેશકુમાર ગામીતનું શૌર્યચક્ર પુરસ્કારથી સન્માન થયું છે. નવી દિલ્હીમાં રાષ્ટ્રપતિ ભવન ખાતે ૨૦૨૪ની પાંચમી જુલાઈએ યોજાયેલા સન્માન સમારોહમાં દેશનાં રાષ્ટ્રપતિ દ્રૌપદી મુર્મુના હસ્તે ભારતના સપૂત મુકેશકુમાર ગામીતનું શૌર્યચક્ર પુરસ્કારથી અદકેરું સન્માન થયું હતું.


સી.આર.પી.એફ.ના કૉન્સ્ટેબલ મુકેશકુમાર ગામીતે મીડિયા સાથે વાત કરતાં કહ્યું હતું કે ‘વર્ષ ૨૦૨૧માં મને ક્વિક ઍક્શન ટીમમાં સામેલ કરાયો હતો. ૨૦૨૧ની ૧૯ ડિસેમ્બરે શ્રીનગરના દરબાગ ખાતે સર્ચ ઑપરેશનમાં મકાનમાં છુપાયેલા એક આતંકવાદી દ્વારા થઈ રહેલા અંધાધૂંધ ફાયરિંગ દરમ્યાન અમે જવાબી કાર્યવાહી કરી રહ્યા હતા. આતંકવાદીની નજીક પહોંચતાં પોતાના સાથી જવાનને ગોળીબારથી બચાવવા આતંકવાદીની રાઇફલનું બેરલ ઉપરની તરફ કરીને તેનો સામનો કર્યો હતો. આતંકવાદી જમીન પર ગ્રેનેડ ફેંકીને ઘરની બારીમાંથી બહાર ભાગ્યો હતો જેનો પીછો કરીને તેને ઠાર કર્યો હતો.’




મુકેશકુમાર ગામીતને મળેલું શૌર્યચક્ર સટિફિકેટ

અસાધારણ વીરતા માટે રાષ્ટ્રપતિ દ્રૌપદી મુર્મુના હસ્તે શૌર્યચક્ર પુરસ્કારથી સન્માનિત થયેલા મુકેશકુમાર ગામીતે A++ કૅટેગરીના આતંકવાદીને ઠાર કર્યો હતો. મિનિસ્ટ્રી ઑફ હોમ અફેર્સ દ્વારા સમયાંતરે આતંકવાદી સંગઠનો અને આતંકવાદીઓના લિસ્ટને અપડેટ કરીને આ કૅટેગરી નક્કી કરવામાં આવે છે. 


Whatsapp-channel Whatsapp-channel

09 July, 2024 12:08 PM IST | New Delhi | Gujarati Mid-day Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK