Gujarati Mid-day

ઇ-પેપર

વેબસ્ટોરીઝ

વેબસ્ટોરીઝ


હોમ > સમાચાર > રાષ્ટ્રીય સમાચાર > આર્ટિકલ્સ > UP Crime News: મિત્ર સાથે મળી કરી પત્નીની હત્યા, બાદમાં કર્યા શરીરના ટુકડે-ટુકડા

UP Crime News: મિત્ર સાથે મળી કરી પત્નીની હત્યા, બાદમાં કર્યા શરીરના ટુકડે-ટુકડા

24 November, 2022 10:33 AM IST | Lucknow
Gujarati Mid-day Online Correspondent | gmddigital@mid-day.com

સીતાપુુર પોલીસે આરોપી પતિ અને તેના મિત્રની ધરપકડ કરી લીધી છે.

પ્રતીકાત્મક તસવીર

પ્રતીકાત્મક તસવીર


રાષ્ટ્રીય રાજધાની દિલ્હીમાં શ્રદ્ધા વોકર (Shraddha Murder Case)ની જઘન્ય હત્યા બાદ, ઉત્તર પ્રદેશ (UP Crime)ના સીતાપુરમાં આવો જ એક અન્ય કિસ્સો સામે આવ્યો છે, જ્યાં એક મહિલાની લાશને કાપીને દૂરના સ્થળે ફેંકી દેવામાં આવી હતી.

સીતાપુર પોલીસના જણાવ્યા અનુસાર, તેઓએ 8 નવેમ્બરે ઉત્તર પ્રદેશના સીતાપુર જિલ્લાના રામપુર કલાન પોલીસ સ્ટેશન વિસ્તાર હેઠળના ગુલરિહામાંથી જ્યોતિ ઉર્ફે સ્નેહા તરીકે ઓળખાયેલી પીડિતાનો મૃતદેહ કબજે કર્યો હતો. આ કેસના બે મુખ્ય આરોપીઓની ઓળખ પંકજ મૌર્ય અને દુર્જન પાસી તરીકે થઈ છે, જેમની ધરપકડ કરવામાં આવી છે.



પોલીસના નિવેદન મુજબ સીતાપુર પોલીસ સ્ટેશનના રામપુર કલાન વિસ્તારના ગુલરિહામાંથી મહિલાની લાશ મળી આવી છે. આ મહિલા એક આરોપી પંકજ મૌર્યની પત્ની છે. સીતાપુર પોલીસે તેના નિવેદનમાં ખુલાસો કર્યો, "આરોપી પંકજ મૌર્યએ પોલીસ સમક્ષ કબૂલાત કરી છે કે તેણે તેના એક સાથી સાથે મળીને તેની પત્નીની હત્યા કરી હતી."


આરોપીએ પોલીસને આપેલા નિવેદનમાં જણાવ્યું કે મહિલા જ્યોતિ ઉર્ફે સ્નેહા નિયમિત રીતે ડ્રગ્સ લેતી હતી. આરોપી પંકજે કહ્યું, "તે ઘણા દિવસો સુધી કોઈના ઘરે રહેતી હતી, જેના કારણે તેમના સંબંધોમાં ખટાશ આવી ગઈ હતી."

આ પણ વાંચો:Shraddha Murder Case:આરોપીએ કોર્ટમાં ગુનો કબૂલતાં કહ્યું શા માટે કરી શ્રદ્ધાની હત્યા


 સીતાપુર પોલીસે જણાવ્યું હતું કે આરોપી, પંકજ મૌર્ય તરીકે ઓળખાય છે, તેણે જ્યોતિને ખતમ કરવાનો નિર્ણય કર્યો, જેની સાથે તેણે દસ વર્ષથી લગ્ન કર્યા હતા, કારણ કે તેને શંકા હતી કે તેણી તેની સાથે છેતરપિંડી કરી રહી છે.

સીતાપુર પોલીસે પોતાના નિવેદનમાં કહ્યું કે, "પંકજના મિત્રની પણ ગુનામાં મદદ કરવા બદલ ધરપકડ કરવામાં આવી છે." પોલીસ નિવેદનમાં કહેવામાં આવ્યું છે કે ઉત્તર પ્રદેશ પોલીસ સ્પેશિયલ વેપન્સ એન્ડ ટેક્ટિક્સ (SWAT) અને રામપુર પોલીસના સંયુક્ત પ્રયાસોથી સફળ દેખરેખ બાદ આરોપીઓની ધરપકડ કરવામાં આવી છે.

Whatsapp-channel Whatsapp-channel

24 November, 2022 10:33 AM IST | Lucknow | Gujarati Mid-day Online Correspondent

App Banner App Banner

અન્ય લેખો


X
ક્વિઝમાં ભાગ લો અને જીતો ગિફ્ટ વાઉચર
This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK