° °

આજનું ઇ-પેપર
Friday, 01 July, 2022


રાષ્ટ્રપતિ પદની ચૂંટણી માટે દ્રૌપદી મુર્મુએ નોંધાવી ઉમેદવારી, PM મોદીએ આપી હાજરી

24 June, 2022 03:15 PM IST | New Delhi
Gujarati Mid-day Online Correspondent | gmddigital@mid-day.com

દ્રૌપદી મુર્મુના નોમિનેશન દરમિયાન ભાજપ સહિત સમગ્ર એનડીએ એકજૂટ દેખાયું હતું

તસવીર સૌજન્ય: પીટીઆઈ Presidential Election 2022

તસવીર સૌજન્ય: પીટીઆઈ

ભારતીય જનતા પાર્ટી (BJP)ના નેતૃત્વ હેઠળના NDAના ઉમેદવાર દ્રૌપદી મુર્મુએ આજે ​​રાષ્ટ્રપતિની ચૂંટણી માટે ઉમેદવારી નોંધાવી છે. આ દરમિયાન પીએમ મોદી, સંરક્ષણ પ્રધાન રાજનાથ સિંહ, ગૃહ પ્રધાન અમિત શાહ સહિત ભાજપના તમામ મોટા નેતાઓ હાજર રહ્યા હતા. દ્રૌપદી મુર્મુના નોમિનેશનમાં વડાપ્રધાન નરેન્દ્ર મોદીએ પ્રસ્તાવકની ભૂમિકા ભજવી હતી અને રાજનાથ સિંહે સમર્થકની ભૂમિકા ભજવી હતી.

દ્રૌપદી મુર્મુના નોમિનેશન દરમિયાન ભાજપ સહિત સમગ્ર એનડીએ એકજૂટ દેખાયું હતું. આ પ્રસંગે ભાજપ શાસિત રાજ્યોના મુખ્યપ્રધાનો પણ દ્રૌપદી મુર્મુના નામાંકનમાં ભાગ લેવા પહોંચ્યા હતા. બીજેડીના વડા નવીન પટનાયક અને આંધ્રપ્રદેશના સીએમ જગન મોહન રેડ્ડીએ દ્રૌપદી મુર્મુને સમર્થન જાહેર કર્યું છે. આ પછી દ્રૌપદી મુર્મુનું રાષ્ટ્રપતિ બનવું લગભગ નિશ્ચિત છે.

દેશના આગામી રાષ્ટ્રપતિની ચૂંટણી 18 જુલાઈએ થવાની છે, પરંતુ જમ્મુ અને કાશ્મીરની વિધાનસભા દેશના ટોચના બંધારણીય પદ માટેની ચૂંટણીમાં ભાગ લઈ શકશે નહીં. કારણ કે વર્ષ 2019માં જમ્મુ-કાશ્મીર રાજ્યને બે કેન્દ્રશાસિત પ્રદેશોમાં વહેંચવામાં આવ્યું હતું. ત્યારથી અત્યાર સુધી જમ્મુ અને કાશ્મીરની વિધાનસભાની રચના થઈ નથી.

તમને જણાવી દઈએ કે જમ્મુ અને કાશ્મીર પુનર્ગઠન અધિનિયમ જમ્મુ અને કાશ્મીર કેન્દ્ર શાસિત પ્રદેશ માટે વિધાનસભાની જોગવાઈ કરે છે, પરંતુ કેટલાક કારણોસર ત્યાં ચૂંટણી થઈ શકી નથી. જો કે, જમ્મુ અને કાશ્મીરના કેન્દ્રશાસિત પ્રદેશમાંથી પાંચ લોકસભા સભ્યો, જેમાં ફારુક અબ્દુલ્લા, હસનૈન મસૂદી, અકબર લોન, જુગલ કિશોર શર્મા અને જિતેન્દ્ર સિંહ રાષ્ટ્રપતિની ચૂંટણીમાં મતદાન કરશે.

ઉલ્લેખનીય છે કે દેશના આગામી રાષ્ટ્રપતિ માટે 18 જુલાઈના રોજ મતદાન થશે. ભાજપે ઓરિસાની એક આદિવાસી મહિલા અને ઝારખંડના પૂર્વ ગવર્નર દ્રૌપદી મુર્મુને મેદાનમાં ઉતાર્યા છે, જ્યારે વિપક્ષે ભાજપના પૂર્વ નેતા યશવંત સિંહા પર દાવ લગાવ્યો છે.

24 June, 2022 03:15 PM IST | New Delhi | Gujarati Mid-day Online Correspondent

અન્ય લેખો

રાષ્ટ્રીય સમાચાર

નૂપુર શર્માની ટિપ્પ્ણી બદલ તેમણે ટીવી પર આખા દેશની માફી માગવી જોઈએ- SC

સુપ્રીમ કૉર્ટે નૂપુર શર્માને આખા દેશમાંથી માફી માગવા કહ્યું છે. સાથે કૉર્ટે કેસ ટ્રાન્સફર કરનારી અરજી પણ ફગાવી દીધી છે. સુપ્રીમ કૉર્ટે તેમને હાઈ કૉર્ટ જવા કહ્યું.

01 July, 2022 12:19 IST | New Delhi | Gujarati Mid-day Online Correspondent
રાષ્ટ્રીય સમાચાર

ઇસરોએ ત્રણ સૅટેલાઇટ્સ લૉન્ચ કર્યા

આ સૅટેલાઇટ લૉન્ચ વેહિકલ સિંગાપોરના ત્રણ સૅટેલાઇટ્સ સાથે ઊપડ્યું હતું

01 July, 2022 10:54 IST | Sriharikota | Gujarati Mid-day Correspondent
રાષ્ટ્રીય સમાચાર

‘ઈઝ ઑફ ડૂઇંગ બિઝનેસ’ મામલે ગુજરાત ટૉપ અચીવર્સની કૅટેગરીમાં

મહારાષ્ટ્રને અચીવર્સનો દરજ્જો અપાયો, રૅન્કિંગ સિસ્ટમમાં ફેરફાર કરાયો

01 July, 2022 10:45 IST | New Delhi | Gujarati Mid-day Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK