° °

આજનું ઇ-પેપર
Sunday, 28 November, 2021


પંજાબના પઠાણકોટમાં આર્મી કેમ્પના ગેટ પાસે ગ્રેનેડ હુમલો

22 November, 2021 04:12 PM IST | Amritsar | Gujarati Mid-day Online Correspondent

પંજાબના પઠાણકોટમાં આર્મી કેમ્પ પાસે સોમવારે સવારે ગ્રેનેડ વિસ્ફોટ થયો હતો.

પ્રતિકાત્મક તસવીર

પ્રતિકાત્મક તસવીર

પંજાબના પઠાણકોટમાં આર્મી કેમ્પ પાસે સોમવારે સવારે ગ્રેનેડ વિસ્ફોટ થયો હતો. આર્મી કેમ્પના ત્રિવેણી ગેટ પાસે બ્લાસ્ટ થયો હતો. જેના કારણે સમગ્ર વિસ્તારમાં ગભરાટ અને સનસનાટી મચી ગઈ હતી. ઘટનાની માહિતી મળતાં પોલીસે સમગ્ર વિસ્તારનો કબજો મેળવી તપાસ શરૂ કરી છે. પોલીસ સમગ્ર વિસ્તારમાં સર્ચ ઓપરેશન ચલાવી રહી છે અને આસપાસના વિસ્તારના લોકોની પૂછપરછ પણ કરી રહી છે. બે બાઇક સવારોએ ગ્રેનેડ ફેંક્યો હોવાનું કહેવાય છે, પરંતુ પોલીસ દ્વારા હજુ સુધી આ વાતની પુષ્ટિ કરવામાં આવી નથી. પોલીસ ત્યાં લગાવેલા સીસીટીવી ફૂટેજની તપાસ કરી રહી છે. બીજી તરફ, ભારત-પાકિસ્તાન સરહદી વિસ્તારના બમિઆલ સેક્ટરમાં ડ્રોન અને શંકાસ્પદ વ્યક્તિઓ જોવાના અહેવાલ છે. સમગ્ર વિસ્તારમાં સર્ચ ઓપરેશન ચાલી રહ્યું છે.

2016માં પઠાણકોટ એરફોર્સ સ્ટેશન પર થયેલા હુમલા બાદ ગ્રેનેડ હુમલાની આ પ્રથમ ઘટના છે. આ ઘટના બાદ પંજાબમાં એલર્ટ જાહેર કરવામાં આવ્યું છે. રાજ્યના સરહદી વિસ્તારમાં સુરક્ષા સઘન બનાવવામાં આવી છે અને રાજ્યભરમાં સતર્કતા રાખવામાં આવી રહી છે. જોકે, ગ્રેનેડ હુમલામાં કોઈ જાનહાની થઈ નથી. વરિષ્ઠ પોલીસ અધિક્ષક સુરેન્દ્ર લાંબાનું કહેવું છે કે આ મામલે તપાસ ચાલી રહી છે. સીસીટીવી ફૂટેજ સ્કેન કરવામાં આવી રહ્યા છે. પ્રાથમિક તપાસમાં બાઇક સવારે ગ્રેનેડ ફેંક્યો હોવાની માહિતી મળી છે. ટીમો બનાવવામાં આવી છે. પરિણામ ટૂંક સમયમાં બહાર આવશે. આ વિસ્તારમાં વધારાની પોલીસ તહેનાત કરવામાં આવી છે અને નાકાબંધી વધારી દેવામાં આવી છે.

બીજી તરફ, પઠાણકોટના બમિયાલ સરહદી વિસ્તારના પરમલ જટ્ટામાં મોડી રાત્રે ડ્રોન અને શંકાસ્પદ લોકો જોવાના અહેવાલ મળ્યા છે. આ પછી સમગ્ર વિસ્તારને છાવણીમાં ફેરવી દેવામાં આવ્યો છે. બમિયાલ ડીએસપીએ જણાવ્યું કે વિસ્તારના લોકોએ મોડી રાત્રે સરહદી વિસ્તારમાં ટોર્ચલાઈટ જોઈ હતી. ગામલોકોએ ખેતરો તરફ કેટલાક શંકાસ્પદ લોકોની હિલચાલ જોઈ હતી. લોકોએ આ અંગે પોલીસને જાણ કરી હતી. ત્યારથી સમગ્ર વિસ્તારમાં પોલીસ અને બીએસએફના જવાનો દ્વારા સર્ચ ઓપરેશન ચાલી રહ્યું છે. તમને જણાવી દઈએ કે બમિયાલ સેક્ટરમાં પાકિસ્તાન તરફથી વારંવાર ઘૂસણખોરીના પ્રયાસો થઈ રહ્યા છે. કેટલાક વર્ષોથી પઠાણકોટ એરબેઝ પર હુમલો કરનારા પાકિસ્તાની આતંકવાદીઓ બમિયાલ સેક્ટરમાંથી જ ઘૂસણખોરી કરી ચૂક્યા હતા.

સ્થળ પર તપાસ શરૂ કરી હતી. ત્યાં ગ્રેનેડ કેવી રીતે વિસ્ફોટ થયો તે જાણી શકાયું નથી. ગ્રેનેડ કોણે ફેંક્યો તેની તપાસ કરવામાં આવી રહી છે. એસએસપીએ કહ્યું કે આ માટે સીસીટીવી ફૂટેજની તપાસ કરવામાં આવી રહી છે. સમગ્ર વિસ્તારમાં સુરક્ષા સઘન બનાવી દેવામાં આવી છે અને આસપાસના વિસ્તારમાં સર્ચ કરવામાં આવી રહ્યું છે. પોલીસ આસપાસના વિસ્તારના લોકોની પણ પૂછપરછ કરી રહી છે.

22 November, 2021 04:12 PM IST | Amritsar | Gujarati Mid-day Online Correspondent

અન્ય લેખો

રાષ્ટ્રીય સમાચાર

ઓમિક્રોન વેરિયન્ટને પગલે સ્વાસ્થ્ય મંત્રાલયે તમામ રાજ્યોને લખ્યો પત્ર, કહ્યું...

કોરોનાના નવા પ્રકારને લઈને ગભરાટના એક દિવસ અગાઉ વડાપ્રધાન નરેન્દ્ર મોદીએ શનિવારે ઉચ્ચ અધિકારીઓ સાથે બેઠક યોજી હતી.

28 November, 2021 06:57 IST | New Delhi | Gujarati Mid-day Online Correspondent
રાષ્ટ્રીય સમાચાર

કેજરીવાલે પીએમ મોદીને લખ્યો પત્ર, કહ્યું આંતરરાષ્ટ્રીય ફ્લાઈટ પર પ્રતિબંધ લાદો

દિલ્હીના મુખ્ય પ્રધાન અરવિંદ કેજરીવાલે રવિવારે વડા પ્રધાન નરેન્દ્ર મોદીને વિનંતી કરી કે નોવેલ કોરોના વાયરસ નવા સાવરૂપે ફાટી નીકળતાં અસરગ્રસ્ત દેશોમાંથી ભારતની ફ્લાઇટ્સ તાત્કાલિક અસરથી પ્રતિબંધિત મૂકવામાં આવવો જોઈએ.

28 November, 2021 06:21 IST | New Delhi | Gujarati Mid-day Online Correspondent
રાષ્ટ્રીય સમાચાર

બેંગલુરુમાં કોરોના સંક્રમિત દક્ષિણઆફ્રિકાના બંને યુવકોમાં ડેલ્ટા વેરિયન્ટ મળ્યું

અધિકારીએ જણાવ્યું કે 1 થી 26 નવેમ્બરની વચ્ચે દક્ષિણ આફ્રિકાથી કુલ 94 લોકો ભારત આવ્યા છે અને તેમાંથી માત્ર બેમાં જ કોરોના વાયરસનો અગાઉનો પ્રકાર જોવા મળ્યો છે.

28 November, 2021 04:40 IST | Bangalore | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK