° °

આજનું ઇ-પેપર
Monday, 26 September, 2022


ચંડીગઢ યુનિવર્સિટી એમએમએસ કાંડમાં વિદ્યાર્થિનીના બૉયફ્રેન્ડ સહિત બે યુવકની શિમલાથી કરાઈ ધરપકડ

20 September, 2022 09:19 AM IST | Chandigrah
Gujarati Mid-day Correspondent | feedbackgmd@mid-day.com

પંજાબ સરકારે આ મામલે વિમેન્સ ઑફિસરોની સ્પેશ્યલ તપાસ સમિતિ બનાવી 

તસવીર : પી.ટી.આઇ.

તસવીર : પી.ટી.આઇ.

ચંડીગઢ યુનિવર્સિટીની ગર્લ્સ હૉસ્ટેલમાં વિદ્યાર્થિનીઓના અભદ્ર વિડિયો બનાવવાના કેસમાં પોલીસે આરોપી વિદ્યાર્થિનીની ધરપકડ બાદ તેના બૉયફ્રેન્ડ સહિત બે યુવકોની હિમાચલ પ્રદેશના શિમલામાંથી ધરપકડ કરી હતી. દરમ્યાન નામ ન આપવાની શરતે હૉસ્ટેલની કેટલીક વિદ્યાર્થિનીઓએ પોલીસને જણાવ્યું હતું કે આ સંપૂર્ણ મામલો પ્રકાશમાં આવ્યા બાદ વૉર્ડને આરોપી વિદ્યાર્થિની પાસેના તમામ એમએમએસ ડિલીટ કરાવી દીધા હતા.  પંજાબ સરકારે આ મામલાની ગંભીરતાથી નોંધ લેતાં મહિલા ઑફિસરોની એક સ્પેશ્યલ ટીમ પણ બનાવી છે જે આ મામલે તપાસ કરશે.  

પંજાબ પોલીસ ધરપકડ કરાયેલા બન્ને યુવકોની પૂછપરછ કરી રહી છે, જેને પગલે અનેક બાબતોની સચ્ચાઈ સામે આવે એવી સંભાવના છે. ધરપકડ કરાયેલા બેમાંથી એક યુવાન બેકરીમાં, જ્યારે કે બીજો ટ્રાવેલ એજન્સીમાં નોકરી કરે છે.

પહેલાં જાણવા મળ્યું હતં કે આરોપી યુવતીએ લગભગ ૬૦ જેટલી વિદ્યાર્થિનીઓના અભદ્ર વિડિયો બનાવ્યા હતા. જોકે પાછળથી યુનિવર્સિટી અને પોલીસે જણાવ્યું હતું કે તેની પાસેથી બીજી કોઈ સ્ટુડન્ટના વિડિયો નથી મળ્યા. આરોપી યુવતીએ માત્ર પોતાનો વિડિયો બનાવીને પોતાના બૉયફ્રેન્ડને મોકલ્યો હતો. જોકે હૉસ્ટેલમાં રહેતી એક વિદ્યાર્થિનીએ નામ ન આપવાની શરતે જણાવ્યું હતું કે તેમને પહેલાંથી જ આ છોકરી પર શંકા હતી, જે સાચી પડતાં વૉર્ડનને ફરિયાદ કરતાં વૉર્ડને તેને ઠપકો આપીને બધા એમએમએસ ડિલીટ કરાવ્યા હતા.  

તેના જણાવ્યા મુજબ આ હૉસ્ટેલ પહેલાં બૉય્ઝ હૉસ્ટેલ હોવાથી એના કોરિડોરમાં સીસીટીવી કૅમેરા નહોતો બેસાડાયો, જેના કારણે હૉસ્ટેલમાં થતી ગતિવિધિઓની બહાર કોઈને જાણ થઈ શકી નહોતી. 

20 September, 2022 09:19 AM IST | Chandigrah | Gujarati Mid-day Correspondent

અન્ય લેખો

રાષ્ટ્રીય સમાચાર

ગુલામ નબી આઝાદે નવી પાર્ટીની જાહેરાત કરી, આપ્યું આ નામ

ગુલામ નબી આઝાદે પોતાની નવી `ડેમોક્રેટિક આઝાદ પાર્ટી`ના ધ્વજનું અનાવરણ પણ કર્યું

26 September, 2022 06:04 IST | Jammu | Gujarati Mid-day Online Correspondent
રાષ્ટ્રીય સમાચાર

ગુજરાતથી દિલ્હી પહોંચ્યા સફાઇકર્મચારી હર્ષ સોલંકી અને પરિવાર,CM સાથે કર્યું લન્ચ

ગુજરાતના સફાઈ કર્મચારી હર્ષ સોલંકી પોતાના પરિવારના દિલ્હીના સીએમ અરવિંદ કેજરીવાલ (Arvind Kejriwal) સાથે મુલાકાત કરવા તેના નિવાસસ્થાને પહોંચ્યા. ત્યાર દિલ્હી સીએમએ તેમના પરિવાર સાથે લન્ચ કર્યું.

26 September, 2022 06:03 IST | New Delhi | Gujarati Mid-day Online Correspondent
રાષ્ટ્રીય સમાચાર

ઉત્તર પ્રદેશમાં ગોઝારો અકસ્માત, ટ્રક અને ટ્રેક્ટર વચ્ચે ટક્કર થતાં 10 લોકોના મોત

લખનૌના ઇટૌંજાના અસનાહા ગદ્દીપુરવામાં એક ઝડપી ટ્રકે ટ્રેક્ટર-ટ્રોલીને ટક્કર મારી હતી. અકસ્માતમાં મુંડન કરવા જતા લોકો સહિત ટ્રેક્ટર-ટ્રોલી તળાવમાં પલટી મારી ગઈ હતી. અકસ્માતમાં તમામ લોકો ડૂબી ગયા હતા.

26 September, 2022 02:38 IST | Lucknow | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK