° °

આજનું ઇ-પેપર
Wednesday, 23 June, 2021


બૅન્ગલોરની પોલીસે લવબર્ડ્સ પર ત્રાટકવા ઢોબળે સ્ટાઇલ અપનાવી

04 December, 2012 06:33 AM IST |

બૅન્ગલોરની પોલીસે લવબર્ડ્સ પર ત્રાટકવા ઢોબળે સ્ટાઇલ અપનાવી

બૅન્ગલોરની પોલીસે લવબર્ડ્સ પર ત્રાટકવા ઢોબળે સ્ટાઇલ અપનાવી




મુંબઈમાં એસીપી વસંત ઢોબળે જે રીતે પબ અને રેસ્ટોરાં પર દરોડા પાડે છે એવી જ રીતે બૅન્ગલોરની પોલીસ પણ શહેરના જાણીતા પાર્કમાં એકાંત માણી રહેલાં પ્રેમીપંખીડાંઓ પર ત્રાટકે છે. ફરક માત્ર એટલો છે કે બૅન્ગલોરની પોલીસ ડંડો લઈને નહીં પણ હાથમાં હૅન્ડિકૅમ લઈને રોમૅન્સ કરી રહેલાં યુવક-યુવતીઓને ભાગી જવાની ફરજ પાડે છે. પોલીસે ગાઢ હરિયાળી માટે જાણીતા શહેરના ક્યુબોન પાર્કમાં એકાંત માણતાં યુવક-યુવતીઓનું વિડિયો શૂટિંગ કરવાનું શરૂ કર્યું છે.  પાર્કમાં જ્યારે પણ કોઈ છોકરો-છોકરી મળી રહ્યાં હોય છે ત્યારે થોડી જ વારમાં અચાનક પોલીસ-કૉન્સ્ટેબલ આવીને તેમનું વિડિયો શૂટિંગ શરૂ કરી દે છે અને એ પછી સ્વાભાવિકપણે જ બન્ને સ્થળ છોડીને છૂમંતર થઈ જાય છે. છેલ્લાં બે અઠવાડિયાંથી પાર્કમાં આ દૃશ્યો સામાન્ય થઈ ગયાં છે. જોકે લોકોમાં પોલીસની આ કાર્યવાહીને લઈને નારાજગી ફેલાઈ છે.

અખિલ ભારતીય જનવાદી મહિલા સંગઠનનાં ઉપ-પ્રમુખ કે. એસ. વિમલાએ પોલીસની આ કામગીરીને નાગરિકોના મૂળભૂત અધિકારનો ભંગ ગણાવ્યો છે. તેમનું કહેવું છે કે ‘ભારત આઝાદ દેશ છે. અને જાહેર સ્થળે દરેકને મુક્તપણે ફરવાનો અધિકાર છે.’

આ તરફ પોલીસનું કહેવું છે કે પાર્કમાં ગેરવર્તનની અનેક ફરિયાદો બાદ આ પગલું ભરવામાં આવ્યું છે. પોલીસે એવો પણ દાવો કર્યો છે કે વિડિયો શૂટિંગ શરૂ કરવામાં આવતાં પાર્કમાં ‘અનૈતિક વર્તન’ની ઘટનાઓમાં ઘટાડો થયો છે. ચંદ્રિકા પાટીલ નામના શહેરનાં વકીલે પણ પોલીસની પહેલનો વિરોધ કરતાં કહ્યું હતું કે ‘કોઈની પરવાનગી લીધા વિના તેમની તસવીરો ઝડપવી ગેરકાયદે છે. કપલ જાહેરમાં એકબીજાનો હાથ પકડી શકે નહીં એવો કોઈ કાયદો નથી.’

એસીપી = આસિસ્ટન્ટ કમિશનર ઑફ પોલીસ

04 December, 2012 06:33 AM IST |

અન્ય લેખો

રાષ્ટ્રીય સમાચાર

આગામી ચૂંટણીની રણનીતિને લઈ શરદ પવાર સાથે પ્રશાંત કિશોરની ત્રીજી બેઠક

રાજકીય રણનીતિકાર પ્રશાંત કિશોરે બુધવારે રાષ્ટ્રવાદી કોંગ્રેસ પાર્ટીના સુપ્રીમો શરદ પવાર સાથે ત્રીજી વાર બેઠક મળી હતી.

23 June, 2021 05:53 IST | mumbai | Gujarati Mid-day Online Correspondent
રાષ્ટ્રીય સમાચાર

ભાગેડુ માલ્યા, ચોકસી અને નીરવ મોદીની 9371 કરોડ સંપત્તિ સરકારી બેંકોમાં ટ્રાન્સફર

ભાગેડુ ઉદ્યોગપતિઓ વિજય માલ્યા, મેહુલ ચોકસી અને નીરવ મોદીની 9,371 કરોડ સંપત્તિને સરકારી બેંકોમાં ટ્રાન્સફર કરવામાં આવી છે.

23 June, 2021 03:39 IST | mumbai | Gujarati Mid-day Online Correspondent
રાષ્ટ્રીય સમાચાર

સાવધાન! દેશમાં ડેલ્ટા વેરિઅન્ટનો પગ પેસારો, ત્રીજી લહેરમાં મચાવી શકે છે કહેર

દેશમાં ડેલ્ટા વેરિઅન્ટનો પગ પેસારો થયો છે. આ ઘાતકી ડેલ્ટા પ્લસ વેરિઅન્ટ ત્રીજી લહેરમાં મચાવી હાહાકાર મચાવી શકે છે.

23 June, 2021 02:23 IST | mumbai | Gujarati Mid-day Online Correspondent

This website uses cookie or similar technologies, to enhance your browsing experience and provide personalised recommendations. By continuing to use our website, you agree to our Privacy Policy and Cookie Policy. OK