રશિયાએ કોરોના મહામારીના સમયમાં ભારતને મોટી રાહત સામગ્રી મોકલી છે. મેડિકલ સપ્લાયથી ભરપૂર 2 વિમાન ભારત આવી ગયા છે.
પ્રતીકાત્મક તસવીર
સંકટ કાળમાં ભારતના જૂના અને વિશ્વાસુ મિત્ર રશિયાએ ફરી એક વાર આગળ આવીને મદદ કરી છે. રશિયાએ ભારતને કોરોના મહામારીથી લડવા માટે મેડિકલ ઉપકરણોથી ભરપૂર એવા બે વિમાન મોકલ્યા છે. જે ગુરુવારે દિલ્હી ઍરપૉર્ટ પર લેન્ડ થયા.
મળતી માહિતી પ્રમાણે રશિયા (Russia)થી મોકલવામાં આવેલી સ્પેશિયલ ફ્લાઇટમાં 20 ઑક્સીજન કંન્સન્ટ્રેટર, 75 વેન્ટિલેટર્સ, 150 બેડસાઇડ મૉનિટર્સ અને દવાઓ પણ સામેલ છે. કુલ મળીને લગભગ 22 મીટ્રિક ટન રાહત સામગ્રી ભારત મોકલવામાં આવી છે. જેને હવે કોરોનાથી લડતા દેશના વિભિન્ન રાજ્યોમાં મોકલવામાં આવશે.
ADVERTISEMENT
પુતિન અને મોદી વચ્ચે થઈ વાતચીત
રશિયાએ મદદ બુધવારે રાષ્ટ્રપતિ વ્લાદીમીર પુતિન અને પીએમ નરેન્દ્ર મોદી વચ્ચે થયેલા ફોન કૉલ બાદ મોકલી. બન્ને નેતાઓની આ વાતચીત આણ તો ભારતમાં કોરોના મહામારીના પ્રકોપ પર આધારિત હતી પણ આમાં બન્ને દેશો સાથે જોડાયેલા અનેક દ્વિપક્ષીય મુદ્દે ચર્ચા કરવામાં આવી.
આ વાતચીત બાદ PMOએ નિવેદન જાહેર કરીને કહ્યું, "પીએમ મોદીએ રાષ્ટ્રપતિ પુતિનને કૉલ કરવા માટે આભાર માન્યો. સાથે જ ભારતને મદદ કરવા માટે તેમનો આભાર પણ માન્યો" તો રશિયાએ નિવેદનમાં કહ્યું, "રાષ્ટ્રપતિ વ્લાદીમીર પુતિને કોરોના વાયરસથી લડવા માટે મોદી સરકારને પોતાનું સમર્થન વ્યક્ત કર્યું. સાથે જ તેમણે જણાવ્યું કે ભારતની મદદ માટે તે ઇમરજન્સી હેલ્પ મોકલી રહ્યા છે."
Air Cargo, Delhi Customs working 24*7 expedited clearance of two flights from Russia early morning which brought 20 oxygen concentrator, 75 ventilators, 150 bedside monitors and medicines totalling 22 MT: Central Board of Indirect Taxes & Customs (CBIC) pic.twitter.com/AZwZDS3aHA
— ANI (@ANI) April 29, 2021
આવતા મહિને ભારત પહોંચશે રશિયન વેક્સીન
વાતચીતમાં રશિયન કોરોના વેક્સીન સ્પૂતનિક વી પર પણ ચર્ચા થઈ. આ વેક્સીનનો પહેલો બેચ આવતા મહિના સુધી ભારત પહોંચવાનો છે. કોવિશીલ્ડ અને કૉવાક્સિન બાદ ભારત પાસે આ ત્રીજી વેક્સીન હશે. જે ભારતના લોકોનું રસીકરણ કરવામાં આવશે. કરાર હેઠળ ભારતમાં સ્પુતનિક વીનું નિર્માણ કરવામાં આવશે. જેના પછી ભારત, રશિયા સાથે જ વિશ્વના અન્ય દેશોને પણ વેચશે. રશિયન રાષ્ટ્રપતિ પુતિને તેમની વેક્સીનને મંજૂરી આપવા પર ભારતના વખાણ પણ કર્યો.
આ દેશોએ કરી મદદની જાહેરાત
અમેરિકા, રશિયા, ફ્રાન્સ, જર્મની, આયરલેન્ડ, બેલ્જિયમ, રોમાનિયા, લક્સમબર્ગ, સિંગાપુર, પુર્તગાલ, સ્વીડન, ન્યૂઝીલેન્ડ, કુવૈત અને મૉરીશસ સહિત કેટલાય પ્રમુખ દેશોએ ભારતને મહામારી સામે લડવામાં મદદ કરવા માટે મેડિકલ મદદની જાહેરાત કરી છે. સિંગાપુરે મંગળવારે ભારતને 256 ઑક્સીજન સિલિન્ડરની આપૂર્તિ કરી. નૉર્વે સરકારે ભારતમાં કોરોનાવાયરસથી પીડિત લોકોની મેડિકલ સેવા માટે 24 લાખ અમેરિકન ડૉલરના યોગદાનની જાહેરાત કરી.
