° °

આજનું ઇ-પેપર
Tuesday, 27 July, 2021


ઓક્સિજન વિવાદઃ કેન્દ્ર સરકાર ખોટી છે, તેમના સામે કેસ થવો જોઈએ: સંજય રાઉત

21 July, 2021 04:39 PM IST | mumbai | Gujarati Mid-day Online Correspondent

સંસદમાં ઓક્સિજનને કારણે એક પણ લોકોના મોત થયા ન હોવાની વાત થતાં હોબાળો મચ્યો છે. આ મામલે સંજય રાઉતે પણ પ્રતિક્રિયા આપી છે.

સંજય રાઉત (ફાઈલ ફોટો)

સંજય રાઉત (ફાઈલ ફોટો)

સંસદના ચોમાસું સત્રમાં કેન્દ્રીય આરોગ્ય રાજ્યમંત્રી ડૉ. ભારતી પ્રવીણ કુમારે `ઓક્સિજનના અભાવને કારણે કોઈ મૃત્યુ ન થવાનું` લેખિત નિવેદન આપ્યા બાદ રાજકીય હલચલ મચી ગઈ છે. આ મામલે શિવસેનાના સાંસદ સંજય રાઉતે નારાજગી વ્યક્ત કરી છે. તેમણે કહ્યું કે આવા ખોટા નિવેદનો આપવા બદલ સરકાર સામે કેસ નોંધવો જોઇએ.

આ મામલે પ્રતિક્રિયા આપતાં રાઉતે કહ્યું કે, કેટલાય રાજ્યોમાં ઓક્સિજનની અછતને કારણે ઘણા લોકોનાં મોત નીપજ્યાં છે. ઓક્સિજનની અછતને કારણે જેમના સંબંધીઓ મૃત્યુ પામ્યા છે, તે લોકોએ કેન્દ્ર સરકારને કોર્ટમાં લઈ જવી જોઈએ. 

રાજ્યસભાના સદસ્યએ પત્રકારો સાથે વાતચીત કરતી વખતે કટાક્ષથી કહ્યું કે, કેન્દ્ર સરકાર સત્યથી ભાગી રહી છે. મને લાગે છે કે તે પેગાસસ (ઇઝરાઇલી સ્પાયવેર) ની અસર છે. વધુમાં સેનાના મુખ્ય પ્રવક્તાએ કહ્યું કે,  જે લોકોના સગા સંબંધીએ ઓક્સિજનના અભાવને કારણે મૃત્યુ પામ્યા છે તે લોકોને આ સાંભળીને શું થતુ હશે. તે જાણવાની જરુર છે કે તે લોકો સંસદમાં રજૂ થયેલી આ માહિતી પર કેટલો વિશ્વાસ રાખે છે.  

કેન્દ્ર સરકારે મંગળવારે રાજ્યસભામાં જણાવ્યું હતું કે કોરોનાની બીજી લહેર દરમિયાન તબીબી ઓક્સિજનની માંગમાં અભૂતપૂર્વ ઉછાળો આવ્યો હતો અને તે પ્રથમ લહેરની સરખામણીમાં ખુહ જ વધારે હતો.

તમને જણાવી દઈએ કે કોંગ્રેસના સાંસદ કેસી વેણુગોપાલે મંગળવારે સંસદના ઉપલા ગૃહ રાજ્યસભામાં સવાલ પૂછ્યો હતો કે કોરોનાની બીજી લહેર દરમિયાન ઘણા કોવિડ દર્દીઓ ઓક્સિજનના અભાવે મૃત્યુ પામ્યા હતા? જેના લેખિત જવાબમાં નવનિયુક્ત કેન્દ્રીય આરોગ્ય રાજ્ય મંત્રી ડો.ભારતી પ્રવીણ કુમારે કહ્યું હતું કે,ઓક્સિજનના અભાવને કારણે દેશમાં એક પણ મૃત્યુ થયું નથી. તેમના દ્વારા સંસદમાં રજૂ કરાયેલી આ લેખિત માહિતીને લઈ રાજકારણાં હલચલ મચી છે. 

21 July, 2021 04:39 PM IST | mumbai | Gujarati Mid-day Online Correspondent

અન્ય લેખો

રાષ્ટ્રીય સમાચાર

મહારાષ્ટ્ર 1 કરોડ લોકોને સંપૂર્ણ રસી આપનાર પ્રથમ અને એકમાત્ર રાજ્ય બન્યું

મહારષ્ટ્રમાં 1 કરોડ લોકોને કોરોના રસીના બંને ડોઝ આપવામાં આવ્યાં છે. આ સાથે જ આટલા લોકોને રસી આપનાર એકમાત્ર અને પ્રથમ રાજ્ય મહારષ્ટ્ર બન્યું છે.

26 July, 2021 07:17 IST | mumbai | Gujarati Mid-day Online Correspondent
રાષ્ટ્રીય સમાચાર

Maharashtra: ભૂસ્ખલનથી અસરગ્રસ્ત તાલિયેમાં સર્ચ ઓપરેશન બંધ, ગુમ લોકો મૃત જાહેર

મહારાષ્ટ્રના રાયગઢ જિલ્લામાં ભારે વરસાદને કારણે કેટલાય લોકો ગુમ થયા છે. ભૂસ્ખલનથી અસરગ્રસ્ત તાલિયે ગામમાં સર્ચ ઓપરેશન બંધ કરી ગુમ લોકોને મૃત જાહેર કરી દેવામાં આવ્યાં છે.

26 July, 2021 06:38 IST | mumbai | Gujarati Mid-day Online Correspondent
રાષ્ટ્રીય સમાચાર

મેઘની મહેર બદલાઈ કહેરમાં: મહારાષ્ટ્રમાં 164 લોકોના મોત, 100 લોકો ગુમ

મહારાષ્ટ્રમાં વરસાદે ભારે કહેર મચાવ્યો છે. વરસાદ સંબંધિત ઘટનાઓમાં 164 લોકોના મોત થયા છે. જ્યારે 100 લોકો ગુમ છે. બચાવ ટીમ દ્વારા હજી કામગીરી શરૂ છે.

26 July, 2021 04:42 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK