° °

આજનું ઇ-પેપર
Saturday, 29 January, 2022


મ્યુકોરમાઇકોસિસ યાદ છે? દવાઓના વધારે ઉપયોગ સામે સરકારની ચેતવણી

14 January, 2022 10:23 AM IST | Mumbai | Gujarati Mid-day Correspondent

કેન્દ્ર સરકારે કોરોનાની દવાઓના વધારે પડતા ઉપયોગ અને દુરુપયોગ સામે ચેતવણી આપી હતી. નીતિ આયોગના સભ્ય (આરોગ્ય) ડૉ. વી. કે. પૉલે કહ્યું હતું કે ‘જે કોઈ પણ દવાઓ આપવામાં આવે એનો વિવેકપૂર્ણ ઉપયોગ કરવો જોઈએ.

પ્રતીકાત્મક તસવીર

પ્રતીકાત્મક તસવીર

નવી દિલ્હી (પી.ટી.આઇ.) ઃ કેન્દ્ર સરકારે કોરોનાની દવાઓના વધારે પડતા ઉપયોગ અને દુરુપયોગ સામે ચેતવણી આપી હતી. નીતિ આયોગના સભ્ય (આરોગ્ય) ડૉ. વી. કે. પૉલે કહ્યું હતું કે ‘જે કોઈ પણ દવાઓ આપવામાં આવે એનો વિવેકપૂર્ણ ઉપયોગ કરવો જોઈએ. કોઈ પણ રીતે વધારે પડતો ઉપયોગ ના કરવો જોઈએ. ગઈ વખતે આપણે ખૂબ જ ડરામણી સ્થિતિ જોઈ હતી કે જ્યારે મ્યુકોરમાઇકોસિસ માટે ઘણાખરા અંશે દવાઓ જવાબદાર હતી.’
તેમણે વધુમાં કહ્યું હતું કે ‘સ્ટેરૉઇડ્ઝના ઉપયોગથી મ્યુકોરમાઇકોસિસ થવાના ચાન્સિસ વધી જાય છે. સ્ટેરૉઇડ્ઝ ખૂબ જ શક્તિશાળી જીવનરક્ષક દવાઓ છે, પરંતુ એની પોતાની સાઇડ ઇફેક્ટ્સ પણ છે અને એની રોગપ્રતિકારક શક્તિ પર વિપરીત અસર થાય છે. એટલા માટે જ એ આપણા માટે મોટો પાઠ હતો. એ વખતે (બીજી લહેર દરમ્યાન) આપણે હજી શીખી રહ્યા હતા, પરંતુ આપણે હવે એ જાણીએ છીએ એટલા માટે સામાન્ય લોકોએ ખ્યાલ રાખવો જોઈએ કે નૅશનલ પ્રોટોકોલ્સ-આયુષ અને મેઇનસ્ટ્રીમ પ્રોટોકોલ હેઠળ વિવેકપૂર્ણ સારવારની યાદી છે. આપણે એને જ વળગી રહેવું જોઈએ.’
ડૉ. પૉલે વધુમાં કહ્યું હતું કે ‘આ પ્રોટોકોલ્સને બેસ્ટ એક્સપર્ટ્સ દ્વારા ડેવલપ કરવામાં આવ્યા છે. તાવ માટે પૅરાસિટામોલ આપવામાં આવે છે અને કફ માટે આયુષ સીરપનો ઉપયોગ કરી શકાય છે. ઘરે રહીને સારવાર લઈ રહેલા દરદીઓ માટે પણ અમે એ જ પ્રિસ્ક્રાઇબ કર્યું છે. જો ત્રણ દિવસ કરતાં પણ વધારે સમય સુધી કફ રહે તો બુડેસોનાઇડ નામનું ઇનહેલર છે. આ ત્રણ જ બાબત કરવી જોઈએ. એ સિવાય કોગળા કરો, આરામ કરો અને વધારે પડતું કામ ન કરો.’ 
નોંધપાત્ર છે કે આ પહેલાં દેશમાં મ્યુકોરમાઇકોસિસના કેસ મોટા પ્રમાણમાં જોવા મળ્યા હતા.

14 January, 2022 10:23 AM IST | Mumbai | Gujarati Mid-day Correspondent

અન્ય લેખો

રાષ્ટ્રીય સમાચાર

બજેટ પહેલા ડૉ. અનંત નાગેશ્વરન મુખ્ય આર્થિક સલાહકાર તરીકે નિયુક્ત

ડૉ. વી અનંત નાગેશ્વરનને કેન્દ્રીય નાણા મંત્રાલયના મુખ્ય આર્થિક સલાહકાર તરીકે નિયુક્ત કરવામાં આવ્યા છે.

28 January, 2022 08:03 IST | Mumbai | Gujarati Mid-day Online Correspondent
રાષ્ટ્રીય સમાચાર

Watch Video:બિહારમાં તાલીમ દરમિયાન વિમાન ટેક ઓફ થતાં જ થયું ક્રેશ,પાયલટ સુરક્ષિત

બિહારના ગયામાં ભારતીય આર્મી ઓફિસર્સ ટ્રેનિંગ એકેડમીનું એક એરક્રાફ્ટ શુક્રવારે ટ્રેનિંગ દરમિયાન ટેક ઓફ કર્યા બાદ તરત જ ક્રેશ થઈ ગયું હતું.

28 January, 2022 07:38 IST | Mumbai | Gujarati Mid-day Online Correspondent
રાષ્ટ્રીય સમાચાર

ભારત બાયોટેકની રસી નાકથી અપાશે, બૂસ્ટર ડોઝ માટે પરીક્ષણ કરવાની મળી પરવાનગી 

ડ્રગ કંટ્રોલર ઓફ ઈન્ડિયા (DCGI) એ ભારત બાયોટેકને તેની અનુનાસિક (નાકથી આપવામાં આવતી રસી ) કોરોના રસી નેઝલ (Nasal)ના બૂસ્ટર ડોઝનું પરીક્ષણ કરવાની પરવાનગી આપી છે.

28 January, 2022 05:56 IST | Mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK