દેશના ૩૦૧ જિલ્લામાં પૉઝિટિવિટી રેટ ૨૦ ટકાથી પણ વધુ છે
પ્રતીકાત્મક તસવીર- મિડ-ડે
દેશમાં ૭૪૧ જિલ્લામાંથી ૪૦ ટકાથી વધારે એટલે કે ૩૦૧ જિલ્લામાં પૉઝિટિવિટી રેટ ૨૦ ટકા અથવા આનાથી વધારે છે. કેન્દ્રીય સ્વાસ્થ્ય મંત્રાલયે આને જાહેર કર્યો છે. આ જિલ્લા દેશનાં ૩૬ રાજ્ય અને કેન્દ્રશાસિત પ્રદેશોમાં પડે છે. આનાથી જાણવા મળે છે કે કોવિડ સંક્રમણની વર્તમાન લહેર ક્યાં સુધી ફેલાયલી છે. કોરોનાનો પૉઝિટિવિટી રેટ વધતો દર્શાવે છે કે અત્યારે મોટા પ્રમાણમાં ટેસ્ટિંગ વધારવાની જરૂરિયાત છે.
ગત અઠવાડિયા દરમ્યાન (૧થી ૭ મે) ૧૫ જિલ્લામાં પૉઝિટિવિટી રેટ ૫૦ ટકાથી વધારે રહ્યો. આમાં હરિયાણાના ૪ જિલ્લા અને અરુણાચલ પ્રદેશ તેમ જ રાજસ્થાનના ૨-૨ જિલ્લા સામેલ છે. ખાસ વાત એ છે કે આમાંથી મોટા ભાગના જિલ્લા ગ્રામીણ છે. કેમકે ટેસ્ટિંગના આંકડા ઉપલબ્ધ નથી, જેથી એ સ્પષ્ટ નથી કે આનું કારણે પૂરતુ ટેસ્ટિંગ છે કે નહીં. ૭ દિવસના સમયગાળા માટે સૌથી વધારે પૉઝિટિવિટી રેટ ૯૧.૫ ટકા અરુણાચલ પ્રદેશના ચાંગલાંગ જિલ્લામાં જોવા મળ્યો.
ADVERTISEMENT
લિસ્ટમાં બીજું નામ પૉન્ડિચેરીના યનમનું છે. ત્યાર બાદ યાદીમાં રાજસ્થાનનું બિકાનેર, અરુણાચલ પ્રદેશ અને દિબાંગ વૈલી અને રાજસ્થાનનું પાલી છે. ૨૦ ટકા અથવા તેનાથી વધારે પૉઝિટિવિટી રેટવાળા જિલ્લાની ટકાવારી સૌથી વધારે કેરળમાં છે. રાજ્યના ૧૪માંથી ૧૩ જિલ્લામાં આ સ્થિતિ છે. હરિયાણા ૨૨માંથી ૧૯, પશ્ચિમ બંગાળ ૨૩માંથી ૧૯, દિલ્હી ૧૧માંથી ૯ અને કર્ણાટક પણ એ રાજ્યોમાં છે જેમના ૭૦ ટકાથી વધારે જિલ્લા આ યાદીમાં છે.
