° °

આજનું ઇ-પેપર
Tuesday, 24 May, 2022


Covid-19: ઓમિક્રોન બાદ  NeoCoV વેરિયન્ટનું જોખમ, વૈજ્ઞાનિકોએ આપી આવી ચેતવણી

28 January, 2022 01:02 PM IST | Mumbai
Gujarati Mid-day Online Correspondent | gmddigital@mid-day.com

2019 માં, કોરોના વાયરસ(Coronavirus)વુહાનથી જ સમગ્ર વિશ્વમાં ફેલાયો. હવે ત્યાંના વૈજ્ઞાનિકોએ કહ્યું છે કે દક્ષિણ આફ્રિકામાં એક નવા પ્રકારનો કોરોના વાયરસ `નિયોકોવ` મળી આવ્યો છે.

પ્રતીકાત્મક તસવીર Coronavirus

પ્રતીકાત્મક તસવીર

ચીન (China)ના વુહાનના વૈજ્ઞાનિકોએ હવે નવો કોરોના વાયરસ `NeoCoV` વિશે ડરામણા સમાચાર આપ્યા છે. 2019 માં, કોરોના વાયરસ(Coronavirus)વુહાનથી જ સમગ્ર વિશ્વમાં ફેલાયો. હવે ત્યાંના વૈજ્ઞાનિકોએ કહ્યું છે કે દક્ષિણ આફ્રિકામાં એક નવા પ્રકારનો કોરોના વાયરસ `નિયોકોવ` મળી આવ્યો છે. તેનો ચેપ અને મૃત્યુદર બંને ખૂબ જ વધારે છે. તે સંક્રમિત દર ત્રણમાંથી એક વ્યક્તિને મારી શકે છે.

વુહાનના વૈજ્ઞાનિકોનો આ દાવો રશિયન સમાચાર એજન્સી સ્પુટનિક દ્વારા જાહેર કરવામાં આવ્યો છે. આખું વિશ્વ પહેલેથી જ કોરોનાના ભયથી ગભરાયેલું છે. તેના ઓમિક્રોન અને ડેલ્ટા વેરિઅન્ટ્સ તબાહી મચાવી રહ્યા છે. આવી સ્થિતિમાં `નિયોકોવ` એ ચિંતા વધારી શકે છે.

રિપોર્ટમાં એમ પણ કહેવામાં આવ્યું છે કે નિયોકોવ વાયરસ નવો નથી. આ MERS-CoV વાયરસથી સંબંધિત છે. 2012 માં તે મધ્ય પૂર્વના દેશોમાં મળી આવ્યો હતો. તે સાર્સ કોવ 2 જેવું જ છે, જેમાંથી કોરોના વાયરસ મનુષ્યોમાં ફેલાયો હતો.

દક્ષિણ આફ્રિકાના ચામાચીડિયામાં જોવા મળ્યો

NeoCov વાયરસ દક્ષિણ આફ્રિકામાં ચામાચીડિયામાં જોવા મળ્યો છે, તે હાલમાં ફક્ત આ પક્ષીઓમાં ફેલાય છે, પરંતુ `BioRxiv` વેબસાઈટ પર પ્રીપ્રિન્ટ તરીકે પ્રકાશિત થયેલા અહેવાલમાં દાવો કરવામાં આવ્યો છે કે તે અને તેનું નજીકનું સ્વરૂપ PDF-2180-Cov (PDF-2180-) CoV) મનુષ્યોને પણ સંક્રમિત કરી શકે છે. વુહાન યુનિવર્સિટી અને ચાઈનીઝ એકેડેમી ઑફ સાયન્સ, ઈન્સ્ટિટ્યૂટ ઑફ બાયોફિઝિક્સના વૈજ્ઞાનિકોનું કહેવું છે કે NeoCoVના માત્ર એક મ્યુટેશનથી તે માનવ કોષોમાં ફેલાઈ જશે. ચાઇનીઝ સંશોધકોના જણાવ્યા અનુસાર, NeoCoV માં ચેપના ઊંચા દર હાંસલ કરવાની ક્ષમતા છે અને તે દર ત્રણ ચેપગ્રસ્તમાંથી એકને મારી શકે છે.

રશિયાના વાઈરોલોજી અને બાયોટેકનોલોજી વિભાગે ગુરુવારે નિયોકોવને લઈને એક નિવેદન બહાર પાડ્યું હતું. તે કહે છે કે હાલમાં નિયોકોવ માનવોમાં સક્રિય રીતે ફેલાવવામાં સક્ષમ નથી. અત્યારે પ્રશ્ન એ નથી કે નવો કોરોનાવાયરસ માણસોમાં ફેલાય છે કે કેમ, પરંતુ તેના જોખમો અને ક્ષમતાઓ વિશે વધુ અભ્યાસ અને તપાસનો વિષય છે.

28 January, 2022 01:02 PM IST | Mumbai | Gujarati Mid-day Online Correspondent

અન્ય લેખો

રાષ્ટ્રીય સમાચાર

Gyanvapi Case: જ્ઞાનવાપી કેસની આગામી સુનાવણી 26 મેના રોજ, જિલ્લા કોર્ટનો આદેશ

સુપ્રીમ કોર્ટના આદેશ બાદ વારાણસી જિલ્લા કોર્ટ સમક્ષ જ્ઞાનવાપી મસ્જિદ વિવાદની સુનાવણી શરૂ થઈ હતી

24 May, 2022 05:25 IST | Varanasi | Gujarati Mid-day Online Correspondent
રાષ્ટ્રીય સમાચાર

દિલ્હી હાઈકોર્ટમાં ‘વંદે માતરમ’ અને ‘જન ગણ મન’ને સમાન દરજ્જો આપવા દાખલ કરાઈ PIL

હાઈકોર્ટ પાસે તમામ શાળાઓ અને શૈક્ષણિક સંસ્થાઓમાં દરરોજ વંદે માતરમ અને જન ગણ મન ગાવા સંબંધિત નિર્દેશ માગવામાં આવ્યો છે

24 May, 2022 04:04 IST | New Delhi | Gujarati Mid-day Online Correspondent
રાષ્ટ્રીય સમાચાર

અંડરવર્લ્ડ ડોન દાઉદ ઈબ્રાહિમ પાકિસ્તાનના કરાચીમાં છે, EDની તપાસમાં થયો ખુલાસો

એન્ફોર્સમેન્ટ ડિરેક્ટોરેટ (ED)ને આપેલા નિવેદનમાં અંડરવર્લ્ડ ડોનનો ભાણેજ અલીશાહ પારકરે ખુલાસો કર્યો

24 May, 2022 03:18 IST | New Delhi | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK